Mateo 15:8 - Dios Iwene

⁸ Bidöma, Diosnö ösödadösa, jö̧ba̧lö yötja̧lijayonö, tjomajadenö otiwanö omukwatöködö ötjönöma.

Mateo 15:8 Iomraidhean Croise

Proverbios 23:26

Jemi ikena jweinö omukwatadö yötjawinama baikwö laebobe, bakwo̧ iteda itji̧nö yöawi̧danö: Chitji̧, ötjö yötawi̧ma ö'wöyawakwawönö omukwatö kwö̧jo. Ja̧danö, ötjö chö̧ji̧ edö kwösödo, ötjöbi chabe'do ö̧ji̧danö chö̧jo, jö̧ba̧lö.

Isaías 29:13

Ja̧danö, Isabenö Jo̧ Diosma baikwö yöawajabe ökwödönö chömöledö: —Bidö jojodöma tjaanö yötja̧lobe, –Dioskwö yö̧ne ja̧dösa, –jö̧ba̧lö, ja̧danö tja̧jȩnö ötjönö ösödö yöba̧ladö, –Diosma otiwo̧, jo̧banö yebabinö ösödadösa, –jö̧balö. Jo̧kwaijayonö jobekwö yötja̧lijayonö, omöna, tjomajadenö yö̧ne jö̧kö̧nö chö̧jelö ödö ju̧kwadö. Ja̧danö, –Diosnö yebabinö ösödadösa, –jö̧ba̧lö yötja̧li̧ma, ötjöda weti̧ a̧ja̧kwö, jobekwö yöba̧löködö, jojodöda wetji̧ a̧ja̧kwö, jobekwö yöba̧ladö.

Mateo 15:7

Ökwödö dötölatajanö omukwatadönö badekwachobe Dios yöawi̧ yöbawo̧ Isaías damötjö iwȩyudinama:

Marcos 7:6

Jejenö abebö tja̧ja̧kwökwe Jesúsma atadijetö: —Ökwödöma dötölatajanö omukwatadöja. Diosnö ösödadösa, jo̧ba wei̧da a̧ja̧kwadösa, jö̧ba̧lö, yöka̧laduwijayonö omöna, kwaaduwitjöda yöba̧ladöja. Damötjö Dios yöawi̧ yöbawo̧ Isaías mikwo̧ma jweinö wȩyudijetö ökwödödajayedönöma. Jo̧ba iwȩyudina baikwö laebobe: Bidöma Diosnö ösödadösa, jö̧ba̧lö, yötja̧lijayonö tjomajadenö otiwanö omukwatöködö ötjönöma.

Juan 1:47

Ja̧danö, Jesúsma jobadö yöneawinö tjichibajena ju'wedönö yöawinobe Natanaelnöma: —Edaduwi. Bite Natanaelma inesö Israel jojo, Israel jojodö tjö̧jo jö̧tja̧li̧danö omukwatö jo̧. Isabenö otiwanö omukwato̧ itema. Omöna yöba̧lö̧kö̧— yöawinobe Jesúsma Natanaelnöma.

Juan 5:23

Ja̧danö, jejenö kabebö öwanijatö ötjönö, jojodöma Chabe'do Diosnö otiwanö edö tjomukwati̧danö, bakwainö ötjönöbi tjomukwatobö, iteda itji̧nöma. Bakwo̧, ötjönö, Dios Itji̧nö otiwanö omukwatö̧kö̧ma, Diosnöbi otiwanö omukwatö̧kö̧, ötjönö webinanö, iteda itji̧nö webinanöma— yöawinobe Jesúsma judío la'aka luwedönö.

Hechos 8:21

Isabenö jö̧ta̧la ökwöma Dios öba a'otjö sulabenö kwomukwatajobetjö̧ ökwödökwö kwotidökakwo̧ja.

Hebreos 3:12

Jo̧kwaobetjö̧ chö̧ja̧wo̧dö, ökwödö bakwo̧nökwena tjöbeba̧lö̧jönö kwite'ada̧laduwo kwo̧'wo̧ luwo̧duwinö, ökwödötjö ju'wedöbi da'dödömine sulabenö tji̧'yinadanö kwi̧'yaduwapji jö̧ba̧lö, kwomajadeduwinö Diosnö jwiinö öpöjödö, yaba̧lo̧ Diosnö kabatibö.

1 Pedro 3:10

Jau chömöledö, isabenö jwaikwöda otiwanö ja̧bö dö̧jobö jo̧be, Dios iwene jejenö laebobetjö̧, baikwö laebobe Dios iwene: Bakwo̧ o̧'wo̧ ösöwanö ö̧jobö jö̧a̧litjö̧ma, ja̧danö otiwanö ja̧kwawa ö̧jobö ösöditjö̧ma, sulabenöma yöa̧loko, ja̧danö omönama yöa̧loko.