Mateo 12:43 - Dios Iwene

⁴³ Jesúsma wanedö yöawinobe: —Tjo̧'wo̧ luwo̧nö sulabo̧ma jojo o̧'wo̧ luwo̧tjö laebitjö̧ma, jelobe kweachena, ja̧danö kököobe kweachena, tupakwö ö̧jakwa̧ isakwö. Jejenö isakwö ö̧jakwa̧ öbadekwajökötjö̧ma,

Mateo 12:43 Iomraidhean Croise

Diosnö ösödo̧ Job mikwo̧ usula emawina jawa 1:7

Jejenö ichibiökwe, Isabenö Jo̧ma Awetjanö abebö a̧ja̧kwinobe, —Detjö kwichaja̧da? —jö̧ba̧lö. Isabenö Jo̧ abebö a̧ja̧kwökwe, —Bö̧je ba̧kwemeachibanö kwetachajabe, bö̧jetjö baledi̧ jawa eda̧lö, ja̧danö jelobebi, jelobebi kwebachajo̧ chichajabe, —jö̧ba̧lö atadinobe Awetjama.

Diosnö ösödo̧ Job mikwo̧ usula emawina jawa 2:2

Ja̧danö, ichibiökwe, Isabenö Jo̧ma abebö a̧ja̧kwinobe Awetjanö, —Detjö kwichaja̧da? —jö̧ba̧lö. Ja̧danö aebökwe, —Bö̧je ba̧kwemeachibanö kwetachajabe, bö̧jetjö baledi̧ jawa eda̧lö, ja̧danö jelobebi, jelobebi kwebachajo̧ chichajabe, —jö̧ba̧lö atadinobe Awetjama.

Isaías 41:18

Jau, ojwiyo tjujuna̧lakobetjö̧, mösa'iju kököelö, ojwe isuwobö wetocha, ja̧danö wabekijutjö, ojwese'diju pjuebobö wetocha. Jojodö deemima o̧pesobu baibanö wetocha, ja̧danö kököemi niji ö'wejenö, ojwe isuwobö wetocha.

Mateo 12:44

omukwatena, Aaa, yemidanö ajayinö chö̧jinejube chȩwa̧jo, ajayinö chö̧jinökwekwö, jö̧ba̧lö. Jo̧kwajabetjö̧, wanedö yötawa: Ȩwa̧jö, ajayinö ö̧jineju edena, deeju, otiwachibanö tjojwodatajejuma.

Mateo 8:29

Jobadöma Jesús ichobe edö, labinö jwötjeba̧linobe baikwö: —Ökwö Dios i̧tji̧ma, ¿tajawedö dö̧jobekwö kwichobeda? Lȩebakwa̧ möle ina baibököjayonö, ¿ökwödönö lȩbebö kwichaji̧?— jö̧ba̧lö jwötjeba̧linobe.

Hechos 8:13

Ja̧danö, Simónbi, mea boawa jojoma Jesúsnö ösödijetö, Chö̧jibinö pjabato̧, jö̧ba̧lö. Jo̧banöbi ojwenö bu̧datijetö Felipema. Ikenama Simónma Felipe ökömanö kabatökönö kwebachiabijetö. Felipe otidobe edö, Dios ujulunö i̧sebö otidobe edö, Simónma, ¡Ayö! Isabenö bitema Dios ujulu i̧sebö otido̧, jö̧ba̧lö, omukwatijetö.

1 Pedro 5:8

Jweinö omukwatö eda̧lö kwö̧jaduwo chömöledö, kwöpöjojo Awetjama, ökwödönö suli̧ öwaedobö isakwobetjö̧. Kwöpöjojonö baikwö wanedö yötawa chömöledö: Didiba nöbo̧ma tulubö kwebacho̧, ukwakwo̧nö isakwö, ¿jö̧tö? Ja̧danö, Awetjama ökwödönö suli̧ öwaedobö isakwo̧ chömöledö, jo̧kwajabetjö̧ jweinö omukwatö eda̧lö kwö̧jaduwobö jo̧be.