Mateo 15:16 - Dios Iwene

¹⁶ Aebökwe, Jesúsma yöa̧linobe: —¿Ökwödöbi ju'wedö wajwitji̧danö ina wajwibadö kwö̧jaduwiji̧?

Mateo 15:16 Iomraidhean Croise

Mateo 13:51

Jejenö yöbawajo̧, iteda öba̧ja̧di̧ waisachadönö: —Ökwödönö yötawaja̧ jawama, ¿otiwanö kwa̧ja̧kwaduwaji̧?— jö̧ba̧lö, Jesús abebö a̧ja̧kwawö̧: —Jau— jö̧ba̧lö tjatadinobe.

Mateo 15:10

Jemi ikenama Jesúsma jojodönö jwöinobe, ö̧jobekwö tjichobö, ja̧danö ichajadönö yöawinobe: —Chömöledö, yötawi̧ a̧ja̧kwaduwi, kwöwaisachibaduwakobetjö̧.

Mateo 15:15

Ikenama Pedroma Jesúsnö aebinobe: —Jo̧da yöka̧laja̧ma, labebö lobö yökawo ökwödönö— jö̧ba̧lö.

Mateo 15:17

¿Kwakwawa tjukwi̧ wajwiköbaduwiji̧? Okobe jwiinö tjaanö a̧jibima, tjukwa'wo okwa a̧jibi̧, ja̧danö jemi ikenama yo'obö lotji̧, ¿jö̧tö?

Mateo 16:11

Ja̧ baledina waisö, ¿tajawedö kwöwaisaduwokobeda, yöta̧laja̧ma, pan jawa yöta̧lökö jö̧ba̧lö? Jau chömöledö, otiwanö kwite'ada̧laduwo, fariseo jojodöbi saduceo jojodöbi tju̧kwa ye'yeachi̧ jawa kwösödaduwapji jö̧ba̧lö— yöawinobe Jesúsma.

Mateo 16:9

¿Ina chujulu kwöwaisachibaduwökiji̧? ¿Bakwamu jawa ö̧pji̧yatjö cinco milbedönö kwakwawa chiyina kwomukwataduwökiji̧? Jejenö chiyenama, ji̧baja̧ ¿dokwa ba̧jekwayu̧ wi̧lȩyu̧bi̧ya kwoko̧ko̧daduwinada?

Marcos 6:52

Jobadöma omukwatijöködötö, Bitema pan, ba̧i̧ ba̧jekwadönö iyo̧ma okobe jwiinö juluwo̧, jö̧ba̧löma. Ina tjomajade okwa yȩobetjö̧ wajwibijadötö, Jesús okobe jwiinö juluwo̧, jö̧ba̧löma.

Marcos 7:18

Jejenö abebö tja̧ja̧kwökwe Jesúsma jö̧ba̧lijetö jobadönöma: —Ökwödöbi ¿tajawedö kwa̧ja̧kwaduwököda? ¿Wajwiköbaduwaji̧ bakwo̧ kwakwawa ukwenama Dios öba a'otjö suli̧ jwöebökö, jö̧ba̧lö, yötawaja̧ma?

Marcos 9:32

Jejenö yöawijayonö Jesús öba̧ja̧di̧ waisachadöma do̧batiböma a̧ja̧kwijöködötö, ¿Dakwö jö̧ba̧lö yöbawo̧jö? jö̧ba̧lö. Wajwitjobetjö̧ yebabinö abebö a̧ja̧kwijöködötö Jesúsnö, ¿Dakwö jö̧ba̧lö yökawa? jö̧ba̧löma.

Lucas 18:34

Jobekwö jweinö yöawinobe Jesúsma, Jerusaléntjö iteda woakwa̧ wenema, jo̧kwaijayonö jweinö yöawijayonö, yöawi̧ otiwanö do̧batöma tja̧ja̧kwinokobe Jesús webawedöma. Jobadöma baledakwa̧ wainö tjomukwatinobe, jo̧kwajabetjö̧ jweinö yöawinajayonö öwawinokobe jobadönö, ja̧danö otiwanö tja̧ja̧kwobö jwiinobe.

Lucas 24:45

Ja̧danö, jejenö yöba̧lö, tjomukwati̧ po̧bebödanö okobe jwiinö ja̧ Dios iwene laebi̧ jawa tjöwaisachibobö pjabatö yöawinobe.

Lucas 9:45

Jesús jejenö jweinö iteda öba̧ja̧di̧ waisachadönö yöawinajayonö, yöawi̧ otiwanö do̧batö tja̧ja̧kwinokobe. Jobadöma Jesúsnö la'aka duluwo̧ baibakwo̧ jö̧ba̧lö ida̧ökö tjomukwatobetjö̧, woakwa̧ yöawi̧ma otiwanö badekwachinokobe jobadönö, ja̧danö otiwanö tja̧ja̧kwobö jwiinobe. Ja̧danö, ju'wibi otiwanö tja̧ja̧kwököjayonö, abebö tja̧ja̧kwobö yetjabinobe, jo̧kwajabetjö̧ jweinö yöawijayonö, otiwanöma do̧tja̧tinokobe.

Hebreos 5:12

Isabenö chömöledö, ökwödöma ida̧ökö kwömöledöduwinö Dios iwene ba̧ja̧dadöda kwö̧jaduwobö jo̧be, lekwe a̧yo̧ Jesúsnö do̧katinaduwa baledinobetjö̧. Jo̧kwaijayonö ina ju'wedö ökwödönö la'aka jawa tjöba̧ja̧dobö jo̧be. Wanedö yötawaduwakwö: Ina tjemu o̧do'bi̧ owadödanöbedöja ökwödöma. Ina kwakwawabi kwöködöja.