Mateo 19:13 - Dios Iwene

¹³ Ju'wedö jojodöma tji̧tji̧munö tjichejebinobe Jesús ö̧jobekwö, ömamu 'bibeba̧lö, Diosnö aebobö, jo̧kwaijayonö Jesús öba̧ja̧di̧ waisachadöma jojodönö wetjinobe: —Kwi̧tji̧muduwinö ichejebökönaduwi— jö̧ba̧lö.

Mateo 19:13 Iomraidhean Croise

Génesis 48:1

Ju'wi möle, Joséma abe'donö, weköbi̧ isabenö ja̧tocha, jö̧ba̧lö, yöawinemitjö tupakwö bakwo̧ma yöbawijetö Josénö: —¡Chuluwo̧! kwabe'doma jwiinö ö'wöcha!— yöbawijetö. Jejenö yöawökwe i̧tji̧mu Manasésnö, Efraínnö öbibö 'yi̧jetö abe'do ö̧jobekwö.

Mateo 16:22

Jejenö yöawökwe, Pedroma jo̧banö do̧batö yöa̧linobe: —Chuluwo̧, sulabenö yöka̧la. Jejenöma la'akatjöda baledökena ökwönö, Dios weökena— jö̧ba̧lö.

Mateo 19:12

Okobe deinö tji̧lȩkwa̧munö tjemo jö̧ba̧lö weinokobe Diosma, chömöledö, ömadötjö ju'wedöma tjöla'yapiyu jwibadönö tjojo'do jeminobe, ja̧danö ju'wedönö jojodö 'wibebö lotjinobetjö̧ tjöla'yapiyu jwibadö tjö̧jobe, ja̧danö ju'wedöma jwaikwöda mölejȩbe jo̧ yöbawö weena jawa tjotidobetjö̧, idöda tjöla'yapiyu jwibadödanö tji̧lȩkwa̧munö emökönö tjö̧jobe. Jau chömöledö, Diosma wainökwena iyo̧ jojodönö. Ju'wedönö tji̧lȩkwa̧munö tjemobö iyobe, ja̧danö ju'wedönö tjemokobö iyobe, jo̧kwajabetjö̧ yötawaja̧ iyinawö̧ma, ja̧ tjösödobö jo̧be— jö̧ba̧lö yöawinobe Jesúsma.

Mateo 20:31

Jejenö jwötjeba̧liawö̧, jojodöma jobadönö labinö wetjinobe, 'Wi̧inö babibaduwi jö̧ba̧lö. Jo̧kwaijayonö, 'wi̧inö batjibobö wetjijayonö, 'wi̧inö babibökönö ajayitjö bajalekwönönö labinö jwötjeba̧linobe: —David itji̧ tupadanö jojo, ¡lȩlö̧jinö edö pjabati ökwödönö!— jö̧ba̧lö.

Hechos 2:39

Biya̧ wenema, O̧'wo̧ Luwo̧ tebachibö öjamatakwa̧ wenema, ökwödönöbi, ökwödötjö tupadanö jojodönöbi, ju'wedö ödö ju̧kwadönöbi Dios yöbawö junijetö. Okobe deinö Duluwo̧ Dios jwöinawö̧nöma biya̧ wenema yöbawö junijetö Diosma, iteda O̧'wo̧ Luwo̧ tebachibö öjamatakwa̧ wenema— yöbawijetö Pedroma.

1 Corintios 7:14

Jo̧kwaijayonö, bakwo̧ Jesúsnö öpöjödo̧ma ilekwo Jesúsnö ösödujukwö ja̧kwawa öpöjöditjö̧ma, ja̧danö bakwuju Jesúsnö öpöjödujuma jilekwe Jesúsnö ösödo̧kwö ja̧kwawa jöpöjöditjö̧ma, jo̧kwada, ölakwabikwawö tjö̧japji jö̧ba̧lö 'da̧bachibö tji̧'yena. Jau chömöledö, ölakwabikwawa jwiinö dö̧jobö jwöinobe Diosma. Ja̧danö, Jesúsnö öpöjödadö tji̧lȩkwa̧mu Jesúsnö ösödadökwö tjö̧jobö tjöpöjöditjö̧ma, 'da̧bachibö tji̧'yena. Jo̧kwaijayonö tji̧lȩkwa̧mukwö tjö̧jobö tjösöditjö̧ma, otiwa, jobadönö katjatiboko Jesúsnö ösödadöma. Ja̧danö, bakwuju Jesúsnö ösöduju jilekwema Dios ömöledöso̧danö ichejekwo̧, ja̧danö bakwo̧ Jesúsnö ösödo̧ ilekwoma, Dios ömöledösujudanö ichejekwuju. Jau chömöledö, jejenö jo̧be, jobadö tji̧tji̧mu Diosnö öpöjödadö tji̧tji̧mudanö tjichejekwapji jö̧ba̧lö. Ja̧danö, Dios ömöledödanö tjichejekwobetjö̧, tji̧tji̧munöbi edö ösödo̧ Diosma, chömöledödanöbedö jö̧ba̧lö.

1 Samuel 1:24

Ja̧danö, o̧do̧'bi̧ 'döjebaja̧ ikena, yemidanö Diosnö iyö tji̧'yena, yöja̧linadanö Anama jitji̧ ina ja'yuwo̧nö öbibö ji̧'yinobe Isabenö Jo̧ ejube Silo Comunidadbe. Ju'wibi pakayaso̧ wapötakwa o̧ba junalo̧nöbi öbibö, tuda'wo nueve kilo harinaso̧pjasa'wobi e'ewö, ubasobu o̧'do̧busapja̧bi e'ewö tji̧'yinobe.