Mateo 14:3 - Dios Iwene

^3-4 Baikwö baledinobe ja̧ Juan ö'wö baibina wenema: Herodesma iteda öjawo̧ Felipe mikwo̧ ilekwonö Herodías mikwujunö eminobe. Ja̧danö jejenö emiökwe, Juanma Herodesnö yöawinobe, Sulabenö ja̧bo̧ja, Moisés iwȩyudina laeböködanö ja̧bo̧ja, jö̧ba̧lö. Jejenö yöa̧lökwe Herodesma ödameakwinobe, ja̧danö Juannö do̧tjatobö, ja̧danö jo̧banö tjunu'yobö, ja̧danö ka̧lena tjödobö weinobe.

Mateo 14:3 Iomraidhean Croise

Mateo 11:2

Ojwenö bu̧dato̧ jö̧ba̧lö ötjabökwe Juan mikwo̧ma ka̧lena ö̧binobe, ja̧danö ka̧lena ba̧nö, Juanma Dios weakwo̧ jö̧a̧linökwe Jesús ja̧i̧ wene a̧ja̧kwinobe. Jejenö a̧ja̧kwö, Juanma iteda öba̧ja̧di̧ waisachadönö weinobe Jesúsnö abebö tja̧ja̧kwobö, ja̧danö weaja̧danö Jesús ö̧jobekwö 'ya̧nö abebö tja̧ja̧kwinobe:

Mateo 14:6

Jemi ikenama, Herodes cumpleaños möle baibenama, Herodesma pjiesta ujuninobe, ja̧danö ilekwo Herodías jitjijuma pjiesta junadö tjöba a'otjö baile döjinobe. Herodesma edö baile döjobe jwiinö ösödobetjö̧,

Mateo 4:12

La'aka luwo̧ma Juannö ka̧lena ödinobe, ja̧danö ja̧ wene a̧ja̧kwajo̧, Jesúsma Galilea nijibe ȩwa̧jinobe.

Marcos 6:14

Ja̧danö Galilea jojodö tjuluwo̧ Herodes mikwo̧ma, jojodö Jesús otidina yötja̧lakwawi̧ma a̧ja̧kwijetö, ba̧jekwadö Jesús otidina wene yötja̧lakwawobetjö̧. Ju'wedöma yöba̧lakwawijadötö: —Bite Jesúsma, Juan Ojwenö Bu̧dato̧ ji̧nadaena. Jo̧bama yemidanö 'yabibajö Jesúsda baibinena. Jejenö yemidanö 'yaibajinobetjö̧ Dios ujulu i̧sebena— yöba̧lakwawijadötö.

Marcos 6:17

Ja̧danö, baikwö baledijetö, ajayinö Herodesnö Juannö baledina wene: Herodesma emijetö öjawo̧ Felipe ilekwonö, Herodías mikwujunö, iteda ilekwo baibanö. Jejenö eminiökwe Juan Ojwenö Bu̧dato̧ma jö̧ba̧lijetö Herodesnö, Sulabenö kweminobe kwilekwonö. Moisés iwȩyudina wene weokobe jejenö kwöjawo̧ ilekwonö kwilekwo baibanö kwemoböma, jö̧ba̧lö. Jejenö jö̧a̧liökwe Herodesma webijetö Juannö do̧batö tjödobö ka̧lena ba̧kwaweju okwa.

Marcos 6:19

Ja̧danö, Juan Herodesnö, Sulabenö kweminobe, jö̧a̧lioko Herodíasma jo̧'wo̧ sulinö omukwatijotö Juannö, ju'wedö kwabö lotjonötö jö̧ba̧lö. Jo̧kwaijayonö Herodes Juannö kwabö loawama webijökötö. Öpöjödijetö.

Marcos 6:22

Ja̧danö, Herodías jitjiju, möayujuma, pjiesta jobe ichajaju baile döbijotö, ömadö tjösödobö. Herodesbi, Herodeskwö kwadöbi Herodías jitjiju baile döjobe edö jwiinö ösödijadötö. Jwiinö tjösödobetjö̧ Herodesma jö̧ba̧lijetö jobujunö: —Ökwö baile dököbi̧ edö jwiinö dösöda. Jo̧kwaobetjö̧ kwösödi̧ma abebitjö chiyokwö—jö̧ba̧lijetö—.

Marcos 8:15

Ikenama isowinö 'ya̧nö Jesúsma jö̧ba̧lijetö öba̧ja̧di̧ waisachadönö: —Tjöbeba̧löjönö edö kwö̧jaduwo chömöledö. Fariseo jojodöbi, la'aka luwo̧ Herodesbi tju̧kwa pan 'ye'yeachi̧ jawama labi̧— jö̧ba̧lijetö Jesúsma iteda öba̧ja̧di̧ waisachadönö.

Lucas 13:1

Ja̧danö, ja̧ möle Jesús jojodönö yöawenama, jobadötjö ju'wedöma Jesúsnö yötjawinobe: —Galilea jojodö ju'wedöma Dios ejutjö tja̧jwi̧munö kwabö juwö Diosnö tjiyinobe. Ja̧danö tjiyemi ja'ötjö, la'aka luwo̧ Pilatoma jobadönö kwabö loinobe, tja̧jwi̧mukwö bakobe debö 'ya̧dö batjibanö— jö̧ba̧lö.

Lucas 13:31

Ja̧danö, Jesús jejenö yöawonö, fariseo jojodötjö ju'wedö ichö Jesúsnö yötjawinobe: —La'aka luwo̧ Herodes Antipasma ökwönö kwabö loobö jö̧a̧lobe. Belö dökibajo ökwönö kwabö loapji jö̧ba̧lö—.

Lucas 23:11

Ja̧danö, Herodesbi, Herodes ömöayedö guardia jojodöbi Jesúsnö obö sulabenö ja̧tjinobe, ja̧danö Jesúsnö obö, otiwado̧ la'aka luwo̧ 'duawado̧ 'dutjatinobe Jesúsnö. Ikenama, obö 'dubatajadö, wetjinobe yemidanö Pilato öba a'o Jesúsnö tjujunobö.

Lucas 23:7

Abebö a̧ja̧kwawö̧ yötjawinobe: —Jau, Galilea niji jojo— jö̧ba̧lö. Jejenö yötjawiökwe, Pilatoma öwaisachibinobe, Aaa, bitema Galilea niji ju̧kwadö tjuluwo̧ Herodes mikwo̧ itebo jojo— jö̧ba̧lö. Ja̧danö, ja̧ mölema Herodesbi Jerusalénnö ö̧jinobe, jo̧kwajabetjö̧ Jesúsma Herodes itebo jojo jö̧ba̧lö yötjawiökwe, Herodes öba a'o tjujunobö weinobe Pilatoma, Herodesda iteda itebo jojonö lȩekwa yöawobö.

Lucas 3:1

Baikwö laebobe Zacarías itji̧, Ojwenö Bu̧dato̧ ötjabökwe Juan mikwo̧ yöbawö otidina wene: Juan jamatö yöawenama, romano jojodötjö inesö la'aka luwo̧ emperador Tiberio mikwo̧ma ida̧ökö a̧li̧nösamutjö bakwamu o̧biya baledibanö yöbawö weinobe. Ja̧danö ju'wedö jo̧ba ömöayedö la'aka luwedöma bidö: Poncio Pilatoma Judea nijitjö gobernador ö̧jinobe, ja̧danö Herodesma Galilea nijitjö la'aka luwo̧ ö̧jinobe, ja̧danö Herodes öjawo̧ Filipema Iturea nijitjöbi, Traconítide nijitjöbi la'aka luwo̧ ö̧jinobe, ja̧danö Lisaniasma Abilinia nijitjö la'aka luwo̧ ö̧jinobe.

Lucas 8:3

Ja̧danö, Juana mikwujubi Jesúskwö kwejachinobe. Jobuju Juanama, la'aka luwo̧ Herodes ömöayo̧ Chuza mikwo̧ ilekwo. Jo̧ba Chuzama okobe deinö Herodes eju otidadötjö tjuluwo̧ ö̧jinobe. Ja̧danö Susana mukwujubi, Jesúskwö kwejachinobe. Jobadö María Magdalenabi, Juanabi, Susanabi, ju'wedö ya̧döbi Jesúskwö kwebachö, idöda tjujuna̧li̧tjö tjiyinobe, Jesúsbi Jesús webawedöbi kwakwawa tjukwobö. Jejenö iyö otiwanö pjatjatinobe Jesúsnö, ja̧ niji bakwameachibanö yöbawö kweachonö.

Hechos 12:1

Ja̧danö, jejenö baledonö la'aka luwo̧ Herodes mikwo̧, romano jojoma webijetö ömöayedönö Jesúsnö ösödadötjö ju'wedönöma do̧batö inia tjötjinö ja̧tjobö .

Hechos 4:27

Ina abebijadötö: —Dios, döwaisa ja̧ yökawinama tjo̧wi̧ baledinobe. La'aka luwedöma, Herodes mikwo̧, Pilato mikwo̧ benada tjoko̧ko̧kwinobe israel jojodökwöbi, israel jojodöböködökwöbi. Jobadöma Jesúsnö kwabö loawa wetjobö ko̧ko̧kwa̧lö tjomukwata̧linobe. Ökwö weköbina ja̧bo̧nö, suli̧ jwibo̧nö, ökwö yöbawö kwujuninökwe Jesúsnö kwabö loawa wetjobö ko̧ko̧kwa̧lö tjomukwata̧linobe jobadöma.