Mateo 13:33 - Dios Iwene

³³ Jesúsma ju'wi wanedö yöawakwawabi yöawinobe, baikwö: —Bakwuju pan otidujuma, ja'yubeda ye'yeachi̧ jawakwö, nöinö harina jawasa'bekwö wiwoduju. Ja̧danö, ye'yeachi̧ jawa ja'yubeda jiwiwodijayonö, okobe jwiinö pansa'be ye'yeachobe— jö̧ba̧lö wanedö yöawinobe.

Mateo 13:33 Iomraidhean Croise

Génesis 18:6

Ikenama Abrahamma eju okwa tebachibö webijetö Saranöma: —Sara, juluwanö emaji harina de trigo otiwa jawatjö, veintenö kilos jenanö. Ikenama pan yo̧bibö kwotido— webijetö.

2 Samuel 13:6

—Jö̧a̧lökwe, jö̧a̧laja̧danö ja̧inobe Amnonma. Nöinö chö'wöcha jö̧ba̧lö, a̧la̧ibökönö kamapjonö ö̧binobe. Ja̧danö la'aka luwo̧ David jo̧banö edö ichenama, Amnonma jo̧banö aebinobe, —Chabe'do, weköbobö ateba, chöjawuju Tamar mikwuju jichobö, ja̧danö chöba a'otjö chösödi̧ pan jotidobö. Ikenama jiyaja̧tjö̧ otiwanö chukwena, —jö̧ba̧lö aebinobe.

Diosnö ösödo̧ Job mikwo̧ usula emawina jawa 17:9

–Dios ösödi̧danö ja̧badösa, –jö̧ba̧ladöma jwaikwöda idöda tjomukwati̧danö tjö̧jakwedö, ja̧danö, –Otiwanö ja̧badösa, –jö̧ba̧ladöma ajayitjö bajalekwönönö, –Jweinö omukwatadösa, –jö̧ba̧lö tjomukwatakwedö.

Proverbios 4:18

Jobekwömaökö Dios wei̧ a̧ja̧kwadö tjö̧ji̧ma. Dios wei̧ a̧ja̧kwadöma sulabenö omukwatadö tjö̧ji̧danö jö̧kö̧dö. Wanedö yötawakwö chitji̧: Dewachenama, i̧ya̧nö deapjo dewachobe tjo̧'o̧manö, ja̧wo̧ laebaja̧ tupakwö jwiinö dewobe jweinö öjenanö. Jobekwö Dios wei̧ a̧ja̧kwadö kwetjachamanö dewinö dejatobe, ajayinö dejatemitjö̧ tupakwö jwiinö dewinö dejatobe, otiwanö edö, salöamanöda tji̧'yobö.

Mateo 13:24

Jesúsma ju'wi wanedö yöawakwawabi yöawinobe, baikwö: —Mölejȩbe jo̧ la'aka luwo̧ ö̧jena jawama baikwö wanedö yötawa: Bakwo̧ batjo luwo̧ma, trigosade otiwi̧ ödebiya öbatjonö ikwö ujuninobe.

Marcos 13:20

Ja̧ baledenama lekwe, kabatökönö jejenö inia tjötjinö baleditjö̧ma okobe deinö debö tji̧'yena, bakwo̧bi ö̧jibökönö. Jo̧kwaijayonö Diosma pjabatö kaatakwawakobe inia tjötjinö baledi̧ma. Iteda i̧tji̧mu batjibanö 'da̧batö ujuninawö̧nöma ile nibebö inia tjötji̧ baledi̧ma kaatakwawakobe— jö̧ba̧lö yöbawijetö Jesúsma öba̧ja̧di̧ waisachadönö.

Lucas 13:21

Baikwö yötawa: Dios la'aka luwo̧ ö̧jakwa̧ jawama, ye'yeachi̧ jawadanö ichejekwa. Baikwö wanedö yötawa: Bakwuju pan otidujuma, ja'yubeda ye'yeachi̧ jawakwö, nöinö harina jawasa'bekwö wiwoduju, ja̧danö ye'yeachi̧ jawa ja'yubeda jiwiwodijayonö, okobe jwiinö pansa'be ye'yeachibobe— jö̧ba̧lö yöawinobe.

Juan 15:2

Ja̧danö, Chabe'doma ötjötjö wa̧jökemima 'dölö lobo̧. Jo̧kwaijayonö wa̧jemima ochobiya otiwanö wa̧jobö, ja'öda 'wibebö lobö otido̧, jwiinö otiwanö wa̧jobö. Ja̧danö, 'wibebö lobö otidobetjö̧ ajayinö wa̧jemitjö o̧penönö otiwanö wa̧jakobe.

Gálatas 5:9

Baikwö wanedö yötawa chömöledö: Pan otidadöma sule ja'yubeda ye'yeachi̧ jawa tjanijayonö, okobe jwiinö pansa'be ye'yeachobe, ¿jö̧tö? Ja̧danö ökwödönö sulabenö yöbawo̧ yöawi̧ma, ökwödönö okobe deinö suli̧ öwaedobe chömöledö.

Filipenses 1:6

Jau chömöledö, Diosda ökwödönö otiwa jawa kwo̧'wo̧ luwo̧duwi jawa jamatö otidinama, ¿jö̧tö? Ja̧danö chöwaisa, jamatö otidina jawama, Diosma okobe jwiinö otidö kaatakobe jö̧ba̧lö. Ja̧danö, Jesucristo yemidanö ichakwa̧ möle baibenama ja̧ okobe jwiinö kwo̧'wo̧ luwo̧duwinö otidi̧ma kaatakwawakobe chömöledö.

Filipenses 1:9

Diosnö atebobe ökwödönö chömöledö, kwömöledöduwinö kwösödabikwawaduwi̧ tupakwö nöachobö, ja̧danö isabenö waisakwawa kwöwaisaduwobö, ja̧danö waisanö edö kwomukwataduwobö atebobe ökwödönö.

2 Pedro 3:18

Jau chömöledö, jobadö sulabenö yötjawi̧ ösödökönö, ökwödö Jesúsnö ösödadöma jo̧ba mikwa jwiinö iyi̧tjö kwöda̧peachaduwobö jo̧be, ja̧danö tupakwönönö Duluwo̧ dö̧jibinö pjabato̧ Jesucristonö döwaisachibobö jo̧be. Jo̧banöda otiwo̧ja jö̧ba̧lö dösödobö jo̧be chömöledö, babebi, ja̧danö ba̧kwȩlö̧jateböbi dösödobö jo̧be, jejenö otiwa. Biya̧da ötjö Simón Pedroma ökwödönö pjabatö wȩyudö wetaduwakwö chömöledö. Biya̧data.

Jueces 6:19

Gedeonma juluwanö ejube ȩwa̧jö, chivo ja'yuwo̧nö kwabö toinobe, ja̧danö trigoso̧pja̧ domulataja jawa kilo jenanö emibö, ye'yeachi̧ jwii̧ jawa pan öpji̧ya otidinobe. Ikenama, otidajo̧, itebiya wi̧lȩyu̧nö anajo̧, ja̧danö isobu toajobu pa̧laka'do̧nö tobajo̧, okobe jwiinö e'ewö i̧'yinobe Isabenö Jo̧ towi teebe ö̧bobekwö, jo̧banö iyobö.

1 Samuel 1:24

Ja̧danö, o̧do̧'bi̧ 'döjebaja̧ ikena, yemidanö Diosnö iyö tji̧'yena, yöja̧linadanö Anama jitji̧ ina ja'yuwo̧nö öbibö ji̧'yinobe Isabenö Jo̧ ejube Silo Comunidadbe. Ju'wibi pakayaso̧ wapötakwa o̧ba junalo̧nöbi öbibö, tuda'wo nueve kilo harinaso̧pjasa'wobi e'ewö, ubasobu o̧'do̧busapja̧bi e'ewö tji̧'yinobe.