Mateo 18:12 - Dios Iwene

¹² Tupakwö yöawinobe Jesúsma: —Baikwö wanedö yötawa chömöledö: Bakwo̧ cien o̧bȩja̧dönö ujuna̧linobe, ja̧danö jobadö cienbedötjö bakwo̧ ile'dewinobe. Kwedaduwemi, ¿dakwö ja̧obeda chömöledö? Ju'wedö noventa nuevebedönö junibö, le'dewajo̧nö isakwena, ¿jö̧tö?

Mateo 18:12 Iomraidhean Croise

1 Reyes 21:17

Ja̧danö, Isabenö Jo̧ma iteda yöawi̧ yöawinobe Eliasnö, baikwö:

Isaías 53:6

Jau, obejadö le'dewö tji̧'yidanö, okobe deinö ökwödöma bakwo̧nökwena dösödobekwö 'ya̧nö, Diostjö 'da̧bachibö di̧'yajabe, ja̧danö 'da̧bachibö di̧'yiökwe, ökwödönö lȩebo jö̧a̧linobe. Jo̧kwaijayonö, ökwödö dusulama, joba iteda ömöayo̧nöda öwaninobe Isabenö Jo̧ma, jo̧bada lȩekwa emakobetjö̧.

Mateo 12:11

Jejenö atjebökwe, Jesúsma atadö abebö a̧ja̧kwinobe: —Ökwödötjö bakwo̧ ajwi obeja otikwökö möle laju okwa meitjö̧ma, ¿otikwökö mölejayonö obejanö do̧batö, laju okwatjö töebökenaji̧? Isabenö töebena, ¿jö̧tö?

Mateo 18:13

Ja̧danö, le'dewajo̧nö obejanö öbadekwajenama, jwiinö o̧'wo̧ ösöwachibena, ¿jö̧tö? Jau chömöledö, ju'wedö le'dewajöködö noventa nuevebedönö o̧'wo̧ ösöwi̧tjö bajalekwönönö le'dewajo̧nö badekwajö o̧'wo̧ ösöwachibanö ö̧jena, ¿jö̧tö?

Mateo 21:28

Tupakwö yöawinobe Jesúsma jobadönö: —Baikwö wanedö yötawa: Bakwo̧ uba batjo juna̧lo̧ma, i̧tji̧mu ömadö du̧ju̧tajanö ujuna̧linobe, ja̧danö ju'wi möle abönö pöenö weinobe: Chitji̧, babe möle chöbatjo kwotido, jö̧ba̧lö.

Mateo 22:42

—Dios weakwo̧ jö̧a̧linökwenöma, ¿dakwö kwomukwataduwobeda? ¿Ti itji̧ tupadanö jojoda?— jö̧ba̧lö. Aebawö̧: —David itji̧ tupadanö jojo— jö̧ba̧lö tjatadinobe.

1 Corintios 10:15

Waisadöja chömöledö, waisanö kwomukwataduwo jö̧ba̧lö. Jo̧kwajabetjö̧, baikwö labebö lobö yötawa, ja̧danö ökwödöma a̧ja̧kwö kwomukwataduwo, jweinö yötawojobö, ö'öbönö yötawojobö jö̧ba̧lö chömöledö.

1 Pedro 2:25

Jau chömöledö, ajayinöma ökwödöma o̧bȩja̧dö le'dewinadödanö kwebachinadöja, jo̧kwaijayonö ökwödönö te'ada̧lo̧ Jesúskwö, kwo̧'wo̧ luwo̧duwinö tjöbeba̧lö te'ada̧lo̧kwö tjekachajinaduwobe.