Mateo 17:27 - Dios Iwene

²⁷ Jo̧kwaijayonö bidö jojodö ökwödönö tjöpöjödapji jö̧ba̧lö, o̧pesobube 'ya̧nö, ba̧i̧ lö̧'a̧waji. Ja̧danö, abönö do̧katajökwe ba̧i̧so̧ aa kwalebenama, baladasapi̧ kwöbadekwajakobe. Ja̧ baladasapi̧nö Dios eju jawa impuesto kwimido, ökwöbi, ötjöbi dimido jö̧da̧li̧ma— jö̧ba̧lö jö̧a̧linobe Jesúsma, Pedronö.

Mateo 17:27 Iomraidhean Croise

Génesis 1:28

Otidajawö̧nöma yöba̧lijetö, Ökwödönö kwöba̧jekwachaduwobö dösölö̧jinö edö pjatatakwo̧sa, jö̧ba̧lö. Jejenö jö̧ba̧lö webijetö: —Nöinö yekawaduwo, böjȩ ba̧kwemeachibanö kwöba̧jekwachaduwo. Ja̧danö, böjȩnö ju̧kwadö tjuluwedö baibanö webö kwuju̧kwaduwo. Ba̧i̧bi, mö köba̧lö ju̧kwadöbi, a̧ji̧kwakwawedöbi okobe deinö böjȩnö kwebachö ju̧kwadö tjuluwedö baibanö webö kwuju̧kwaduwo— jö̧ba̧lö webijetö Diosma jojodönö, otidö ujunajawö̧nöma, ökwödönö ösödanö edö pjatatakwo̧sa jö̧ba̧lö.

1 Reyes 17:4

Jobe ja̧nö, ojwetjö ojwiyo kwowakwo̧ja, ja̧danö ötjöma bo̧lö̧nö wetajabe, kwukwakwa̧ ökwönö tjichejebobö, —jö̧ba̧lö.

Mateo 17:26

Aebökwe: —Idöda tji̧tji̧munö weböködö. Ju'wedönöda tjimidobö webadö— jö̧ba̧lö atadinobe Pedroma. Yöa̧lökwe Jesúsma jö̧a̧linobe: —Jau, jejenö jo̧betjö̧, la'aka luwedö tji̧tji̧muma midöködö, ¿jö̧tö? Ja̧danö Dios itji̧chobetjö̧, ötjöbi ja̧ Chabe'do Dios eju jawa balada chimidobö jwibo̧sa, jo̧ba itji̧chobetjö.

Mateo 18:6

Jo̧kwaijayonö bakwo̧ bidö ötjönö ösödadö tjemunö sulabenö ja̧tjobö weitjö̧ma, isabenö Dios lȩebakwo̧ jo̧bama. Jau chömöledö, wanedö yötawa: Jojo u̧lume'anö inawa ömökawa di̧batibö, ojwe okwa o̧ibobö ikwö lotjitjö̧ma, nöinö usula emawena, ¿jö̧tö? Jo̧kwaijayonö, ja̧tjö bajalekwönönö yelösöda nöinö usula tjemawakwedö tjemunö suli̧ waedadöma chömöledö, Diosma isabenö labinö lȩebakobe.

Mateo 18:8

Tupakwö yöawinobe Jesúsma: —Jau chömöledö, sulabenö ja̧köbaduwobö ja̧awatjö 'da̧bachibaduwi. Baikwö wanedö yötawa: Kwömamubi, kwömasapabi Dios weökö jawa ja̧köbobö weitjö̧ma, 'wibekwö loköbaduwo. Jau chömöledö, o̧penönö otiwena, kwömamubi 'wibekwo̧, kwömasapabi 'wibekwo̧ Dioskwö ja̧kwawa kwujuna̧laduwobö, kwömamiju domulataja juna̧lo̧, ja̧danö kwömasapiya döpalataja juna̧lo̧ ökwöla nöolabe ba̧kwȩlö̧jatebö ubakwolabe tekachapji jö̧ba̧lö.

Mateo 5:29

Jo̧kwajabetjö̧ baikwö wanedö yötawaduwakwö chömöledö: Kwöbajale otiwale sulabenö Dios weökö jawa ja̧köbobö weitjö̧ma, jale kelekwö loköbo. Jau chömöledö, kwiteba'o jawa jwiinö kwö̧jijayonö o̧penönö otiwena, okobe jwiinö kwiteba'o jawakwö ökwöla nöolanö kwö̧japji jö̧ba̧lö.

Mateo 5:30

Ja̧danö, kwömamu, kwöwaisobekwöchobesamu sulabenö Dios weökö jawa ja̧köbobö weitjö̧ma, ja̧mu bulatö loköbo. Jau chömöledö, kwiteba'o jawa jwiinö kwö̧jijayonö o̧penönö otiwena, okobe jwiinö kwiteba'o jawakwö ökwöla nöolanö kwö̧japji jö̧ba̧lö—. Jejenö yöawinobe Jesúsma, okobe jwiinö Dios weökö jawa ja̧köbaduwobö weitjöma 'da̧bachibö kakatibaduwo jö̧ba̧lö.

Marcos 9:42

Jo̧kwaijayonö, bakwo̧ bite tjemudajayo̧nö, ötjönö o̧'wo̧ wana̧lo̧nö, sulabenö ja̧obö webo̧nöma Diosma jwiinö labi̧ jawa weakobe jo̧banöma, usula emawinö. Wanedö yötawa: Jo̧ba usula emawi̧ma, inawa ömökawa u̧lume'anö nu'yö nönajo̧ ojwe okwa jabö loökwe usula emawi̧tjö o̧penönö usula emawinö weakwo̧—jö̧ba̧lö yöbawijetö Jesúsma.

Marcos 9:43

Ina jö̧ba̧lijetö: —Chömöledö wanedö yötawaduwakwö: Kwömamu Dios weökö jawa ja̧köbobö weitjöma ja̧mu bulatö loköbo. Jau chömöledö, bakwamuda jonö Dios La'aka Luwo̧ ö̧jobe kwi̧'yobema domulataja jonö ökwöla la'akatjöda tiibokolabe kwi̧'yemitjö o̧penönö otiwa.

Lucas 17:2

Jau chömöledö, isabenö jwiinö Dios lȩebakwo̧, jejenö jojodönö sulabenö öbibadönö. Baikwö wanedö yötawa: Jojo u̧lume'anö inawa ömökawa di̧batibö, ojwe okwa o̧ibobö jabö lotjitjö̧ma, nöinö usula emawena, ¿jö̧tö? Jo̧kwaijayonö, jabö lotjökwe usula emawi̧tjö bajalekwönönö yelösöda nöinö usula tjemawakwedö bidö tjemunö sulabenö ja̧tjobö öbibadöma chömöledö. Diosma isabenö labinö lȩebakobe.

Juan 6:61

Ja̧danö, Jesúsma öwaisinobe öba̧ja̧di̧ waisachadö tjomukwati̧ma. Ja̧danö, jobadönö abebö a̧ja̧kwinobe: —Yötawi̧ma kwöpöjödaduwiji̧, waiyiawö̧?— abebö a̧ja̧kwinobe—.

Romanos 14:21

Kwöwaisaduwena, Aaa, biya̧ itebiya chukwitjö̧ma, biya̧ ubasobu chowitjö̧ma, chöjawo̧nö suli̧ chöwaedena, jö̧ba̧lö. Jejenö kwöwaisaduwitjö̧ma, yelösöda kwukwaduwoko, yelösöda kwowaduwoko, ja̧danö ju'wi jayebi yelösöda ja̧köbaduwoko, kwöjawo̧duwi töbö meapji jö̧ba̧lö.

1 Corintios 8:13

Jejenöobetjö̧, baikwö yötawaduwakwö chömöledö: Jejenö chu̧kwa kwakwawama chöjawo̧nö töbö meobö ja̧ena jö̧ba̧lö chomukwatitjö̧ma, ja'yubebi itebiya chukwökena wotenanö baibanö, chöjawo̧nö meobö ja̧tapji jö̧ba̧lö.

1 Corintios 8:9

Jau chömöledö, kwöwaisaduwa, wene jwiinö okobe jwiinö kwukwaduwena jö̧ba̧lö. Jo̧kwaijayonö, jejenö kwöwaisaduwijayonö, te'ada̧lönö omukwatö kwö̧jaduwo, ju'wedö Jesúsnö ösödadönö ina tjo̧'wo̧ luwo̧nö da̧peachöködönö suli̧ kwöwaedaduwapji jö̧ba̧lö, ja̧danö sulabenö ja̧tjobö ja̧köbaduwapji jö̧ba̧lö.

2 Corintios 6:3

Jau chömöledö, otiwa jawa wene jojodönö yödawobe, Dios otiwanö pjaati̧ tjösödobö. Ja̧danö, isabenö tjösödobö jö̧da̧lobetjö̧, te'ada̧lönö otiwanö ja̧bö dö̧jobe, ja̧bö dö̧ji̧ edö ja'yubebi otiwa jawa wene tjöpöjödapji jö̧ba̧lö. Jau chömöledö, yöbawö dö̧jonö sulabenö ja̧bö dö̧jitjö̧ma, jojodö ökwödönö edö otiwa jawa wene tjöpöjödena, jo̧kwajabetjö̧ te'ada̧lönö ja̧bö dö̧jobe, ökwödönö edö mikwawökö weneda yöba̧ladö jö̧ba̧lö tjöpöjödapji jö̧ba̧lö.

2 Corintios 8:9

Isabenö pjabatö kwiyaduwobö otiwa chömöledö, baikwö yötawa: Kwöwaisaduwa chömöledö, Duluwo̧ Jesucristo mikwa jwiinö otiwanö iyina wenema, ¿jö̧tö? Jau chömöledö, jo̧bama nöinö ujuna̧linajayonö, ujuna̧li̧ junibö, jwibo̧danö usulaso̧ baibinobe, ökwödönö pjabatö. Jejenö baibinobe, ökwödöma jo̧ba usulaso̧ ö̧jinatjö nöinö juna̧ladö bakibaduwakobetjö̧.

1 Tesalonicenses 5:22

Ja̧danö okobe jwiinö suli̧tjöma kwöpöjödaduwo sulabenö ja̧bökönö.

Santiago 2:5

Chö̧ja̧wo̧dö chösödawö̧, a̧ja̧kwaduwitjö. Böjȩnö ju̧kwadöma usulasedönö edö, Bidöma mikwawöködö, jö̧ba̧lö, tjomukwatobe. Jo̧kwaijayonö Diosma jobadönö edö, Jwiinö mikwawadö, jö̧ba̧lö, edobe. Diosma jobadö jwibadönö omudawö ujuninobe jwiinö juna̧ladöda batjibobö, tjo̧'wo̧ luwo̧ jawa, Jesucristonö tjo̧'wo̧ tjöwana̧lobetjö̧. Ja̧danö, Diosma jobadönö omudawö ujuninobe ju'wi möle jo̧bakwö webö tjö̧jobö, iteda La'aka Luwo̧ webö ö̧jobe ja̧nö. Jau chö̧ja̧wo̧dö, usulasedönöbi jejenö tjö̧jobö omudawö ujuninobe Diosma okobe deinö jo̧banö ösödadö tjö̧jakwa̧ma.