Mateo 12:46 - Dios Iwene

⁴⁶ Jesús jojodö ko̧ko̧kwajadönö yöawonö, Jesús ojo'dobi, ö̧ja̧wo̧döbi a̧petube tjö̧jinobe, ja̧danö jo̧banö yötja̧lakwawobö tjösödinobe.

Mateo 12:46 Iomraidhean Croise

Mateo 1:18

Baikwö laebobe Jesucristonö jemina wenema: Maríama yöbawö juninuju, tupakwö Josénö chemakwujusa, jö̧ba̧lö. Jo̧kwaijayonö jo̧banö ina jemapji, ja̧danö iso̧nö ina jö̧kuju jö̧jayi, Dios O̧'wo̧ Luwo̧ ujulunö metu'wo jö̧jinobe.

Mateo 12:47

Jo̧kwajabetjö̧ jelo̧ma Jesúsnö yöawinobe: —Kwojo'dobi, kwö̧ja̧wo̧döbi a̧petube tjö̧jobe, ja̧danö ökwönö yötja̧lobö tjösödobe— jö̧ba̧lö yöawinobe Jesúsnö.

Mateo 13:55

Jo̧bama towi ötebiyatjö otido̧ José itji̧, ¿jö̧tö? Ja̧danö, ojo'doma bemi jojosuju María, ja̧danö ö̧ja̧wo̧döma bemi jojodö Jacobobi, Josébi, Simónbi, Judasbi mikwadö, ¿jö̧tö?

Mateo 2:11

ja̧danö o̧do okwa tebachö, tjemunöbi, ojo'do Maríanöbi tjedinobe. Jejenö tjemunö edö, bȩbachibö tjösödinobe tjemunö, ja̧danö tjiyobö tjichejebaja̧ nöinö mikwawi̧ jawa jo̧banö tjiyinobe, orobi, omewi̧ jawa incienso ötjabi̧ jawabi, ju'wi omewi̧ jawa mirra ötjabi̧ jawabi.

Mateo 2:20

—Tjemunö kwabö lotjobö isakwadöma ida̧ökö debö tji̧'yajabe, jo̧kwajabetjö̧ a̧laibö tjemunöbi, tjemu ojo'donöbi öbibö Israel nijibe da̧ja̧duwi— jö̧ba̧lö weinobe.

Marcos 2:21

Ikenama ju'wi wanedö yöbawö jö̧ba̧lijetö Jesúsma: —A̧ja̧kwaduwitjö. Kamijido̧, damösado̧, kȩ'achajinado̧ma 'yayado̧kwöma, ina dichawöködo̧kwöma pöbeböma 'dö̧awökö. ¿Tajawedö? Jejenö 'yayado̧kwö pöbebö 'dö̧jitjö̧ma ja̧ kamijido̧ma jidichena 'yayado̧nö pöbebö 'dö̧awama ja'yuwado̧ babibö kȩ'achaji̧. Ja̧danö, ajayinö kȩ'achajinemi o̧penönö kȩ'acha̧li̧. Jo̧kwaobetjö̧ yöta̧la, damösado̧ kȩ'achajinado̧ma 'yayado̧ pöbeböma 'dö̧awökö— jö̧ba̧lijetö Jesúsma, wanedö yöbawö.

Marcos 6:3

Bitema döwaisökwe, bemida jojo. Towitjö otikwa jojoda. Bemida ju̧ju María jitji̧. Bemida jojo Jacobo, José, Simón, jobadö tjöpöe, bitema. Öjawujudöbi bemida ju̧kwadö— yöba̧lakwawijadötö idödada. Jejenö jö̧ba̧lö tjo̧'wo̧ sulinö öpöjödijadötö Jesús yöawi̧ma.

Lucas 1:43

Jau María, inesö la'aka duluwo̧akwo̧ ojo'doja, ja̧danö isabenö ötjöma mikwawökujusa, Chuluwo̧ ojo'do ötjönö edö kwichoböma. Jejenö ötjönö mikwawökujunö edö kwichobetjö̧ chösöda, otiwa, jö̧ba̧lö.

Lucas 2:33

Jejenö Jesúsnö yöawiawö̧, tjemu ojo'do ja̧danö abe'doma tjöbajale jalaka baibanö tja̧ja̧kwinobe.

Lucas 2:34

Jemi ikenama Simeonma Diosnö aebinobe, jobadönö pjaatobö, ja̧danö tjemu ojo'do Maríanö yöawinobe baikwö: —Bite tjemuma Dios 'da̧batö ujuninökwe, Israel jojodötjö ba̧jekwadö jo̧banö öpöjödö mebö metjakobetjö̧, ja̧danö ju'wedö jo̧banö ösödö tjo̧'wo̧ ösöwachibakobetjö̧. Jojodönö i̧sebotö jö̧ba̧lö Dios weinökwe bitema, jo̧kwaijayonö ba̧jekwadö jo̧banö tjöpöjödakobe.

Lucas 2:48

Jesús abe'dodö jo̧banö tjöbadekwajenama, tjöbajale jalaka baibanö jo̧banö tjöbadekwajinobe, Bitema ¿tajawedö bai jo̧jö? jö̧ba̧lö. Ja̧danö, ojo'doma Maríama Jesúsnö abebö ja̧ja̧kwinobe: —Chitji̧, ¿tajawedö sulabenö ja̧köbaja̧da ökwödönö? Kwabe'dobi ötjöbi do̧'wo̧ tjo̧achö nöinö jelobetenia ökwönö disakwajabeta— jö̧ba̧lö.

Lucas 2:51

Ja̧danö jemi ikenama, Jesúsma jobetjö labebö, jobadökwö Nazaretbe ȩwa̧jinobe, ja̧danö, jobadökwö ja̧nö otiwanö wetji̧ a̧ja̧kwö ö̧jinobe. Ja̧danö, ojo'do Maríama okobe jwiinö ja̧ Jerusalénnö baledina jawa jomajadenö omukwatö jö̧jinobe, ¿dakwö jö̧ba̧lo̧jö? jö̧ba̧lö.

Lucas 8:10

Atjebökwe, Jesúsma jobadönö yöawinobe: —Diosma ökwödö chöba̧ja̧di̧ waisachadönö iyinobe, jojodö wajwitji̧ jawa, mölejȩbe jo̧ Dios la'aka luwo̧ ö̧jakwa̧ jawa kwöwaisaduwobö, jo̧kwajabetjö̧ ökwödönö jweinö yöbawö labebö lobö yötawocha. Jo̧kwaijayonö ju'wedönö sule wanedö yöbawöda yötawobe, labebö lobökönö. Jejenö jobadönö yötawobe, Dios iwene damötjö tjiwȩyudinadanö badekwachakobetjö̧, Baikwö laebobe Dios iwene damötjö tjiwȩyudinama: Jobadöma tjedijayonö, waisachibanö tjedoböma jwitjakwedö, ja̧danö tja̧ja̧kwijayonö, waisachibanö tja̧ja̧kwoböma jwitjakwedö, jö̧ba̧lö laebobe Dios iwene damötjö tjiwȩyudinama. Ja̧ laebachi̧ma bidönö wanekwachobe, jo̧kwajabetjö̧ ökwödönö labebö lobö yötawijayonö, ju'wedönö sule wanedö yöbawöda yötawobe— jö̧ba̧lö yöawinobe Jesúsma iteda öba̧ja̧di̧ waisachadönöma.

Juan 19:25

Ja̧danö, jejenö tjalewinobe guardia jojodöma. Jobema, Jesúsnö a̧lapedö tjujunajemi pjeanö Jesús ojo'dobi, ojo'do jöjawujubi, María, Cleofas ilekwobi, María Magdalenabi tjö̧jinobe.

Juan 2:1

Ja̧danö Jesúsma jejenö Natanaelnö yöawaja̧ tupakwö, dötölataja möle baledajena, ju'wedöma, jobe niji, Galilea niji Caná comunidad jojodöma, pjiesta tjujuninobe, bakwo̧ ilekwonö emi̧ pjiestama. Jesús ojo'do Maríama jena jö̧jinobe.

Juan 2:12

Ikenama, Jesúsma ojo'dokwö, ö̧ja̧wo̧dökwö, iteda öba̧ja̧di̧ waisachadökwö Capernaúmbe i̧'yinobe. Jobema tjö̧jinobe, juluwanöda, wa̧pötakwa mölebi, ö'wejemu mölebi.

Juan 2:5

Jejenö jö̧a̧lijayonö Jesús ojo'doma wejinobe jobe otidadönö: —Chitji̧ wei̧ma okobe jwiinö kwa̧ja̧kwaduwo— wejinobe.

Juan 7:10

Jesúsma jejenö jö̧a̧lijayonö, ö̧ja̧wo̧dö pjiesta baledö tji̧'yajabe okobetjö jo̧babi i̧'yinobe pjiesta jobe, Jerusalénbe. Jo̧kwaijayonö jojodö jo̧ba i̧'yobema tjöwaisobö öpöjödö, ba̧jekwadökwö i̧'yinokobe.

Juan 7:3

Ja̧ pjiesta ida̧ökö lekwokobetjö̧, Jesús ö̧ja̧wo̧döma Jesúsnö wetjinobe: —Döpöe, bena ji̧bökönuwi. Pjiesta baledö kwi̧'yo, Judeabema. Jobetjö ja̧nö kwujulu kwi̧sebo, kwöba̧ja̧di̧ waisachadö tjedobö ökwö kwi̧sebi̧ma— wetjinobe—.

Juan 7:5

Ja̧danö ö̧ja̧wo̧döma, Bite döpöema Dios weinökwe, jö̧ba̧löma, tjomukwatinokobe. Wajwitjinobe, Jesús yöne ömöledötjijayonö.

Hechos 1:14

Jobadöma bakwainö omukwatö Diosnö abebö ju̧kwiabijadötö. Ja̧danö, ya̧döbi, Jesús ojo'do Maríabi, Jesús ö̧ja̧wo̧döbi jobadökwö Diosnö abebö ju̧kwiabijadötö ba̧kwȩlö̧jatebö.

1 Corintios 9:5

Ju'wibi yötawa: Ju'wedö Duluwo̧ webawedö, Duluwo̧ Jesús böjȩtjö yöne ö̧ja̧wo̧döbi, Pedrobi, yöbawö kwetjachenama, tji̧lȩkwa̧mukwö kwetjachobe, ¿jö̧tö? Ja̧danö, ötjöbi jejenö ötjökwö kwejacho jö̧ba̧lö Jesúsnö ösöduju chilekwonö chemobö jö̧ta̧litjö̧ma, otiwo jö̧a̧lena chömöledö, sulökena.

Gálatas 1:19

Ja̧danö, jobe Pedronö edö chi̧'yenama, ju'wedö Jesús webawedönö chedijökötö, jobadötjö sule Pedronöda, Duluwo̧ Jesús yöne öjawo̧ Jacobonöda chedijatö.