Mateo 11:3 - Dios Iwene

³ —Juan ichakwo̧ yöawinökwema, ¿ökwödaji̧? ¿Jelo̧ tupakwö ichakwo̧nöda dite'ada̧lobö jo̧beji̧?— jö̧ba̧lö abebö tja̧ja̧kwinobe.

Mateo 11:3 Iomraidhean Croise

Génesis 12:3

Ina yöba̧lijetö: —Abram, yötawakwö. Ökwönö dösölö̧jinö edö pjabatadönöma dösölö̧jinö edö pjatatakwo̧sa. Jo̧kwaijayonö ökwönö öpöjödinö edö sulabenö omukwato̧nöma öpöjödinö edö lȩtebakwo̧— yöba̧lijetö—. Ja̧danö, Abram, ökwönö dösölö̧jinö edö pjatatobetjö̧ ju'wedönö, bakwasokwena jojodönöbi ötjö dösölö̧jinö edö pjatatakwawö̧ tjuju̧kwakwedö— yöba̧lijetö Isabenö Jo̧ Diosma Abramnöma.

Génesis 3:15

Ja̧danö, ökwöma isuju jöpöjojo kwö̧jakwo̧ja. Ja̧danö, isujuma kwöpöjojosuju jö̧jakwuju. Ba̧kwelö̧jatebö wene ja̧kobe ökwötjö tupadanö ju̧kwadökwö, isujutjö tupadanö jojodökwö. Kwöpöjojodöda tjuju̧kwakwedö. Ja̧danö, isujutjö tupadanö jojodötjö bakwo̧ma kwuunö öja̧takwo̧ja. Ja̧danö, jo̧ba ökesayunö yö̧köbakwo̧ja— lȩbebö jö̧ba̧lijetö Isabenö Jo̧ Diosma a̧ko'danöma.

Génesis 49:10

Ina yöbawijetö: —Isabenö yötawa, Judá: Ökwötjö tupadanö jojodöma ba̧kwȩlöjatebö la'aka luwedö webö tjuju̧kwakwedö. Jejenö webö tjö̧bakobe bakwo̧, inesö la'aka luwo̧ ichenanö kabatö. Jo̧ba inesö la'aka luwo̧ma okobe deinö jojodö tjuluwo̧ ö̧jakwo̧— yöbawijetö Jacobma itji̧ Judánöma.

Isaías 7:14

Jobekwö sulabenö ja̧köbiökwe, i̧sȩbakwa̧ jawa Dios i̧sȩbobö akebököjayonö, yayonö Dios i̧sȩbakwa̧ jawa yötawakwö baikwö: Möayujuma metu'wo babibaju, jitji̧nö jemakobe, ja̧danö emaju, Emanuel jö̧ba̧lö jimidakobe jitji̧nö, Diosma ökwödökwö jo̧ jö̧ba̧lö.

Mateo 11:10

Jau chömöledö, Juannöda badekwachobe damötjö Dios yöawi̧ tjiwȩyudinama. Baikwö laebobe Dios iwene Dios weakwo̧ jö̧a̧linökwenö yöa̧linama: Kwabönö yötawi̧ yöbawo̧nö wetocha, otiwanö kwichakwa̧ otidakwo̧nö, jö̧ba̧lö laebobe.

Mateo 11:4

Atjebökwe, Jesúsma atadinobe: —Juan ö̧jobekwö da̧ja̧duwi, ja̧danö jo̧banö yöbawajaduwi, kwedaja̧duwabi, kwa̧ja̧kwaduwaja̧bi,

Mateo 21:5

Jerusalénnö ju̧kwadönö yöbawaji: Edaduwi. Kwuluwo̧duwima kwö̧jaduwobekwö ichobe. Jo̧bama luwo̧sa jö̧ba̧lö omukwatökönö, bulunö wanö, bulu itji̧nö wanö ichobe, jö̧ba̧lö yöawinobe.

Mateo 21:9

Ja̧danö Jesús abönö 'ya̧döbi, ökömanö ichadöbi jwötjeba̧linobe: —Bite David itji̧ tupadanö jojonö dösödaduwo. Isabenö o̧'wo̧ ösöwanö jo̧, Duluwo̧ weökwe icho̧ma. Mölejȩbe jo̧ Diosnö dösödaduwo— jö̧ba̧lö jwötjeba̧linobe.

Marcos 11:9

Ju'wedöma Jesús abönö 'ya̧döbi, Jesús ökömanö 'ya̧döbi baikwö ösödö jwöbeba̧lijadötö: —¡Bite, Duluwo̧ baibanö icho̧nö dösödo, Dios weinökwenö!

Lucas 19:38

—Isabenö o̧'wo̧ ösöwanö jo̧ bite La'aka Luwo̧, Duluwo̧ weökwe icho̧ma. Bite ichobetjö̧ mölejȩbetjö wene jwiobe, jo̧kwajabetjö̧ mölejȩbe jo̧ Diosnö dösödaduwo— jö̧ba̧lö jwötjeba̧linobe.

Juan 11:27

Jejenö abebö a̧ja̧kwoko jatadinobe: —Jau Duluwo̧, yöka̧li̧ma jweinö yöka̧la. Ötjöma ökwönö ösödujusa, Ökwöma dö̧jibinö pjabato̧ja, jö̧ba̧lö. Waisujusa ökwönöma, Dios ajayinö wetakwo̧, jö̧ba̧lö, yöbawö ujuninökweja. Ökwöma Dios Itji̧ja, böjȩkwö ichakwo̧ yötjawinökweja, jö̧ba̧lö, waisujusa ökwönöma— jö̧ja̧linobe Martama.

Juan 12:13

Jo̧kwaobetjö̧ walie ö̧ji̧yadanö 'wibebajadö do̧ba̧lö e'ewö Jesús ichobekwö tji̧'yinobe. Ja̧danö Jesús ichobe edö jwötjeba̧linobe: —Bitenöda dösödonö, Otiwanö jo̧, jö̧ba̧lö. Duluwo̧ Dios weinökwenö, Israel jojodö tjuluwo̧nöma dösödo, Otiwanö icha, jö̧ba̧lö— jwötjeba̧linobe.

Juan 16:14

Jo̧bama ötjö yötawinatjö̧da, ötjö ja̧tina öwaitjöda yöawakwo̧ ökwödönöma kwöwaisachibaduwobö. Ja̧danö, ötjö chujuluwi̧bi ötjö jwiinö chotiwi̧bi kwöwaisachibaduwobö yöawakwo̧ jo̧bama, Dios O̧'wo̧ Luwo̧ma— yöawinobe—.

Juan 4:21

Jejenö jö̧ja̧lökwe Jesúsma: —Chömöledösuju, a̧ja̧kwitjö. Ju'wi möle ökwödö Samaria jojodöma jelobetjöbi, jelobetjöbi kwösödaduwakwedöja Dabe'do Diosnö. Sule bi'o mö'ösa'otjödama kwösödaduwökakobe jo̧banöma. Ja̧danö, sule Jerusalénbe 'ya̧nö jobetjödama kwösödaduwökakobe jo̧ba Dabe'do Diosnöma. Jelobetjöbi jelobetjöbi kwösödaduwakwedöja Dabe'do Diosnö, bakwelödadamaökö— jö̧a̧linobe—.

Juan 6:14

Ja̧danö, kwajadöma Jesús ujulu i̧sebi̧ edö yötja̧lakwawinobe: —Dite'ada̧lökwema biteda, Dios yöawi̧ yöbawo̧. Damötjö Moisés yöawinökwe, Ichakwo̧, jö̧ba̧lö, yöawinökwema biteda— yötja̧lakwawinobe.

Juan 7:31

Ja̧danö, jojodötjö ju'wedöma tjöpöjödijayonö, ba̧jekwadö Jesúsnö tjösödinobe. Jobadöma ösödö jö̧tja̧linobe: —Bitema Dios ujulu nöinö i̧sebobe dedijatö. Ja̧danö, Dios weinökwe, jojodö tjö̧jibinö pjaatobö weinökwema, jejenö i̧sebo̧ ¿jö̧tö? Jo̧kwaobetjö̧ dedemi biteda Dios weinökwema— ösödö jö̧tja̧linobe.

Hebreos 10:37

Chömöledö, baikwö laebobe Dios iwenetjö, Dios yöawina: Lekwökö baledena ichakwo̧ma ichakobe. Isabenö, te'ada̧lökönö ichakobe.