Mateo 11:16 - Dios Iwene

¹⁶ Chömöledö, ¿dakwö wanedö yötawakwa̧jö babe ju̧kwadönöma? Baikwö wanedö yötawa chömöledö: Tjemu comunidad ö'wejetjö alewadöma tjömöledönö tjo̧'wo̧ sulinö yöba̧ladö:

Mateo 11:16 Iomraidhean Croise

Mateo 11:15

Yötawi̧ma inesö mikwawi̧ chömöledö. Okobe deinö tja̧ja̧kwobö jo̧be.

Mateo 11:17

Pjiesta jawa musica dasabenama, ¿tajawedö baile döböködöja? Ja̧danö, ö'wö babibadönö o̧tjawa musica dasabenama, ¿tajawedö budekwöködöja? jö̧ba̧lö tjo̧'wo̧ sulinö yötja̧lobe.

Mateo 12:34

Ökwödö a̧ko̧'dö̧danöbedöbi ja̧danö, ökwödöma sulabedököbaduwobetjö̧, otiwa jawa yöka̧laduwobö jwibadöja, kwomajadeduwinö kwomukwataduwi̧ma, kwaaduwitjö laebobetjö̧.

Mateo 23:36

Isabenö yötawaduwakwö, okobe deinö jobadönö kwabö lötiökwe Dios lȩebakwa̧ma, babe möle ju̧kwadönö badekwachakobe— jö̧ba̧lö yöawinobe Jesúsma.

Mateo 23:7

Kwakwawa iyawejube kwetjachenama, jojodö otiwanö edö, ba̧ja̧dakwawa luwo̧ jö̧ba̧lö jojodö yötja̧lobö ösödadö.

Mateo 24:34

Isabenö yötawaduwakwö chömöledö, okobe jwiinö ökwödönö yötawaja̧ jawa isabenö baledakobe, babe möle jojodö okobe deinö wotjakwa̧ abönö.

Marcos 12:38

Jesúsma ina yöbawijetö: —Chömöledö, Moisés iwȩyudina ba̧ja̧dadönöma tjöbeba̧lakwawöjönö edö kwuju̧kwaduwo. Jobadöma, Mikwawadösa, jö̧ba̧lö, tjökamisi ödöi̧ o̧do̧ 'dubawibö tea iyawena kwetjachobö ösödadö jojodöma tjeda̧lobö, Ba̧ja̧dakwawa luwo̧ jö̧ba̧lö.

Marcos 4:30

Ja̧danö, Jesúsma jö̧ba̧lijetö: —Yemidanö yötawobö jö̧ta̧la, Dios La'aka Luwo̧ ö̧jena tjuju̧kwi̧ jawama. ¿Taji jawa ji̧danö wanekwachobeda Dios La'aka Luwo̧ ö̧jena tjuju̧kwi̧ma? Ju'wi jayenö wanedö yöawakwawa yötawaduwakwö. A̧ja̧kwaduwitjö:

Lucas 11:43

¡Isabenö usula kwemawaduwakwedöja ökwödö fariseo jojodöma! Ökwödöma ba̧nö tja̧ja̧kwa̧lejutjö luwedö tjö̧bena kwö̧baduwobö ösödadöja, ja̧danö kwakwawa iyawejube kwekachaduwenama, jojodö otiwanö edö, ba̧ja̧dakwawa luwo̧ jö̧ba̧lö jojodö ökwödönö yötja̧lobö ösödadöja.

Lucas 13:18

Jesúsma tupakwö yöawinobe jojodönö baikwö: —Chömöledö, kwedaduwemi ¿dakwö ichejekwobeda Dios la'aka luwo̧ ö̧jakwa̧ma? ¿Dakwö wanedö yötawakwajö, ichejekwi̧ jawama? Baikwö yötawaduwakwö chömöledö: