Mateo 11:25 - Dios Iwene

²⁵ Ja̧ möle, Jesúsma Diosnö aebinobe baikwö: —Chabe'do, mölejȩbe ju̧kwadöbi, böjȩnö ju̧kwadöbi tjuluwo̧ja. Chabe'do, otiwanö biya̧ jawa kwotoja̧lajabe, waisadöbi, nöinö waisachadöbi tjöwaisapji jö̧ba̧lö, jo̧kwaijayonö jobadö wajwitjijayonö, waisachöködönö otiwanö kwi̧sebajabe, ja̧danö jejenö kwi̧sebobetjö̧, otiwanö i̧sebo̧ja jö̧ba̧lö yötawakwö Chabe'do.

Mateo 11:25 Iomraidhean Croise

Génesis 14:19

Ikenama Abramnö badekwö Melquizadekma, Abramnö o̧'wo ösöwanö yöba̧lijetö: —Abram, La'aka Inesö Diosnö, mölejebi, böjȩbi otidinanöma ateba ökwönö dösölöjönö edö pjaatobö.

Génesis 14:22

Tea chemokobe— jö̧ba̧lijetö Abramma—. Ötjöma La'aka Inesö Diosnö, mölejȩbi böjȩbi otidinanöma yöbawö chujunajabe,

2 Reyes 19:15

Ja̧danö Isabenö Jo̧ öba a'o ja̧nö, baikwö aebinobe Ezequiasma: —Chuluwo̧ Isabenö Jo̧, Israel jojodö dösödökwe Dios, ökwö angeledö querubines tjöwame kwiteaka inesö la'aka luwo̧ ö̧bakanö bo̧nö baikwö atebakwö: Chuluwo̧ Dios, ökwödaja isabenö Diosbo̧ma, bö̧jȩ ba̧kwemeachibanö tjiteboteniatjö, jelo̧ Diosbo̧ma deobe. Ökwödaja mölȩjȩbi bö̧jȩbi otidinaja chuluwo̧ Dios.

1 Crónicas 29:13

—Jobekwö isabenö jo̧ja chuluwo̧, jo̧kwajabetjö̧ ökwönö ösödö yöba̧ladösa, –Otiwanö pjabato̧ja, ökwö Isabenö Jo̧ma inesö dejatinö juluwo̧ja, –jö̧ba̧lö.

Diosnö ösödo̧ Job mikwo̧ usula emawina jawa 37:24

Jo̧kwaiawö̧, Diosnö yebabinö omukwatö ösödadösa, isabenö otiwo̧obetjö̧. Jau Job, isabenö otiwo̧ Diosma, ja̧danö, –Waisadöma ökwödödasa, –jö̧ba̧lö sulabenö omukwatadönö a̧ja̧kwö̧kö̧ Diosma, —jö̧ba̧lö yöa̧linobe Eliuma.

Isaías 5:21

Isabenö usula tjemawakwedö, —Waisanö omukwatadösa, okobe jwiinö waisakwawa jawa waisadösa, —jö̧ba̧lö sulabenö omukwatadöma.

Isaías 66:1

Baikwö yöawobe Isabenö Jo̧ma: Chömöledö, mölejȩma, sule ötjö chiteaka inesö la'aka luwo̧ ö̧bakadanö jö̧jȩ, ja̧danö bö̧jȩma sule chömasapiya chöwanemidanö jö̧je. Jo̧kwajabetjö̧, ötjö chö̧jakwejuma, dakwö kwotidaduwobö? Otiwanö chö'wachemi ötjönö kwiyaduwobö jȩnaji̧?

Daniel 2:23

Cha'dödö Tjuluwo̧ Dios, ökwönö ösödö yöta̧la, otiwo̧ja, otiwanö pjabato̧ja jö̧ba̧lö. Isabenö otiwanö pjakatajabe ötjönö, waisanö omukwato̧ batibobö, ja̧danö juluwo̧ batibobö. Jo̧kwaijayonö ja̧damaökö, jemi bajalekwönönö otiwanö pjakatajabe, ökwönö adebaja̧danö otiwanö kwi̧sebajabe, la'aka luwo̧ Nabucodonosor i̧'widikwina jawa otiwanö kwi̧sebajabe— jö̧ba̧lö yöa̧linobe Danielma, Diosnö ösödö.

Daniel 4:35

Jo̧ba öba a'otjö isabenö mikwawöködösa ökwödö böjȩ jojodöma, jo̧ba ujuluwi̧danöma juluwöködösa. Jo̧bama iteda ösödi̧danöda ja̧bo̧ma, ángelesdö tjöjena mölejȩbetjöbi, jojodö dö̧jena böjȩtjöbi. Bakwo̧bi deobe jo̧banö, Kabati, jö̧ba̧lö webo̧ma, bakwo̧bi deobe sulabenö ja̧köba, ¿tajawedö jejenö ja̧köbaja̧da? jö̧ba̧lö lȩbebo̧ma jö̧ba̧lö yöa̧linobe Nabucodonosorma Diosnö.

Mateo 16:17

Jejenö yöa̧lökwe Jesúsma Pedronö yöa̧linobe: —Isabenö kwo̧'wo̧ ösöwanö jo̧ja ökwö Jonás itji̧ Simón, Diosda ja̧ ökwönö öba̧ja̧dinobetjö̧. Jau chömöledöso̧, jojodödama ja̧ tjöba̧ja̧dinokobe ökwönö. Diosda ja̧ öba̧ja̧dinobe ökwönöma.

Mateo 21:16

ja̧danö Jesúsnö tjo̧'wo̧ sulinö abebö tja̧ja̧kwinobe: —¿Bidö tjemu ökwönö sulabenö jwötjeba̧li̧ kwa̧ja̧kwiji̧?— jö̧ba̧lö Jesúsnö dameakwö abebö tja̧ja̧kwinobe. Atjebökwe Jesúsma atadinobe: —Jau, cha̧ja̧kwobe, jo̧kwaijayonö sulabenöma jwöbeba̧löködö, Dios iwene laebi̧danö badekwachinö jwöbeba̧ladö. Ökwödöma Dios iwene baikwö laebi̧ma: Tjemu pjebadö, ja̧danö ina o̧do'bi̧ owadö tjemunö Diosma otiwanö öba̧ja̧dinobe otiwanö Diosnö ösödö yötja̧lobö, jö̧ba̧lö laebi̧ma, ¿la'akatjöda yöka̧linaduwökiji̧? Ja̧ laebi̧ma bidö tjemunö badekwachobe— jö̧ba̧lö atadinobe Jesúsma.

Lucas 22:42

—Chabe'do, inesö usula chemawakwa̧ma usula chemawökönö baledobö ji̧tjö̧ma, usula chemawökönö ja̧bitjö, jo̧kwaijayonö ötjö chösödi̧danömaökö chabe'do, ökwöda kwösödi̧danö ja̧bi— jö̧ba̧lö.

Lucas 23:34

Jejenö bȩtjiökwe, Jesúsma Diosnö aebinobe: —Chabe'do, bidö ötjönö bȩtji̧ omukwatökönö kwösödodönö, ja̧tji̧ma wajwibö sulabenö ja̧tjobetjö̧— jö̧ba̧lö. Ja̧danö, Jesúsnö towisa'onö bȩbajadö, guardia jojodöma inawiya pjei̧ öwiya ikwawö alewö ja̧tjinobe, Jesús ökamijido̧ ti emojobö jö̧ba̧lö tjalewinobe.

Juan 11:41

Ikenama inabama pjolatö tjujuninobe. Jemi ikenama Jesúsma mölejȩbekwö edö aebinobe Diosnö: —Chabe'do, ökwönö yöta̧la. Otiwanö a̧ja̧kwö pjakatajabe— aebinobe—.

Juan 12:27

Ina yöawinobe: —¡Ayö, cho̧'wo̧ tjo̧tekwa!— yöawinobe—. ¿Dakwö atebenada Chabe'donöma? Chabe'do babema pjabatitjö usula chemawinö baledökönö, jö̧ba̧lö, ¿atebenaji̧? Jejenömaökö. Biya̧ usula chemawobö chichijatö böjȩkwö— yöawinobe Jesúsma.

Juan 12:28

Ikena abe'do Diosnö aebinobe: —Chabe'do ökwö jwiinö kwotiwi̧ma jojodönö i̧sekwi, ökwönö tjösödobö— aebinobe Jesúsma iteda Abe'donö. Jemi ikenama iwene ökwöinobe mölejȩbetjö, Dios jö̧a̧li̧ma: —Ida̧ökö, ötjö jwiinö chotiwi̧ma chi̧sekwijatö. Yemidanöbi chi̧sekwocha— jö̧ba̧lö.

Hechos 17:24

Jo̧bama böjȩbi, böjȩnö ju̧kwadönöbi otidina. Ja̧danö, böjȩ okobe jwiinö ju̧kwi̧ma otidina jo̧bama. Mölejȩbi, mölejȩnö ju̧kwadöbi böjȩbi, böjȩnö ju̧kwadöbi tjuluwo̧. Ja̧danö, tjuluwo̧obetjö̧ jojodö tjotidineju, jo̧banö tjo̧'wo̧ wana̧lakwaweju okwa jö̧kö̧ jo̧bama.

1 Corintios 2:10

Jo̧kwaijayonö ökwödö Jesúsnö ösödadöma ja̧ jawa döwaisobe chömöledö, Diosma iteda O̧'wo̧ Luwo̧nötjö ja̧ jojodö wajwitjina jawa ökwödönö öba̧ja̧dinobetjö̧. Jau chömöledö, wanedö yötawa: Dios O̧'wo̧ Luwo̧ma okobe jwiinö isakwö edo̧ ichejekwa, ja̧danö Dios omukwati̧ jawabi isakwö edo̧ ichejekwa, ja̧bi öwaiso jö̧ba̧lö.

2 Corintios 3:14

Jobadö Israel jojodönö kwöwaisaduwa chömöledö, Moisésma otiwanö Dios wei̧ jobadönö yöawijayonö, jwaikwöda sulabenö tjomukwatinobe, ¿jö̧tö? Jau chömöledö, baikwö wanedö yötawa: Moisés umuchekwinado̧ma jobadönö tjöekwado̧danö baibinobe ichejekwa, Moisés iwȩyudina tjedenama jweinö tjomukwatinokobetjö̧. Jau chömöledö, babebi ja̧ muchekwado̧ma Israel jojodö tjomukwati̧ tjöekwado̧danö ichejekwa, jweinö tjomukwatökönö, ja̧danö sule bakwo̧ Cristonö ösödenada, ja̧ tjöekwado̧ kalekwö loobedanö jo̧be.

1 Samuel 2:18

Samuelma, ina tjemu bo̧, Dios öba a'otjö otidö ö̧jinobe, tjö'da̧de pjabatadö 'dutjawi̧danö pjewö̧ka̧do̧ linotjö otikwa̧do̧ otiwa̧do 'dubawö.