Mateo 14:11 - Dios Iwene

¹¹ Jejenö bulatajadö, dȩja̧pa̧nö tjichejebinobe Juan uuma, ja̧danö Herodías jitjijunö tjiyinobe. Tjiyajoko, isujuma jojo'donö jiyinobe.

Mateo 14:11 Iomraidhean Croise

Génesis 49:7

Ina yöbawijetö jobadönö, Dios lȩebakwa̧ jawa: —Ökwödöma Dios lȩebakwawö̧ja jwiinö labidököbaduwobetjö̧. Ja̧danö lȩebakwawö̧ja ju'wedönö labinö inia tjötjinö ja̧köbaduwobetjö̧. Baikwö lȩebakobe Diosma ökwödönöma: Ökwödötjö tupadanö jojodöma bakobe, bakwasonö tjuju̧kwökakwedö. Idöda tjitebonö tjuju̧kwökakobe, ju'wedö tjömöledö bakwasokwena tjitebonö tjuju̧kwi̧danö. Jobadötjö ju'wedöma jelobe, ju'wedöma jelobe, ju'wedöma jelobe, Israel niji okobe jwiinö, bakwemeachibanö tjuju̧kwakwedö, bakobe jö̧kö̧nö— yöbawijetö i̧tji̧mu Simeónnö, Levínö jobadötjö tupadanö jojodönö baledakwa̧ma.

Proverbios 27:4

Ja̧danö, ju'wibi yötawa: Jwiinö dameakwo̧ma jojodönö lȩ lö̧jökönö edö labo̧. Yelösöda, jo̧ba dameakwo̧ma ödameakwi̧ tjöbeba̧lökönö jo̧, ödameakwi̧ma labinö ojwe usuwi̧danö usuwö dameakwö jwöeba̧lawö̧nö. Jao jo̧ba dameakwo̧ma jwiinö labo̧ijayonö, jo̧ba ölabi̧tjö bajalekwönönö labo̧ ö'wöyabikwawö jo̧ma. Yelösöda ö'wöyabikwawö jo̧ma jwiinö labo̧.

Proverbios 29:10

Ja̧danö, ju'wibi yötawa: Jojodönö kwabö lobadöma tjo̧'wo̧ sulinö tjedobe otiwanö omukwatö jo̧nöma. Jo̧kwaijayonö Dios wei̧ a̧ja̧kwadöma otiwanö omukwatö jo̧nöma tjöbeba̧lö ö̧jibanö pjatjatobe.

Mateo 14:10

ja̧danö ka̧lena bo̧ Juan uu tjubulatobö weinobe.

Mateo 14:12

Jemi ikenama Juan öba̧ja̧di̧ waisachadöma ichö Juan iteba'o tjeminobe, ja̧danö emajadö jo̧banö tjo̧tjinobe. Ikenama 'ya̧nö Jesúsnö yötjawinobe baledaja̧ma.

Mateo 14:8

Jojo'do wejoko, Herodías jitjijuma Herodesnö ajebinobe: —Juan Ojwenö Bu̧dato̧ ötjabökwe uu bulatö, jo̧ba uu tjubulatajayu dȩja̧pa̧nö ötjönö kwiyobö chösöda— jö̧ba̧lö jatadinobe.

Apocalipsis 16:6

Bidö lȩkebawö̧ma, ökwö kwömöledö babibinadönö kwabö lobinadö. Ja̧danö, ökwö yökawi̧ yöbawinadönö kwabö lobinadö. Yelösöda, bidö lȩkebawö̧ma, ökwö kwömöledönö tjökwösobu ebawinö kwabö lobinadö. Jo̧kwaobetjö̧, ökwöma otiwanö balekwa mikwa ja̧köbajabe jobadönöma, tjökwösobuda tjowobö— ángel Diosnö yöa̧lobe cha̧ja̧kwijatö.

Apocalipsis 17:6

Ja̧danö, jobujunö edö, Dukwachokodanö bu̧ju, jö̧ba̧lö, chomukwatijatö. Chedemi, Bisuma Dios ömöledö babibinadö, Jesúsnö tjösödi̧ yötjawobetjö̧ kwabawö lotjinawö̧ tjökwösobutjöda owö 'dukwachokodanö bu̧ju, jö̧ba̧lö, chomukwatijatö. Jobujunö edinö, ¡Ayö! jö̧ba̧lö, chöbajale jalaka ja̧nö cheda̧lijatö.