Mateo 12:14 - Dios Iwene

¹⁴ Jemi ikenama fariseo jojodöma jobetjö labebö, omukwatö yötja̧lakwawinobe, Jesúsnö dakwö söbebö lotjobö, jö̧ba̧lö.

Mateo 12:14 Iomraidhean Croise

Mateo 26:4

Ko̧ko̧kwachajadö, omukwatö tjujuninobe, jojodö wajwitjonö Jesúsnö do̧tjatobö, ja̧danö jo̧banö kwabö lotjobö.

Mateo 27:1

Jemi ikenama, ina yȩayi, okobe deinö Diostjö jojodötjö ö'weje pjabatadö la'aka tjuluwedöbi, jojodötjö damöbi ko̧ko̧kwö yötja̧lakwawinobe, Jesúsnö kwabö lotjobö ja̧tjakwa̧ma.

Marcos 14:1

Ina dötölataja möle jwiijetö pjiesta junö baledakwawa mölema. Ja̧ pjiesta, Dios damötjö Israel jojodö tjö̧jibinö pjabatö mö öbaledina omukwatö pjiestabi, pan 'ye'yeachökö kwakwawa pjiestabi ja̧kwama. Diostjö jojodötjö ö'weje pjabatadö tjuluwedöbi, Moisés iwȩyudina ba̧ja̧dadöbi kabatökönö omukwata̧lijadötö, ¿Dakwö ja̧dakwa̧da jojodö wajwitjonö Jesúsnö do̧batibö kwabö loawa wedoböma? jö̧ba̧lö.

Marcos 3:6

Jejenö otidiawö̧ fariseo jojodöma te'ada̧lökönö ju'wedökwö, la'aka luwo̧ Herodesnö ösödadökwö labekwibö yöba̧lakwawijadötö. Jobadökwö ¿Dakwö kwabö lodakwa̧da Jesúsnöma? jö̧ba̧lö, omukwatö yöba̧lakwawijadötö.

Lucas 22:2

Ja̧danö, Jesúsnö öpöjödadö Diostjö jojodötjö ö'weje pjabatadötjö la'aka luwedöbi, Moisés iwȩyudina ba̧ja̧dadöbi Jesúsnö do̧batö kwabö lotjobö jö̧tja̧linobe, jo̧kwaijayonö ba̧jekwadö jojodö Jesúsnö tjösödiawö̧, Jesúsnö do̧tjatoböma yetjabinobe. Jo̧kwajabetjö̧, jobadöma ko̧ko̧kwö omukwatö tjisakwinobe, dakwö wene jwiinö Jesúsnö kwabö lodakwa̧jö jö̧ba̧lö.

Lucas 6:11

Ikenama, jejenö otikwökö möle ömamu 'wabo̧nö otidö loiawö̧, Moisés iwȩyudina ba̧ja̧dadöbi, fariseo jojodöbi jwiinö tjölabinobe Jesúsnö, ja̧danö Jesúsnö öpöjödö yötja̧lakwawinobe, Jesúsnö sulabenö ja̧tjakwa̧ma.

Juan 10:31

Jejenö yöawawö̧ judío jojodöma jwiinö tjölabinobe. Inawiya tjeminobe Jesúsnö tjikwawobö, ö'wöchinö baibanö.

Juan 10:39

Jejenö yöawawö̧ tjölabinobetjö̧ yemidanö do̧tjatobö jö̧tja̧lijayonö, do̧atakwawatjöma döibajinobe.

Juan 11:53

Ja̧danö, ja̧ möletjö tupakwö judío jojodö la'aka luwedöma Jesúsnö kwabö lotjakwa̧ma omukwata̧lö yötja̧lakwawinobe.

Juan 11:57

Ja̧danö, fariseo jojodöma, Diostjö jojodötjö ö'weje pjabatadötjö la'aka luwedökwö ajayinö webö tjujuninobe judío jojodönö, Jesúsnö kwedaduwitjö̧ma yökawaduwo, jö̧ba̧lö. Jejenö webö tjujuninobe Jesúsnö do̧atakwawa jö̧tja̧lobetjö̧.

Juan 5:18

Jejenö jö̧a̧liawö̧ jwiinö tjölabinobe Jesúsnö, kwabö lotjobö omukwatö. Yelösöda tjölabinobe, judío jojodö tjotidökö möle otidiawö̧. Ju'wi jawabi, biya̧: Jesúsma, Diosda ötjö Chabe'do, jö̧ba̧lö, jö̧a̧liawö̧ jwiinö tjölabinobe, Diosdanö bakwainö mikwawo̧sa, jö̧ba̧lö, jö̧a̧liawö̧.

Juan 7:30

Jejenö yöawawö̧ do̧batö tje'ewobö jö̧tja̧lijayonö do̧tjatinokobe. Ina, jo̧banö do̧tjati̧ möle, Dios ajayinö badedö ujunina möle badekwachokobetjö̧ ina do̧tjatinokobe.

Juan 7:32

Ja̧danö, jojodöma ba̧jekwadö idödada sewobakwawöda yötja̧lakwawinobe, Bite Jesúsma, Dios weinökwe, jö̧ba̧lö. Jejenö yötja̧lakwawijayonö, fariseo jojodöma tja̧ja̧kwinobe jojodö yötja̧lakwawi̧ma. Jejenö a̧ja̧kwö, fariseo jojodöma, Diostjö jojodötjö ö'weje pjabatadötjö la'aka luwedökwö, bakwainö omukwatö, Jesúsnö do̧tjatobö tjomukwatinobe. Jejenö omukwatö wetjinobe Dios eju te'ada̧ladö guardia jojodönö Jesúsnö do̧tjatobö.

Juan 7:44

Jobadötjö ju'wedö jo̧banö öpöjödadöma, Do̧batö de'ewo, jö̧ba̧lö, jö̧tja̧linobe. Jo̧kwaijayonö bakwo̧bi deinobe Jesúsnö do̧batö e'ewo̧ma.

Juan 8:59

Jejenö yöawiawö̧ jwiinö tjölabinobe judío jojodöma Jesúsnöma. Jwiinö tjölabobetjö̧ inawiya emibö tjikwawo jö̧tja̧lijayonö, Jesúsma ju̧kwawibö laebinobe Dios ejutjöma.