Mateo 15:27 - Dios Iwene

²⁷ Yöa̧loko, jatadinobe: —Isabenö yöka̧lobe chuluwo̧, jo̧kwaijayonö ju'wibi a̧wi̧li̧döma tjuluwedö tju̧kwa kwakwawatjö mesasötetjö tjoduwaja̧ma kwadö— jö̧ba̧lö jatadinobe.

Mateo 15:27 Iomraidhean Croise

Génesis 32:10

Ötjönöma ba̧kwȩlöjatebö pjabato̧ja. Ötjöma mikwawökösa̧ ötjönö otiwanö pjakato jö̧ba̧lö. Mikwawö̧kö̧chijayonö ba̧kwȩlöjatebö dösölö̧jinö edö pjakatobe ötjönö, kwömöayo̧nöma. Okobe jwiinö yöbawö kwujuninama badekwachobö ja̧bo̧ja. Ajayinöma chitea jwiinö chi̧'yijatö Harán niji jobekwö. Ja̧danö, Jordan ojwe pebibö, tokwawö kweachakwawötekwöda petibijatö. Babema chȩwa̧jabe nöinö chiteakwö, cha̧jwi̧mukwö, chömöayedökwö, bidö dötölataja jenanö.

Daniel 9:18

Chuluwo̧ Dios, atebi̧ kwa̧ja̧kwobö atebakwö, usula demawi̧ kwedobö atebakwö, Dios eju comunidad ötjabobe Jerusalénnö ju̧kwadö usula tjemawi̧ kwedobö atebakwö. Jejenö atebi̧ma otiwanö ja̧badödobetjö̧ otiwanö kwedo jö̧ba̧löma atebökö chuluwo̧, ökwöda isabenö inesö lȩlö̧jinö edo̧köbobetjö̧ lȩlö̧jinö edö pjakatobö atebakwö.

Mateo 15:26

Yöja̧lökwe Jesúsma atadö wanedö yöa̧linobe: —Tjemu tju̧kwa kwakwawama, a̧wi̧li̧dönö iyö lotjoböma otiwökö— jö̧ba̧lö, Israel jojodö jawama Israel jojodöböködönö chiyoko jö̧ba̧lö.

Mateo 15:28

Yöja̧lökwe, Jesúsma jobujunö yöa̧linobe: —Jojosuju, isabenö otiwanö kwo̧'wo̧ wana̧lujuja. Akebaja̧danö isabenö baledakobe— jö̧ba̧lö. Ja̧danö, jejenö yöa̧lenama, jitjijuma juluwanö otiwanö bajibinobe.

Mateo 5:45

Jejenö ja̧köbaduwo, mölejȩbe jo̧ kwabe'doduwi i̧tji̧mu otiwanö ja̧bö tjö̧ji̧danö otiwanö ja̧bö kwö̧jaduwakobetjö̧. Jau chömöledö, kwabe'doduwima, sulabedönöbi, otiwadönöbi pjabatö bakweminö möle jawo̧nö idejatobö webo̧, ¿jö̧tö? Ja̧danö, sulabenö ja̧badönöbi, otiwanö ja̧badönöbi pjabatö, ojwiyo o̧bobö webo̧, ¿jö̧tö? Jau chömöledö, kwabe'doduwima okobe deinö jojodönö pjabato̧.

Mateo 8:8

Jo̧kwaijayonö, jejenö atadökwe guardia luwo̧ma atadinobe: —Ja̧maökö chuluwo̧. Ichökönuwi. Mikwawö̧kö̧sa, chejube tekachoböma. Belöda weköbitjö̧ma, otiwanö baibakwo̧ chömöayo̧ma.

Marcos 7:28

Jejenö jö̧a̧loko jobujuma jö̧ba̧lijotö: —Jau chuluwo̧. Chöwaisa. Otiwanö yöka̧lajabe. Jo̧kwaijayonö a̧wi̧li̧döma mesasöte teebe ba̧jö tjemu tjukwobe tjoduwi̧da kwadö— jö̧ba̧lijotö.

Lucas 16:21

Jo̧ba Lázaroma balada luwo̧ itea mesasötetjö meaja̧ kwakwawa ukwotö jö̧ba̧lö jobe ba̧nö usula emawinobe, ja̧danö ju'wibi a̧wi̧li̧dö ichö wale'debiya 'dȩtjobetjö̧ jwiinö usula emawö̧ ö̧jinobe.

Lucas 18:13

Ja̧danö, impuesto ötjabi̧ balada emajibo̧bi Diosnö aebinobe. Jo̧bama sulabo̧sa jö̧ba̧lö, yöne ichibökönö ödökwönönö ja̧nö, mölejȩbema edökönö aebinobe. Jo̧bama o̧'wo̧ tjo̧ekwobetjö omuko 'do'dobakwawö Diosnö aebinobe: Dios, ötjöma sulabenö ja̧bö jo̧sa, lȩlö̧jinö kwedobö ateba, jö̧ba̧lö.

Romanos 10:12

Jau chömöledö, bakweminö jo̧be, judío jojodönöbi, judío jojodöböködönöbi, okobe deinö jo̧banö ösödadöma tjö̧jibakwedö chömöledö. Jau chömöledö, judío jojodöbi, judío jojodöböködöbi tjuluwo̧ Diosma bakwo̧da. Ja̧danö okobe deinö jo̧banö abebadönöma otiwanö pjabato̧ Diosma.

Romanos 3:19

Jau chömöledö, döwaisa, Diosma Moisésnö weinobe, iwȩyudobö, jojodö ja̧bö tjö̧jo jö̧ba̧lö wei̧ma. Ja̧danö, ja̧ weinama, Israel jojodönö weinobe, okobe jwiinö ja̧bö tjö̧jo jö̧ba̧lö. Jo̧kwaijayonö, okobe jwiinö ja̧bö tjö̧jo jö̧tja̧lijayonö, ja̧tjinokobe, yelösöda waekwinobe. Jau chömöledö, böjȩ jojodöma okobe jwiinö Dios weina ja̧bö jö̧ködö, bakwo̧bi deobe ja'yubebi junibökönö ja̧bo̧ma. Jau chömöledö, bakwo̧bi deobe, okobe jwiinö Dios weina waekwökönö ja̧bo̧ma. Ja̧danö, Dios weina Moisés iwȩyudinama suli̧ jwibadö badiboböma pjaatokobe chömöledö, okobe jwiinö ja̧bö dö̧jokobetjö̧. Jau chömöledö, Moisés iwȩyudinama sule sulabe dujuna̧li̧ weneda yöawobe. Ja̧danö, Dios lȩebenama, okobe deinö ökwödö böjȩ jojodöma atadakwawa jwidakwedösa, lȩkeboko yöda̧lo jö̧ba̧lö.

Romanos 3:29

Ju'wibi yötawa, Diosma sule judío jojodö tjuluwo̧maökö, judío jojodöböködöbi tjuluwo̧ Diosma chömöledö.

Romanos 3:4

Ja̧maökö chömöledö, okobe deinö böjȩ jojodö jö̧tja̧li̧ waekwijayonö, Diosda kabatökönö jö̧a̧li̧danö ja̧bo̧ma chömöledö. Dios iwene wȩyudinama, biya̧ wene iwȩyudinobe, Diosnö iwȩyudenama. Baikwö iwȩyudinobe: Dios, ökwö yöka̧lenama, otiwanö öwawachibakobe, jweinöda yöba̧lo̧ja jö̧ba̧lö. Ja̧danö, lȩekwa luwedö tjöba a'otjö yöka̧lenama, lȩekwa luwedöbi yötjawakwedö, Bitema isabenö jweinö yöba̧lo̧, jö̧ba̧lö, jö̧ba̧lö iwȩyudinobe.

Efesios 3:19

Jau chömöledö, Cristoma jwiinö ile niebobe ökwödönöma. Ökwödö jojodöma Cristo ile niebi̧ domukwati̧ma waiyobe, ¡Ayö! ¿dakwö jö̧ba̧lö ile niebobejö? jö̧ba̧lö, domukwatena. Do̧datibökönö ichejekwobe ¿jö̧tö? Chömöledö, yayonö Diosnö atebobe kwöwaisachibaduwobö jo̧ba jwiinö ile niebi̧ma ökwödönö. Jejenö, Dios ile niebi̧ kwöwaisachibaduwenama, itedadanö ösödabikwawö kwö̧jaduwakwedöja.

Efesios 3:8

Chömöledö, ötjöma ju'wedö Dios ömöledö babibinadötjö baikwönönöda jo̧sa. Jejenöijayonö Diosma ötjönö lȩlö̧jino edö 'da̧batö ujuninobe, judío jojodöböködönö yötawobö, Cristoma jwiinö pjabato̧, jwiinö otiwo̧, jwiinö juluwo̧, jö̧ba̧lö. Ja̧ jawa, Cristo pjaati̧, otiwi̧, ujuluwi̧ jawa kaatiboböma jwibo̧, jö̧ba̧lö, yötawobö 'da̧batö ujuninökwesa.