Mateo 14:19 - Dios Iwene

¹⁹ Ikenama Jesúsma jojodö meje'yenö tjöbamatobö weinobe, ja̧danö bakwamu jawa pan ö̧pji̧yabi, ba̧i̧ du̧ju̧tajanöbi emibö, mölejȩbe edö Diosnö aebinobe, otiwanö kwakwawa kwiyajabe jö̧ba̧lö. Ikenama pan 'delawö, iteda öba̧ja̧di̧ waisachadönö iyinobe, jobadöma jojodönö tjiyabobö.

Mateo 14:19 Iomraidhean Croise

Mateo 14:18

Yötja̧lökwe: —Kwatjö̧ma ja̧ kwakwawa ichejebaduwitjö— jö̧ba̧lö weinobe.

Marcos 6:39

Ikenama jejenö jö̧tja̧lökwe Jesúsma webijetö öba̧ja̧di̧ waisachadönö, okobe deinö nijinö tjöbamakwawibinö 'da̧batö tjödobö.

Marcos 6:41

Ikenama panbi ba̧i̧bi emibö mölejȩbekwö edö Jesúsma Diosnö yöba̧lijetö: —Dabe'do ökwöma otiwanö kwiyajabe— jö̧ba̧lö. Ikenama panma 'di̧jawö iyijetö öba̧ja̧di̧ waisachadönö jojodönö tjiyabobö. Ja̧danö, ba̧i̧nöbi du̧ju̧tajanö 'delawö iyijetö öba̧ja̧di̧ waisachadönö jojodönö tjiyabobö.

Marcos 7:34

Ikenama Jesúsma o̧'wo̧nö emö mölejȩbe edö jö̧ba̧lijetö: —¡Efata!— jö̧ba̧lijetö. Jejenö jö̧ba̧löma, po̧chachaibi, jö̧ba̧lö.

Lucas 22:17

Ikenama, yöbawajo̧, tjowa'do̧ ubasobu o̧'dobu okwa'do̧ emibö, Jesúsma Diosnö aebinobe, otiwanö kwiyajabe jö̧ba̧lö, ja̧danö abebajo̧, iteda öba̧ja̧di̧ waisachadönö iyö weinobe: —Chömöledö, yötawaduwakwö, babe dowi̧danöma la'akatjöda yemidanö ubasobu chowökakobe, yadakwö Dios la'aka luwo̧ ö̧jena ja̧nö yemidanö dowenanö kabatö, jo̧kwajabetjö̧ ja̧ omukwatö okobe deinö bakwo̧nökwena owaduwi— jö̧ba̧lö.

Lucas 22:19

Ikenama Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö, iteda webadönö iyö, wanedö yöawinobe baikwö: —Bipja̧ma ötjö chiteba'o, ja̧danö ökwödö kwö̧jibaduwobö chiyobe chiteba'oma. Ötjönö omukwatö emö kwaduwi— jö̧ba̧lö.

Lucas 24:30

Ja̧danö, jobadökwö ukwobö mesasötenö tjö̧benama, Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö jobadönö iyinobe.

Lucas 9:16

Ja̧danö jemi ikenama Jesúsma bakwamu jawa pan ö̧pji̧yabi, ba̧i̧ du̧ju̧tajanöbi emibö, mölejȩbe edö Diosnö aebinobe, otiwanö kwakwawa kwiyajabe jö̧ba̧lö. Ikenama pan 'delawö, iteda webawedönö iyinobe, jobadöma jojodö tjöba a'o junö tjiyabobö.

Juan 11:41

Ikenama inabama pjolatö tjujuninobe. Jemi ikenama Jesúsma mölejȩbekwö edö aebinobe Diosnö: —Chabe'do, ökwönö yöta̧la. Otiwanö a̧ja̧kwö pjakatajabe— aebinobe—.

Juan 6:23

Jemi ikenama, tjukwajemi tjolanö yöne ju'wedöma tjichibinobe Tiberiastjö, isowikwena ichö. Jolama, pan tjukwakwa̧ abönö Duluwo̧ma iteda abe'donö aebi̧ tjukwinemi yöne tjola.

Hechos 27:35

Ikenama Pabloma pan emö, Diosnö yöba̧lö, Dios, otiwanö kwiyajabe, jö̧ba̧lö, ja'yubeda debatö ukwijatö.

Romanos 14:6

Jau chömöledö, bakwöta möle wainö 'da̧batö juno̧ma, Duluwo̧nö ösödotö jö̧ba̧lö wainö 'da̧batö juno̧. Ja̧danö, okobe jwiinö kwakwawa kwo̧ma, Diosda otiwanö chukwobö iyajabe, jö̧ba̧lö, duluwo̧nö ösödö kwo̧. Kwö̧kö̧bi ja̧danö chömöledö. Ju'wi jawa chukwobö webö̧kö̧, batjo jawada chukwobö otiwanö iyajabe Diosma, jö̧ba̧lö, Duluwo̧nö ösödö batjo jawada kwo̧. Bakwainö ösödadö Duluwo̧nöma, möle wainö 'da̧batö junadöbi, 'da̧batö junöködöbi, okobe jwiinö kwadöbi, okobe jwiinö kwöködöbi.

1 Corintios 10:16

Baikwö wanedö yötawa: Ökwödö Cristonö ösödadöma jo̧ba midawö woina omukwatö, dowobe, ¿jö̧tö? Jau chömöledö, otiwanö iyinobe Diosma jö̧ba̧lö, Cristo midawö woina omukwatö dowobe. Jejenö owö, okobe deinö owadöma bakobe Cristo ökwösobu dowobedanö ichejekwa, ¿jö̧tö? Ja̧danö, Cristo midawö woina omukwatö, pan 'delawö dukwenama, bakobe Cristo iteba'o dukwobedanö ichejekwa, ¿jö̧tö?

1 Corintios 10:31

Jau chömöledö, baikwö yötawa kwomukwataduwo jö̧ka̧laduwi̧ma: Kwukwaduwi̧bi, kwowaduwi̧bi okobe jwiinö ju'wi jaye ja̧köbaduwi̧bi, okobe deinö otiwanö Diosnö tjomukwato jö̧ba̧lö kwisakwaduwo chömöledö.

1 Corintios 11:24

Diosnö aebinobe, otiwanö kwiyajabe jö̧ba̧lö. Jemi ikenama, ja̧ panpja̧ 'delawö iyinobe ömöayedönö. Ja̧danö jobadönö wanedö yöawinobe: Bipja̧ma ötjö chiteba'o, ja̧danö ökwödö kwö̧jibaduwobö chiyobe chiteba'oma. Ökwödönö biya̧ chi̧sebaja̧danö ja̧köbaduwo ötjönö omukwatö jö̧ba̧lö yöawinobe.

Colosenses 3:17

Jau chömöledö, okobe jwiinö yöka̧laduwi̧ma, Duluwo̧ Jesús jawa i̧sebö yöka̧laduwo, ja̧danö okobe jwiinö ja̧köbaduwi̧ma, Duluwo̧ Jesús jawa i̧sebö ja̧köbaduwo. Ja̧danö, Jesús pjaatinobetjö̧, ba̧kwȩlö̧jatebö Dabe'do Diosnö kwösödaduwo, Otiwanö pjabato̧ja, jö̧ba̧lö.

1 Samuel 9:13

Juluwanö comunidad apjude tekachaduwitjö̧ma, jo̧banö kwöbadekwajaduwena, möemi Diosnö iyawemibe kwanö önöchapji. Jobe Diosnö iyajadö, ba'ali tjukwakobe, jo̧kwaijayonö jo̧ba ichibakwa̧ tjiteada̧lobe, Diosnö tjiyakwa̧ abönö Diosnö iyawa jo̧bada Diosnö aebakobetjö̧. Ja̧danö, jemi ikenama, jobe tjukwobö tja̧debajawö̧ma jobetjö ba'ali tjukwakwedö. Jo̧kwajabetjö̧ juluwanö jo̧banö edö 'ya̧duwi, juluwanö jo̧banö kwöbadekwaduwakobetjö̧, —jö̧ba̧lö yötjawinobe möayedöma, Saulnöbi, ömöayo̧nöbi.