Mateo 13:48 - Dios Iwene

⁴⁸ Ja̧danö, maya su̧'bȩ baibenama, o̧pesobu ö'öbökwö tötjebinobe, ja̧danö o̧pesobu ö'öbönö tjöbamatinobe, ba̧i̧ otiwadönö sulabedötjö böjö tjödobö. Ja̧danö, ba̧i̧ otiwadönö wi̧lȩyu̧ okwa tjaninobe, jo̧kwaijayonö sulabedönö ikwö lotjinobe.

Mateo 13:48 Iomraidhean Croise

Mateo 13:30

Wainö trigosa'yekwö, sula'wosa'yekwö bakobe pokwobö jo̧be, wa̧ji̧ tjemakwa̧ möle baibenanö kabatö. Otidadönö wa̧ji̧ tjemobö wetenama, abönö sula'wosa'ye 'yebö lotjobö wetocha, ja̧danö ko̧ko̧dö, di̧batibö juwö lotjobö wetocha, ja̧danö jejenö sula'wo juwö lobajadö, trigo ödebiya emö, ko̧ko̧dö trigo jawa lödaweju okwa tjödobö wetocha— jö̧ba̧lö wanedö yöawinobe Jesúsma.

Mateo 13:47

Ja̧danö, ju'wibi baikwö wanedö yötawa mölejȩbe jo̧ yöbawö weena jawama: Maya jwobö otidadöma o̧pesobutjö maya jwotjinobe, ja̧danö nöinö ba̧i̧ ju'wedötjöbi do̧tjatinobe.

Mateo 13:49

Jobekwö baledakobe 'dö̧ibaji̧ mölema. Ángelesdöma jojodö otiwadötjö sulabedönö böjö 'da̧batö tjujunakobe,

Mateo 3:12

Jo̧bama sulabedönö otiwadötjö böjö 'da̧batö ujunakobe, batjo otidadö kwakwawa sula'wotjö böjö 'da̧batö kwakwawa lödawejunö tjödi̧danö. Ja̧danö, böjö 'da̧batö junajo̧, okobe deinö sula'wodanö ichejekwadö sulabedönö, sula'wo ko̧ko̧dö juwö lotji̧danö ökwöla tiibokolanö juwö loakobe— jö̧ba̧lö yöawinobe Juanma.

Mateo 4:18

Jesús o̧pesobu Galilea mikwobu ö'öbönö kweachemi, ömadö du̧ju̧taja ba̧i̧ jwobadönö edinobe, Simón ju'wi imi Pedro mikwo̧nöbi, öjawo̧ Andrés mikwo̧nöbi. Jobadöma maya jwobö tjotidinobe, ja̧danö maya jwotjobe edinobe.