Mateo 13:55 - Dios Iwene

⁵⁵ Jo̧bama towi ötebiyatjö otido̧ José itji̧, ¿jö̧tö? Ja̧danö, ojo'doma bemi jojosuju María, ja̧danö ö̧ja̧wo̧döma bemi jojodö Jacobobi, Josébi, Simónbi, Judasbi mikwadö, ¿jö̧tö?

Mateo 13:55 Iomraidhean Croise

Isaías 49:7

Isabenö Jo̧, Israel jojodönö tjöbeba̧lö pjabato̧, tjösödökwe suli̧ jwibo̧ma, baikwö yöa̧lobe tjitebotenia jojodö tjöpöjödökwe, ajayinö mikwawö̧kö̧ jö̧ba̧lö tjomukwatökwe la'aka luwedö tjö̧möayo̧nö: Ötjö ba̧kwelöjatebö yötawi̧danö ja̧bö jo̧ Isabenö Jo̧, Israel jojodö tjösödökwe Suli̧ Jwibo̧ Diosma ökwönö omudawö chujuninökweja, ötjöda chömöayo̧ bakibanö. Jo̧kwajabetjö̧, ju'winö inesö la'aka luwedöma ökwönö edö, kwöba a'o a̧la̧ibö tjöjamatakwedö, –Ökwöma mikwawo̧ja, –jö̧ba̧lö, ja̧danö ju'wedö luwedö kwöba a'o bȩbachibö tjö̧jakwedö, jö̧ba̧lö yöa̧lobe Diosma, iteda ömöayo̧nö.

Mateo 27:56

Jobadö eda̧linadötjö ju'wedöma bidö: María Magdalena mikwujubi, jeluju Jacobo José tjojo'do María mikwujubi, jeluju Zebedeo i̧tji̧mu Jacobo Juan tjojo'dobi.

Marcos 15:40

Ju'wedö ya̧döma ödökwönönö ja̧nö eda̧lijadötö. Jobadötjö María Magdalena mikwuju, Jacobo, José ojo'do María mikwuju, ja̧danö, Salomé mikwuju ji̧jadötö.

Marcos 15:47

Jobe Jesúsnö ödobema María Magdalenabi, José ojo'do Maríabi ödö ja̧nö eda̧lijadötö.

Marcos 6:3

Bitema döwaisökwe, bemida jojo. Towitjö otikwa jojoda. Bemida ju̧ju María jitji̧. Bemida jojo Jacobo, José, Simón, jobadö tjöpöe, bitema. Öjawujudöbi bemida ju̧kwadö— yöba̧lakwawijadötö idödada. Jejenö jö̧ba̧lö tjo̧'wo̧ sulinö öpöjödijadötö Jesús yöawi̧ma.

Lucas 1:27

Jobe Nazaretnö bakwujuma María mikwujuma jö̧jinobe. Jobuju Maríama ina iso̧kwö ji̧nökuju, ja̧danö ju'wibi yöbawö juninuju, la'aka luwo̧bina David itji̧ tupadanö jojo José mikwo̧nö tupakwö jemobö. Jobujunö yöbawö i̧'yinobe ángelma, Gabriel mikwo̧ma.

Lucas 24:10

María Magdalena mikwujubi, Juana mikwujubi, Jacobo ojo'do María mikwujubi, ju'wedö jobadökwö ju̧kwadö ya̧döbi i̧lȩdo̧tjö ȩwa̧jajadö Jesús webawedönö yötjawinobe,

Lucas 3:23

Jesúsma treinta o̧biya jenanö ujuna̧lenama, jamatö yöawinobe jojodönö. Ja̧ yöbawö ö̧jina wene chiwȩyudakwa̧ abönö, baikwö Jesús a'dödö tjimibiya chiwȩyudobe, jo̧banö kwöwaisobö, Isabenö Jesúsda Dios weakwo̧ jö̧a̧linökwe, jö̧ba̧lö. Jau, damötjö Diosma yöbawö ujuninobe, wetakwo̧ jö̧ta̧lökwema, bite ö̧'dö̧dötjö tupadanö jojoakobe, ja̧danö bitebi ö̧'dö̧dötjö tupadanö jojoakobe jö̧ba̧lö. Jo̧kwajabetjö̧ Jesús a'dödö tjimibiya chiwȩyuda, ja̧ Dios yöbawö ujuninama, Isabenö Jesúsnöda badekwachobe, jö̧ba̧lö öwaetjöda öwawobö. Jesúsma okobe deinö tjo̧mukwatinökwe, José itji̧, jö̧ba̧lö, ja̧danö Joséma Elí itji̧inobe.

Lucas 4:22

Okobe deinö jojodöma otiwanö yötja̧linobe Jesúsnö, Bitema otiwanö yöbawo̧. ¿Dakwö jejenö otiwa jawa yöbawo̧jö? jö̧ba̧lö. Jejenö yötja̧liawö̧, Nazaret jojodötjö ju'wedö yötja̧linobe: —Bitema ditebo jojo José itji̧, ¿jö̧tö? Kwatjö̧ma ¿dakwö waisanö yöba̧lo̧jö bitema?— jö̧ba̧lö tjo̧'wo̧ sulinö yötja̧lakwawinobe.

Lucas 8:20

Jo̧kwajabetjö̧ jelo̧ Jesúsnö yöawinobe: —Kwojo'dobi, kwö̧ja̧wo̧döbi a̧petube tjö̧jobe, ökwönö edö ichajadöma— jö̧ba̧lö.

Juan 19:25

Ja̧danö, jejenö tjalewinobe guardia jojodöma. Jobema, Jesúsnö a̧lapedö tjujunajemi pjeanö Jesús ojo'dobi, ojo'do jöjawujubi, María, Cleofas ilekwobi, María Magdalenabi tjö̧jinobe.

Juan 6:42

Öpöjödo yötja̧lakwawinobe, idödada: —Bitema José itji̧ Jesús ¿jö̧tö? Abe'donöbi, ojo'donöbi döwaisobe. ¿Dakwö yöba̧lo̧, mölejȩbetjö ichino̧sa, jö̧ba̧lö?— öpöjödö yötja̧lakwawinobe.

Juan 9:29

Dios Moisésnö yöawinama döwaisa. Jo̧kwaijayonö ¿jo̧ba Jesús? Jo̧ba ichinabi wajwibadösa—jö̧tja̧liökwe:

Gálatas 1:19

Ja̧danö, jobe Pedronö edö chi̧'yenama, ju'wedö Jesús webawedönö chedijökötö, jobadötjö sule Pedronöda, Duluwo̧ Jesús yöne öjawo̧ Jacobonöda chedijatö.

Judas 1:1

Ötjö böja wȩyudö webo̧ma, Judassa, Jesucristo ömöayo̧sa, ja̧danö ju'wibi Jacobo öjawo̧sa. Ja̧danö, böjanö wȩyudö wetawö̧ma bidö, Dios jwöinawö̧nö, ju'wibi Dabe'do Dios ösödawö̧nö, ju'wibi Jesucristo tjöbeba̧lö ite'ada̧lawö̧nö.