Mateo 14:25 - Dios Iwene

²⁵ Ikenama, ina yö̧tedayi, dewachakwa̧ abönö Jesúsma mö'ösa'obetjö yutubajö, iteda öba̧ja̧di̧ waisachadö tjö̧lobekwö i̧'yinobe, o̧pesobu wamenö.

Mateo 14:25 Iomraidhean Croise

Diosnö ösödo̧ Job mikwo̧ usula emawina jawa 9:8

—Jau, isabenö jwiinö juluwo̧ Diosma, jo̧bada mölejȩ sedatö öninobe, ja̧danö jo̧bada jwaibalawa loi̧ ja̧tö loinobe, jwaibalawa loi̧ yöachibakobetjö̧.

Mateo 24:43

Baikwö wanedö yötawa chömöledö: O̧do uluwo̧ma naukwabo̧ tebachö önaukwakwa̧ hora öwaisitjö̧ma, abökönö ite'ada̧lena, naukwabo̧ tebachö önaukwapji jö̧ba̧lö, ¿jö̧tö?

Marcos 13:35

Jejenö ökwödöbi eda̧lö kwite'ada̧laduwo. O̧do la'aka luwo̧ ömöayedö tjuluwo̧ ichakwa̧ wajwitji̧danö ökwödöma wajwiköbaduwobe ötjö yemidanö chichakwa̧ma, ökwödö kwuluwo̧duwi ichakwa̧ma. Yemidanö chichakwa̧ma ju'wi yi̧benaena, yö̧te ja'ö akala jwöena, dewachena. Wajwiköbaduwobe.

Marcos 6:48

Ja̧danö, Jesúsma öba̧ja̧di̧ waisachadönö edijetö 'yotjachijayonö 'ya̧ibokobe 'yobachijadötö, jwa̧lȩ'epjo nöinö doibobetjö̧. Ikenama yö̧tedaayi akala jwötjena Jesúsma o̧pesobu wamenö 'yi̧jetö öba̧ja̧di̧ waisachadö tjö̧jobekwö.

Lucas 12:38

Yö̧te ja'öbi, dewachenabi ichibö ina te'ada̧lö eda̧ladönö öbadekwaitjö̧ma, isabenö tjo̧'wo̧ ösöwanö tjö̧jakwedö chömöledö, jo̧kwajabetjö̧ te'ada̧lö tjö̧jobö jo̧be, ichibakwa̧ hora wajwitjobetjö̧. Jobadö tjite'ada̧li̧danö ötjö chichakwa̧ kwite'ada̧laduwo chömöledö.

Juan 6:19

Lekwe cinco kilómetrosbi seis kilómetrosbi 'yotjachajena tjedinobe Jesúsnöma, ojwe wamenö icho̧nö, jobadö tjö̧lobekwö icho̧nö. Jo̧banö edö yetjaibinobe.

Apocalipsis 10:2

Jo̧ba ángelma ömamunö ösöja ja'yuwöja, 'bo̧dawöja do̧ba̧lo̧. Jo̧bama ömasapa öwaisobekwöchobesapanö ojwe nöödönö, ja̧danö, wajwiobekwöchobesapama nijinö öja̧ta̧lobe chedijatö.

Apocalipsis 10:5

Ikenama jo̧ba juluwo̧ ángelma, ojwe nöödönö, nijinö ja̧ta̧lö jo̧ma, ömamu öwaisobekwöchobesamunö mölejȩkwö kaebobe chedijatö.

Apocalipsis 10:8

Ikenama mölejȩbetjö iwene ökwöi̧ cha̧ja̧kwijatö, yemidanö ötjönö webö: —Juan, 'ya̧wibö emaji ösöja 'bo̧dawöjama, ojwe nöödönö, nijinö ja̧ta̧lö jo̧ ángel ömamutjö— wei̧ cha̧ja̧kwijatö.