Mateo 15:2 - Dios Iwene

² —Kwöba̧ja̧di̧ waisachadöma, ¿tajawedö da'dödömine wetjinadanöma ja̧böködöda? Da'dödöminema, dukwakwa̧ abönö otiwanö dömamiju didichawobö wetjinobe, jo̧kwaijayonö ja̧ tjidichawobö wetjinadanöma dichawöködö kwöba̧ja̧di̧ waisachadöma, tjukwakwa̧ abönöma— jö̧ba̧lö abebö tja̧ja̧kwökwe,

Mateo 15:2 Iomraidhean Croise

Génesis 1:14

Ikenama: —Möle ja̧wo̧bi yö̧te ja̧wo̧bi si̧li̧'i̧döbi babibaduwi, mölebi yö̧tebi wainö ja̧kobetjö̧. Ja̧danö, ökwödö mölejȩ lö̧jadöma, mölebiya baledi̧, ja̧danö o̧ba, imiyame baledi̧ kwi̧sebaduwakobetjö̧ babibaduwi.

Mateo 15:3

Jesúsma atadinobe: —¿Ökwödöja? ¿Tajawedö Dios wei̧ junibö, ökwödötjö wetji̧da ja̧bö kwö̧jaduwobeda?

Marcos 7:2

tjedemi Jesús öba̧ja̧di̧ waisachadötjö ju'wedöma, judío jojodötjö ajayinö ji̧nadö wetjinadanö, tjukwakwa̧ abönö tjömamiju tjidichawobö wetjinadanö dichawökönö kwijadötö.

Marcos 7:5

Jejenö ba̧kwȩlö̧jatebö dicha̧lö tjuju̧kwobetjö̧ fariseo jojodö, Moisés iwȩyudina ba̧ja̧dadö abebö a̧ja̧kwijadötö Jesúsnö: —Ökwö kwöba̧ja̧di̧ waisachadöma dedemi ökwödötjö ajayinö ji̧nadö wetjina a̧ja̧kwöködö. Öpöjödadö. Edi, sulabenö tjukwobe tjömamiju abönö tjidichawobö wetjinadanö dichawökönö. ¿Tajawedö a̧ja̧kwökönö tjukwobeda?— abebö a̧ja̧kwijadötö.

Lucas 11:38

Jejenö ömamiju dichawökönö ukwobö öbamatiökwe, fariseo jojoma öbajale jalaka baibanö edinobe, Bitema ¿tajawedö sulabenö ömamiju dichawökönö ukwobejö? jö̧ba̧lö.

Gálatas 1:14

Jau chömöledö, Jesúsnö chösödakwa̧ abönö, ju'wedö chö̧jinena ju̧kwadö judío jojodö tjöwaisachi̧tjö bajalekwönönö chöwaisachijatö judío jojodö tjösödi̧ jawama, ja̧danö ju'wedötjö bajalekwönönö jwaikwöda chösödijatö ökwödö judío jojodö da'dödö yötjawina jawama, yötjawinadanö ja̧bö chö̧jo jö̧ba̧lö.

Colosenses 2:8

Tjöbeba̧lakwawönö kwö̧jaduwo chömöledö, mikwa jwii̧ böjȩ waisakwawa jawa omöna yöba̧ladö yötjawi̧ a̧ja̧kwökönö, ökwödönö tjujuluwapji jö̧ba̧lö. Jobadö yötjawi̧ma, jojodö tja'dödö yötjawi̧ jawada, ja̧danö böjȩ a̧wȩtjö̧ yötjawi̧ jawada yötjawobe. Jobadö yötjawi̧ma Cristotjö ichökö ji̧ chömöledö, jo̧kwajabetjö̧ jobadö yötjawi̧ma a̧ja̧kwökönaduwi.

1 Pedro 1:18

Jau chömöledö, kwöwaisaduwa, Diosma ja̧ suli̧ jawatjö kwö̧jibaduwinö midö eminobe jö̧ba̧lö, jo̧kwajabetjö̧ ja̧ jawa ja̧bökönö kwö̧jaduwo. Jau chömöledö, kwa'dödöminetjö sule mikwa jwii̧ ja̧awada kweminaduwobe, jo̧kwaijayonö Diosma ja̧tjö kwö̧jibaduwinö midö eminawö̧ja chömöledö. Ja̧danö, tupakwö mikwa jwiakwa̧ jawanöma, platanöbi, oronöbi midö eminokobe chömöledö,