Mateo 13:45 - Dios Iwene

⁴⁵ Ja̧danö, ju'wibi baikwö wanedö yötawa mölejȩbe jo̧ yöbawö weena jawama: Bakwo̧ perla ötjabi̧ nöinö mikwawi̧ jawasane emawa luwo̧ma, inesö otiwane perla isakwobe, emobö.

Mateo 13:45 Iomraidhean Croise

Diosnö ösödo̧ Job mikwo̧ usula emawina jawa 28:18

Ju'wi mikwawi̧ jawaja? Coralnöbi, Jaspenöbi midö tjemobö jȩnaji̧? La'akatjöda jwiobe. Waisanö omukwatakwawa tjöwaisachiboböma, okobe jwiinö ja̧jayetjö bajalekwönönö mikwawi̧, perlatjöbi,

Mateo 13:24

Jesúsma ju'wi wanedö yöawakwawabi yöawinobe, baikwö: —Mölejȩbe jo̧ la'aka luwo̧ ö̧jena jawama baikwö wanedö yötawa: Bakwo̧ batjo luwo̧ma, trigosade otiwi̧ ödebiya öbatjonö ikwö ujuninobe.

Mateo 13:46

Jelenetjö bajalekwönönö inesö otiwane badekwajo̧, okobe jwiinö ujuna̧li̧ mikwanö iyö lobajo̧, ja̧ne midö eminobe, ja̧neda nöinö mikwawi̧ jö̧ba̧lö.

Mateo 16:26

Jau chömöledö, bakwo̧ okobe jwiinö böjȩ jawa juna̧lo̧ woitjö̧ma, ¿okobe jwiinö böjȩ jawa ujuna̧li̧ma jo̧banö pjaatenaji̧? Pjaatokobe, ¿jö̧tö? Jau chömöledö, okobe jwiinö ujuna̧li̧ iyitjö̧böbi, yemidanö ja̧kwawa emobö jwiena.

Mateo 22:5

Jo̧kwaijayonö, jejenö tja̧debawö̧, tja̧ja̧kwinokobe, ja̧ pjiestama mikwawökö ji̧ jö̧ba̧lö, ja̧danö idöda tjomukwati̧da ja̧tjinobe. Bakwo̧ma iteda öbatjobe otidö i̧'yinobe, jelo̧ma iteda itea bodega otidö i̧'yinobe.

Mateo 7:6

Tupakwö yöawinobe Jesúsma: —Chömöledö, Dios jawama, Diosnö öpöjödadönö iyökönaduwi, tjöpöjödobetjö̧. Baikwö wanedö yötawa: Inesö otiwi̧ jawa a̧wi̧li̧dönö iyökönaduwi, jobadönö kwiyaduwitjö̧ma tjösödökakwedö, ja̧danö jalachibö ökwödönö metjibakwedö. Ja̧danö, nöinö mikwawi̧ önebiya perla ötjabi̧ önebiyama, ku̧si̧dönö iyökönaduwi, Aaa, nöinö mikwawi̧ jö̧ba̧löma tjomukwatökakobetjö̧, sule kwiyaja̧ma ja̧tö lotjakobe— jö̧ba̧lö yöawinobe Jesúsma.