Mateo 10:36 - Dios Iwene

³⁶ Jau chömöledö, ökwödö ötjönö ösödadö inesö kwöpöjojodö tjö̧jakwedöma, ökwödö yöne kwömöledöduwitjö ötjönö öpöjödadöda.

Mateo 10:36 Iomraidhean Croise

Génesis 3:15

Ja̧danö, ökwöma isuju jöpöjojo kwö̧jakwo̧ja. Ja̧danö, isujuma kwöpöjojosuju jö̧jakwuju. Ba̧kwelö̧jatebö wene ja̧kobe ökwötjö tupadanö ju̧kwadökwö, isujutjö tupadanö jojodökwö. Kwöpöjojodöda tjuju̧kwakwedö. Ja̧danö, isujutjö tupadanö jojodötjö bakwo̧ma kwuunö öja̧takwo̧ja. Ja̧danö, jo̧ba ökesayunö yö̧köbakwo̧ja— lȩbebö jö̧ba̧lijetö Isabenö Jo̧ Diosma a̧ko'danöma.

2 Samuel 16:11

—Ja̧danö tupakwö yöa̧linobe Davidma, Abisainöbi, ju'wedö ömöayedönöbi, —Omukwataduwi, ötjöda chitji̧ma, ötjönö kwabö loobö isakwo̧, ¿jö̧tö? Jo̧kwajabetjö̧, ötjöda yöne chömöledöso̧ chitji̧ ötjönö öpöjöditjö̧ma, bite chömöledöso̧bö̧kö̧, Benjaminsaso jojo, Saul ömöledöso̧ ötjönö öpöjödobö jwienaji̧? Jȩna, jo̧kwajabetjö̧ jo̧banö kwabö lobökönaduwi, wainö sulabenö yöba̧lo̧, Isabenö Jo̧ Diosda sulabenö yöa̧lobö weajena jö̧ba̧lö.

Isaías 19:2

—Ja̧danö, Egipto jojodö ju'wedö Egipto jojodökwö wene tjujuna̧lobö wetocha, ja̧danö idöda tjömöledökwö tjölakwabikwawakwedö, baikwö yöta̧la: Jojodö idöda yöne tjömöledökwö ölakwabikwawö tjö̧jakwedö, ja̧danö tjipjeanö jukwadökwö ölakwabikwawö tjö̧jakwedö. Ja̧danö ju'wi comunidad jojodöma, ju'wi comunidad jojodökwö ölakwabikwawö tjö̧jakwedö, ja̧danö Egipto jojodötjö bakwo̧ la'aka luwo̧ ömöayedöma, jelo̧ la'aka luwo̧ ömöayedökwö ölakwabikwawö tjö̧jakwedö.

Mateo 10:21

Jau chömöledö, ötjönö öpöjödadöma, yöne tjö̧ja̧wo̧döda ötjönö ösödadönöma iyö lotjakobe, kwabö lotjobö, ja̧danö ju'wedöma idöda tji̧tji̧munö iyö lotjakobe, ja̧danö ju'wedöma tjabe'dodönö öpöjödö iyö lotjakobe, tjabe'dodönö kwabö lotjobö, ötjönö tjösödobetjö̧.

Juan 13:8

—Chuluwo̧, la'akatjöda kwidichökakobe chömasapama—jö̧a̧liökwe: —Simón Pedro, kwömasapa chidichökötjö̧ma chömöayo̧bö̧kö̧ kwö̧jena—jö̧a̧liökwe:

1 Samuel 17:28

David jojodönö yöa̧lemi, David öpöe Eliabma a̧ja̧kwinobe, ja̧danö a̧ja̧kwö, Davidnö ölabinobe, ja̧danö Davidnö yöa̧linobe: —Tajawedö baikwö kwichaja̧da? Obejadö ja'yubeda kwajwimunö kwiteada̧lo̧ jö̧ka̧lijayonö, jobadönö le'dedibö kwichaji̧? Ökwönö chöwaisökweja, chöjawo̧, otiwo̧sa jö̧ba̧lö kwomukwati̧ma, ja̧danö kwomajadenö sulabenö kwomukwati̧ma. Ökwöma sule ölakwabikwawö kwakwatjakwawi̧ kwedotö jö̧ba̧lö baikwö sulabenö ichajo̧ja, —jö̧ba̧lö yöa̧linobe Eliabma, öjawo̧ Davidnö.