Mateo 13:24 - Dios Iwene

²⁴ Jesúsma ju'wi wanedö yöawakwawabi yöawinobe, baikwö: —Mölejȩbe jo̧ la'aka luwo̧ ö̧jena jawama baikwö wanedö yötawa: Bakwo̧ batjo luwo̧ma, trigosade otiwi̧ ödebiya öbatjonö ikwö ujuninobe.

Mateo 13:24 Iomraidhean Croise

Isaías 28:10

Ökwödönö yöawi̧ma, tjemunö öba̧ja̧didanö, tjo̧'omanö baikwö ja̧baduwi, baikwö ja̧bökönaduwi jö̧ba̧lö, bakwainö pea'ba tjemu ajayinö yöa̧lakwawa tjöwaisachena yötja̧li̧danö ökwöobe, otiwanö yöbawö̧kö Diosma, —jö̧ba̧lö obö yötja̧lobe.

Isaías 28:13

Ja̧danö, jobekwö tjöpöjödiökwe, tjemu ajayinö yöa̧lakwawa tjöwaisachena wanekwachökönö yötja̧li̧danö ökwöakobe jobadönö, otiwanö tja̧ja̧kwobö tjöpöjödobetjö̧. Jadanö, Dios yöawi̧ tja̧ja̧kwokobetjö̧, tjölakwabikwawenama ökömakwö mebö 'detjawakwedö, ja̧danö 'daliwa tjö̧lakwedö, ja̧danö tjöpöjojodö tjujuluwajawö̧, jelobekwö öbibö tjemakwawö̧.

Mateo 13:19

—Ödebiya mananö meaja̧ ödebiya badekwachi̧ma, Dios la'aka luwo̧ ö̧jakwa̧ wene tja̧ja̧kwijayonö otiwanö a̧ja̧kwöködönö badekwachobe. Ja̧ wene tja̧ja̧kwenama, inesö sulabo̧ma ichö ja̧ wene jobadötjö 'döebobedanö ichejekwa, tjomajadenö pokwapji jö̧ba̧lö.

Mateo 13:25

Jo̧kwaijayonö, yö̧te okobe deinö tjabonö, jo̧ba öpöjojoma ichö, sula'wosa'ye ödebiyabi ikwö ujuninobe, trigosa'ye 'da̧de pokwobö. Ja̧danö ikwajo̧, ȩwa̧jinobe.

Mateo 13:31

Jesúsma ju'wi wanedö yöawakwawabi yöawinobe, baikwö: —Baikwö wanedö yötawa Dios la'aka luwo̧ ö̧jakwa̧ jawama: Bakwo̧ batjo otido̧ma, mostaza ötjabi̧sade öbatjonö ödinobe.

Mateo 13:33

Jesúsma ju'wi wanedö yöawakwawabi yöawinobe, baikwö: —Bakwuju pan otidujuma, ja'yubeda ye'yeachi̧ jawakwö, nöinö harina jawasa'bekwö wiwoduju. Ja̧danö, ye'yeachi̧ jawa ja'yubeda jiwiwodijayonö, okobe jwiinö pansa'be ye'yeachobe— jö̧ba̧lö wanedö yöawinobe.

Mateo 13:37

Jejenö atjebökwe, Jesúsma atadinobe: —Batjo otido̧ otiwi̧sade ikwo̧nö badekwachi̧ma, ötjö jojo baibanö jeminökwenö badekwachobe.

Mateo 13:47

Ja̧danö, ju'wibi baikwö wanedö yötawa mölejȩbe jo̧ yöbawö weena jawama: Maya jwobö otidadöma o̧pesobutjö maya jwotjinobe, ja̧danö nöinö ba̧i̧ ju'wedötjöbi do̧tjatinobe.

Mateo 18:23

Jau chömöledö, baikwö wanedö yötawa Dios la'aka luwo̧ ö̧jakwa̧ jawama: Bakwo̧ la'aka luwo̧ ö̧jinobe, ja̧danö ju'wi möle iteda ömöayedötjö jo̧banö musidadö tjumusidi̧ tjimidobö weinobe.

Mateo 20:1

Tupakwö yöawinobe Jesúsma: —Baikwö wanedö yötawa Dios la'aka luwo̧ ö̧jakwa̧ jawa: Bakwo̧ uba batjo luwo̧ ö̧jinobe, ja̧danö jo̧bama tjotidakwedönö yȩayi isakwinobe, ja̧ möle öbatjo tjotidobö.

Mateo 21:33

Tupakwö yöawinobe Jesúsma: —Ju'wi wanedö yöawakwawabi kwa̧ja̧kwaduwo, baikwö: Bakwo̧ niji otiwemi juna̧lo̧ma, uba batjo otidinobe, ja̧danö laju ubasobu ja̧takwö tjotidakwaju sobö ujuninobe, ja̧danö batjo ö'öbö tjöekwinö ujuninobe, ja̧danö batjo te'ada̧ladö otiwanö tjedobö möaka edawaka ujuninobe. Ikenama, ju'wedö batjo otidadönö mikwanö öbalewinobe öbatjoma jobadö tjotidobö, ja̧danö balewajo̧, jelobe ju'wedö tjitebobe kwebachö i̧'yinobe.

Mateo 22:2

—Baikwö wanedö yötawa Dios la'aka luwo̧ ö̧jakwa̧ jawama: Bakwo̧ la'aka luwo̧ma, iteda itji̧ ilekwonö emawa pjiesta ujuninobe.

Mateo 25:1

Tupakwö yöawinobe Jesúsma: —Baikwö wanedö yötawa Mölejȩbe jo̧ yöbawö weena jawa: Bakwo̧ ilekwonö emajo̧, pjiesta ujuninobe. Pjiesta junö i̧'yakwa̧ abönö, jo̧bakwö pjiesta tjujunakwedö domulataja möayedö ya̧döma, tjitea dejuwa'yu̧ e'ewö jo̧ba ichakwa̧ te'ada̧lö latjebinobe.

Mateo 3:2

—Sulabenö kwomukwataduwi̧ kabatibö balewachaduwi, Dios yöbawö weakwa̧ möle yöneawachibobe— jö̧ba̧lö.

Mateo 4:23

Galilea niji bakwameachibanö kweachinobe Jesúsma. Judío jojodö ba̧nö tja̧ja̧kwa̧lejubiya tebachiabö öba̧ja̧dinobe, ja̧danö otiwa jawa wene yöbawö kweachinobe, Dios la'aka luwo̧ ö̧jakwa̧ jawa wenema, ja̧danö okobe jwiinö jojodö tjö'wöchi̧, ja̧danö tjime'dawi̧ otidö loinobe.

Lucas 13:18

Jesúsma tupakwö yöawinobe jojodönö baikwö: —Chömöledö, kwedaduwemi ¿dakwö ichejekwobeda Dios la'aka luwo̧ ö̧jakwa̧ma? ¿Dakwö wanedö yötawakwajö, ichejekwi̧ jawama? Baikwö yötawaduwakwö chömöledö:

Lucas 13:20

Ja̧danö ju'wibi yöawinobe Jesúsma: —¿Dakwö yötawakwajö Dios la'aka luwo̧ ö̧jakwa̧ ichejekwi̧ jawama?

Colosenses 1:5

Jau chömöledö, isabenö wene otiwa jawa wenema kwa̧ja̧kwinaduwobe, ja̧ wene ösödadöma mölejȩbe otiwanö tjö̧jakwedö jö̧ba̧lö. Jo̧kwajabetjö̧, mölejȩbe dö̧jakwedösa jö̧ba̧lö Cristo Jesúsnö kwösödinaduwobe, ja̧danö kwömöledö Jesúsnö ösödadönö ösödabikwawö kwö̧jaduwobe.

1 Pedro 1:23

bakwo̧da i̧tji̧muköbaduwobetjö̧. Jau chömöledö, Dios iwenema yaba̧lö ji̧, ja̧danö 'dö̧ibajökö ji̧, ja̧danö ja̧ wene ösödö, 'yayinö kwöbötjachinaduwobe chömöledö. Ja̧danö chömöledö, 'yayinö kwöbötjachinaduwenama, woba jojodö tji̧tji̧mu baibanöma kwöbötjachinaduwokobe, wobö̧kö̧ jo̧ Dios i̧tji̧muda bötjachinadöja.