Mateo 11:17 - Dios Iwene

¹⁷ Pjiesta jawa musica dasabenama, ¿tajawedö baile döböködöja? Ja̧danö, ö'wö babibadönö o̧tjawa musica dasabenama, ¿tajawedö budekwöködöja? jö̧ba̧lö tjo̧'wo̧ sulinö yötja̧lobe.

Mateo 11:17 Iomraidhean Croise

Génesis 50:10

'Ya̧jadöma, Jordán ojwe ö'öbö, Atad mikwena, trigo ochiju tjebö lödö kwakwawena ichibijadötö. Jena ja̧nö labinö budekwabinö ji̧jadötö, Jacobnö omukwatö. Siete möle baledibanö budekwabijadötö.

1 Reyes 1:40

Ja̧danö, jobetjö tjebachajö, la'aka luwo̧ ejube ȩwa̧bijenama, okobe deinö jojodöma Salomon ökömanö lutjinobe. Jwiinö tjo'wo ösöwachibanö flauta pjuböbi, labinö tjo̧'wo ösöwachibanö jwöbeba̧löbi tjetjachajinobe, isabenö labinö ökwöinö tjetjachajinobe, nijibi tjö̧awenanö baibanö.

Isaías 30:29

Jobekwö kwöpöjojodöduwinö ujuluwiawö̧, kwo̧'woduwi ösöwanö lo̧köbaduwakwedöja, yö̧te ba'ali kwujunaduwena kwo̧'wo ösöwanö lo̧köbaduwidanö. Ja̧danö flauta jawa pjutji̧ a̧ja̧kwö, tjo̧'wo ösöwachibanö Israel jojodö tjösödökwe Inawadanöbo̧ Isabenö Jo̧ Dios itea mösa'obe tjo'wo ösöwachibanö lo̧bö tji̧'yidanö, kwo̧'woduwi ösöwachibanö lo̧köbaduwakwedöja.

Mateo 11:16

Chömöledö, ¿dakwö wanedö yötawakwa̧jö babe ju̧kwadönöma? Baikwö wanedö yötawa chömöledö: Tjemu comunidad ö'wejetjö alewadöma tjömöledönö tjo̧'wo̧ sulinö yöba̧ladö:

Mateo 11:18

Babe möle ju̧kwadöbi ja̧danö, tjemu tjo̧'wo̧ sulinö tjöpöjödi̧danö öpöjödadö ötjönöbi, Juannöbi. Jau chömöledö Juan ichenama, kwökönö ö̧tö̧chö, ja̧danö ubasobu o̧'dobu owökönö ichinobe. Ja̧danö jejenö ja̧bö ö̧jijayonö jo̧banö öpöjödö wanedö yötja̧linobe, o̧'wo̧ luwo̧nö sulabo̧ ö̧jökwe jö̧ba̧lö.

Mateo 9:15

Jejenö atjebökwe, Jesúsma atadö wanedö yöawinobe: —Kwöwaisaduwa, tji̧lȩkwa̧munö emawa pjiesta tjujunenama, iteda ilekwonö emajo̧ ömöledöma jo̧bakwö pjiesta tjujunena. Ja̧danö, jejenö pjiesta tjujunenama o̧'wo̧ tjo̧achöma budekwöködö, ¿jö̧tö? Ötjöma ilekwonö emajo̧danö ichejekwo̧sa, ja̧danö jobadökwö chö̧jayi, o̧'wo̧ tjo̧achöma ö̧tö̧chö ja̧böködö chöba̧ja̧di̧ waisachadöma. Jo̧kwaijayonö ju'wi möle detakobe, ja̧danö detena baibenama jobadöbi o̧'wo̧ tjo̧achö tju̧kwa ö̧tö̧chö ja̧tjakwedö— jö̧ba̧lö atadinobe Jesúsma.

Mateo 9:23

Jesúsma ba̧nö tja̧ja̧kwa̧leju luwo̧ ejube ichibenama, jojodö labinö ökwöinö ja̧tjobe a̧ja̧kwinobe, ja̧danö flauta ötjabi̧ asabikwawa jawa asabidönö edinobe, jo̧ba itjiju ö'wö bajibaja̧ jawa asabidönö.

Lucas 15:25

Ja̧danö, ja̧ baledonö, itji̧ abönö pöema ina batjonö otidö ö̧jinobe, ja̧danö öjawo̧ ichibaja̧ wajwiinobe. Ja̧danö, otidö kabatibö ȩwa̧jenama, yöne ichibö musica ökwöobe a̧ja̧kwinobe, ja̧danö tjo̧'wo̧ ösöwanö baile dötjobe a̧ja̧kwinobe.

Lucas 23:27

Ja̧danö, Jesús ökömanö ba̧jekwadö jojodö tji̧'yinobe, ja̧danö jobadötjö ba̧jekwadö ya̧döma Jesús ökömanö 'ya̧nö o̧'wo̧ tjo̧achö tjubudekwinobe Jesúsnöma.

Lucas 7:32

Baikwö wanedö yötawa chömöledö: Tjemu comunidad ö'wejetjö alewadöma tjömöledönö tjo̧'wo̧ sulinö yöba̧ladö, Pjiesta jawa musica dasabenama, ¿tajawedö baile döböködöja? Ja̧danö, ö'wö babibadönö o̧tjawa musica dasabenama, ¿tajawedö budekwöködöja?, jö̧ba̧lö tjo̧'wo̧ sulinö yötja̧lobe.

Lucas 8:52

Jairo ejutjö ba̧jekwadö jojodö tjö̧jinobe, ja̧danö budekwabinö jwötjeba̧linobe, tjemu ö'wö bajibajabetjö̧. Jejenö budekwabinö jwötjeba̧liökwe, Jesúsma jobadönö yöa̧linobe: —Budekwökönaduwi tjemunöma, ö'wö babibökuju. Sule aba̧löda aba̧luju tjemuma— jö̧ba̧lö.