Mateo 11:1 - Dios Iwene

¹ Ja̧ jawa iteda öba̧ja̧di̧ waisachadönö yöbawajo̧, ja̧danö webajo̧, Jesúsma jobetjö labebö ba̧ja̧döbi yöbawöbi kwebachiainobe, ja̧ niji bakwameachibanö comunidadtenia.

Mateo 11:1 Iomraidhean Croise

Mateo 28:20

Ja̧danö, jobadö 'yabayedö chöba̧ja̧di̧ waisachadönö ba̧ja̧daduwi, okobe jwiinö ökwödönö wetinama, jobadöbi ja̧bö tjö̧jakobetjö̧. Ja̧danö chömöledö, isabenö ökwödökwö chö̧jakwo̧sa, böjȩ 'dö̧ibenanö kabatö— jö̧ba̧lö weinobe Jesúsma.

Mateo 4:23

Galilea niji bakwameachibanö kweachinobe Jesúsma. Judío jojodö ba̧nö tja̧ja̧kwa̧lejubiya tebachiabö öba̧ja̧dinobe, ja̧danö otiwa jawa wene yöbawö kweachinobe, Dios la'aka luwo̧ ö̧jakwa̧ jawa wenema, ja̧danö okobe jwiinö jojodö tjö'wöchi̧, ja̧danö tjime'dawi̧ otidö loinobe.

Mateo 7:28

Ja̧ jawa Jesús yöbawö kaatenama, jo̧banö a̧ja̧kwö ko̧ko̧kwadöma tjöbajale jalaka baibanö tjomukwatinobe, Ayö, bitema ¿dakwö yöbawo̧jö? jö̧ba̧lö.

Mateo 9:35

Jesúsma okobe jwiinö ja̧ niji bakwameachibanö kweachinobe, okobe jwiinö jobe comunidadtenia 'ya̧nö. Ba̧nö tja̧ja̧kwa̧lejutenia ba̧jadö, ja̧danö jelobetenia yöbawö kweachinobe, otiwa jawa wene Dios la'aka luwo̧ ö̧jakwa̧ jawa wene yöbawö, ja̧danö okobe jwiinö tjö'wöchi̧, ja̧danö usula tjemawi̧ otidö loinobe.

Marcos 6:12

Jejenö weawö̧ Jesús öba̧ja̧di̧ waisachadöma labebö jelobebi jelobebi du̧ju̧tajakwena yöbawö 'yi̧jadötö. Jelobe, jelobebi du̧ju̧tajakwena 'ya̧jadöma jojodönö yöbawiabijadötö: —Sulabenö tjomukwati̧ kabatibö balewachaduwi— jö̧ba̧lö.

Lucas 23:5

Yöawiawö̧, ajayitjö bajalekwönönö labinö yötja̧linobe: —Isabenö bitenö lȩkebobö jo̧be. Jojodönö sulabenö yöbawö Judea niji bakwameachibanö nöinö wene jwöbebo̧ bitema. Jo̧bama Galilea nijinö ja̧nö jamatö wene baibobö yöawinobe, ja̧danö babema baibi wene jwöebotö jö̧ba̧lö ichajabe, jo̧kwajabetjö̧ lȩkebobö jo̧be— jö̧ba̧lö yötja̧linobe.

Lucas 8:1

Jemi ikena ja'yubenö lekwajabetjö, Jesúsma jamatö yöbawö kweachinobe ja̧ niji bakwameachibanö. Okobe jwiinö ja̧ niji comunidadtenia techaiabö, otiwa jawa wene Dios la'aka luwo̧ ö̧jakwa̧ wene kwebachö yöawinobe. Jejenö yöbawö kweachonö, Jesús webawedö a̧li̧nösamutjö duju̧tajabedöma Jesúskwö kwetjachinobe,

Juan 15:10

Ötjöma Chabe'do wei̧da a̧ja̧kwö chö̧jobetjö̧ jo̧bakwö dötewinö ja̧nö ile nieba'wo okwada jo̧sa, jelobekwö 'yö̧könö. Ja̧danö ökwödöbi. Ötjö weti̧ a̧ja̧kwö kwö̧jaduwitjö̧ma ötjökwö dötewinö ja̧nö niteba'wo okwada kwö̧jaduwena— yöawinobe Jesúsma—.

Juan 15:14

Ina yöawinobe: —Ja̧danö, ökwödöma ötjö weti̧ ja̧bö kwö̧jaduwitjö̧ma ökwödönö ötabiwö̧ja, Chömöledöja, jö̧ba̧lö.

Hechos 1:2

Dios mölejȩbe kabekwajö ȩwa̧jobö ja̧inenanö kabatö chiwȩyudijatö. Ja̧danö, ja̧ mölema, Dios Jesús kaekwajinö ja̧ina mölema, Jesúsma mölejȩbe ȩwa̧jakwa̧ abönö, webijetö iteda yöawi̧ yötjawobö weinawö̧nö, iteda 'da̧batö ujuninawö̧nöma jo̧ba ȩwa̧jabe okobetjö ja̧bö tjuju̧kwakwa̧. Ja̧danö, Jesúsma, ja̧ weinama, Dios O̧'wo̧ Luwo̧ öba̧ja̧da̧lonö webijetö jobadönö.

Hechos 10:38

Ja̧danö, kwöwaisaduwa Diosma webijetö iteda O̧'wo̧ Luwo̧nö Jesús, Nazaretnö da̧peachinakwö ö̧jobö. Ujulubi iyijetö Diosma Jesúsnöma. Ja̧danö, Diosma Jesúskwö ö̧jobetjö̧, Jesúsma okobe jwiinö i̧'yobema otiwanö pjabatö 'yi̧jetö. Otiwanö otidiabijetö okobe deinö Awetja sulabenö ja̧inawö̧nöma, Diosma jo̧bakwö ö̧jobetjö̧.

Hechos 10:42

Ja̧danö, jo̧bama weijatö ökwödönöma jojodönö yödawobö Dios jawa otiwa wenema. Ja̧danö, ju'wibi yödawobö weijatö Jesúsma ökwödönöma. Diosma Jesúsnöda webijetö, ju'wi möle jojodö wobajadöbi, ina 'yaba̧ladöbi tjö̧ji̧ma otiwojobö, sulojobö, jö̧ba̧lö, yöawobö. Ja̧ wenebi yödawobö weijatö Jesúsma ökwödönöma.

1 Tesalonicenses 4:2

Kwöwaisaduwa chömöledö, Duluwo̧ Jesús iminö ökwödönö döba̧ja̧dinama.

2 Tesalonicenses 3:10

Jau chömöledö, ina ökwödökwö dö̧jayi, baikwö yödawijatö: Bakwo̧ otidobö öpöjöditjö̧ma, ukwoko jo̧bama, jö̧ba̧lö.

2 Tesalonicenses 3:6

Chömöledö, ökwödö Jesúsnö ösödadötjö ju'wedö tjuju̧kwobe, döba̧ja̧dina a̧ja̧kwökönö 'dö̧wekwachibö ju̧kwadöma. Duluwo̧ Jesucristo iminö wedaduwakwö, okobe deinö jejenö ja̧bö ju̧kwadö Jesúsnö ösödadötjö 'da̧bachibö kwö̧jaduwo jö̧ba̧lö.

1 Timoteo 6:14

wetakwö, wainö Dios ökwönö wei̧danö ja̧bö ja̧wi, ja̧danö okobe jwiinö ökwönö wetaja̧ma jwaikwöda ja̧bö ja̧wi, Duluwo̧ Jesucristo yemidanö öwawachenanö kabatö.