Mateo 18:25 - Dios Iwene

²⁵ Jo̧bama umusidi̧ imidobö jwiinobe, jo̧kwajabetjö̧ la'aka luwo̧ma weinobe, jo̧banöbi, ilekwonöbi, i̧tji̧munöbi ju'wedö tjömöayedö batjibanö mikwanö iyö lotjobö, ja̧danö okobe jwiinö tjujuna̧li̧ iyö lotjobö, ja̧ baladanö tjumusidaja̧ma tjimidawobö.

Mateo 18:25 Iomraidhean Croise

2 Reyes 4:1

Ju'wi möle, Dios yöawi̧ yöbawadötjö̧ bakwo̧ wobö ujunibinokoma Eliseo öba a'o ichibö budekwö yöja̧linobe: —Chuluwo̧ Eliseo, kwömöayo̧bina chilekweminema ökwö kwöwaisinökwe, Isabenö Jo̧ Diosnö isabenö yebabinö ösödina jö̧ba̧lö, jö̧tö? Ina 'yaalayi, jelo̧nö umusidinobe chilekweminema, ja̧danö dumusidina dimidiökökwe, umusidinökwema chitji̧mu du̧ju̧tajanö 'döbebö ichakobe, iteda ömöayedö batjibakobetjö̧, —jö̧ba̧lö.

Éxodo 21:2

Wanedö yötawa. Ökwödötjö bakwo̧ Hebreo jojonö midö kwemena kwömöayo̧ baibanö, jelemutjö bakwöta o̧biyada ökwö weköbi̧ a̧ja̧kwö otidobö jo̧be. Ja̧danö jelemutjö bakwöta o̧bi̧ya̧ 'dö̧ibajena, jelemutjö dötölataja o̧bi̧ya baibanö jo̧bama weköbi̧tjö ö̧jibinö laebobö jo̧be, ökwönö midawa jwiinö.

Isaías 50:1

Baikwö wanedö yöawobe Diosma, israel jojodönö: Chitji̧mu, kwojo'donö, tajawedö jelobekwö öbibö tje'ewinada? Jobujunö kabatibö, chilekwonö katatibobö wȩyukwöja chi̧wȩyudajabetjö̧, jobujunö öbibö tje'ewinaji̧? Ja̧danö ökwödö chi̧tji̧mubedö, ju'wedö tjömöayedö bakibaduwanö kwö̧jaduwi̧ma, ju'wedönö chumusidobetjö̧, ju'wedö tjömöayedö bakibaduwanö iyö lotinaji̧? Ja̧maökö chitji̧mu, ökwödö sulabenö ja̧bö kwö̧jaduwobetjö̧, iyö lotinawö̧ja. Kwojo'doduwibi ja̧danö, sulabenö ja̧bö jö̧jinobetjö̧, jelobekwö öbibö tje'ewinoko.

Mateo 18:24

Ja̧danö, tjumusidi̧ jamatö ko̧ko̧dö ba̧ja̧dö edenama, jo̧ba ömöayedötjö bakwo̧ nöinö musido̧nö tjichejebinobe, ba̧ja̧dökenanö nöinö musido̧nö.

Lucas 7:42

Jejenö tjumusidijayonö, tjimidoböma jwitjinobe, ja̧danö tjimidobö jwitjiökwe, balada luwo̧ma lȩlö̧jinö edö mikwa jwiinö tjumusidi̧ söbebö loinobe, quinientos ö̧pi̧bi̧ya musido̧ umusidi̧bi, cincuenta ö̧pi̧bi̧ya musido̧ umusidi̧bi. Baikwö abebö cha̧ja̧kwakwö Simón: Jejenö tjumusidi̧ söbebö loiawö̧, ¿tida balada luwo̧nö jwiinö ösödenada? Cincuenta ö̧pi̧bi̧ya musido̧ena, quinientos ö̧pi̧bi̧ya musido̧ena, ¿diteda jwiinö ösödenada balada luwo̧nö?— jö̧ba̧lö.