Mateo 10:2 - Dios Iwene

² Jobadö a̧li̧nösamutjö du̧ju̧tajabedö Jesús öba̧ja̧di̧ waisachadöma, tjimibiya baikwö laebobe: Abönö Simón, ju'wi imi Pedrobi, Pedro öjawo̧ Andrésbi. Ja̧danö Zebedeo i̧tji̧mu Jacobobi, ja̧danö Jacobo öjawo̧ Juanbi.

Mateo 10:2 Iomraidhean Croise

Mateo 17:1

Jemi ikenama, jelemutjö bakwöta möle baledibajenama, Jesúsma Pedronöbi, Jacobonöbi, Jacobo öjawo̧ Juannöbi öbibö, mö'ösa'o möa'o önöchinobe jobadökwöda.

Mateo 20:20

Ikenama, Zebedeo ilekwoma, ji̧tji̧mu Jacobonöbi, Juannöbi öbibö Jesús öba a'o ichibö, bȩbachibö Jesúsnö ajebobö jö̧ja̧linobe.

Mateo 26:37

Ikenama, Pedronöbi, Zebedeo i̧tji̧mu Jacobonöbi, Juannöbi öbibö tupakwö i̧'yinobe. Ja̧danö, jobe ja̧nö, o̧'wo̧ tjo̧achö jwiinö o̧'wo̧ tjo̧achinobe Jesúsma,

Mateo 4:18

Jesús o̧pesobu Galilea mikwobu ö'öbönö kweachemi, ömadö du̧ju̧taja ba̧i̧ jwobadönö edinobe, Simón ju'wi imi Pedro mikwo̧nöbi, öjawo̧ Andrés mikwo̧nöbi. Jobadöma maya jwobö tjotidinobe, ja̧danö maya jwotjobe edinobe.

Mateo 4:21

Jemi tupakwö kwebachö, ju'wedö ömadö du̧ju̧tajanö edinobe, Zebedeo i̧tji̧mu Jacobo mikwo̧nöbi, Juan mikwo̧nöbi. Tjabe'dokwö isowinö la̧nö, maya di̧'yadönö edinobe. Jobadönöbi jwöinobe,

Marcos 1:29

Ikenama, judío jojodö ba̧nö tja̧ja̧kwa̧lejutjö latjebajena, Simón, Andrés tjejube öbibö ȩwa̧jijadötö, Jesúsnö, Jacobonö, Juannöma. Ichibö tebachijadötö.

Marcos 13:3

Jemi tupakwö Jesúsma, iteda öba̧ja̧di̧ waisachadökwö 'yi̧jetö Olivo mikwa'o mö'ösa'obe, Dios eju badeibö jemima. Jesúsma jobe ö̧bonö Pedro, Jacobo, Juan, Andrés, jobadöda babibö, abebö a̧ja̧kwijadötö Jesúsnöma:

Marcos 6:30

Ja̧danö, ju'wi möle, Jesús yöbawö tji̧'yobö weinawö̧ma, ȩwa̧jijadötö. Ȩwa̧jadö yöbawijadötö Jesúsnö okobe jwiinö tjotidinabi, yötjawinabi.

Lucas 11:49

Jo̧kwajabetjö̧ Diosma itedada waisanö omukwatö yöa̧linobe: Yötawi̧ yöbawadönöbi, chömöayedö ötjö webawedönöbi wetocha, ja̧danö jobadötjö ju'wedönö kwabö lotjakobe, ja̧danö ju'wedönö usula tjemawinö ja̧tjakobe, jö̧ba̧lö. Jejenö omukwatö ujuninobe Diosma, iteda ömöayedö ökwödö babe möle ju̧kwadönö yötjawobö, ja̧danö jobadönö kwabö loköbaduwakobe. Jejenö kwabö loköbaduwiökwe, isabenö Dios lȩebakwawö̧ja. Jau isabenö Dios lȩebakwawö̧ja, kwa'dödö ja̧tjinadanö ja̧köbaduwiökwe okobe deinö Dios yöawi̧ yöbawadönö kwabö lotjiökwe Dios lȩebakwa̧ma ökwödö babe möle ju̧kwadönö badekwachakobe,

Lucas 22:14

Ja̧danö, tjukwakwa̧ hora baibenama, Jesúsma iteda webawedökwö mesasötenö tjöbamatinobe.

Lucas 22:8

Jo̧kwajabetjö̧, Jesúsma Pedronöbi Juannöbi weinobe: —'Ya̧nö kwotidaduwo makö yö̧te Dios mö öbaledina omukwatö dukwakwa̧ma, makö bakobe ba̧nö dukwakobetjö̧— jö̧ba̧lö.

Lucas 9:10

Jesús weinadanö, iteda webawedö a̧li̧nösamutjö du̧ju̧tajabedöma yöbawö kwetjachinobe, ja̧danö kwebachö kabatajadö, ȩwa̧jö Jesúsnö yötjawinobe okobe jwiinö tjotidina wenema. Ja̧danö, jobadönö öbibö, jojodötjö 'da̧bachibö 'ya̧nö, Betsaida comunidad jo̧bekwö i̧'yinobe, jobe jobadökwöda ö̧jobö.

Juan 12:22

Felipema Andrésnö yöbawö i̧'yinobe. Ja̧danö, Andrésnö yöbawajo̧ jobadö du̧ju̧taja, Felipekwö, Andréskwö Jesús ö̧jobekwö 'ya̧wibö yötjawinobe Jesúsnö, Judío jojodöböködöma ökwönö yötja̧lakwawobö tjösöda, jö̧ba̧lö.

Juan 13:23

Ja̧danö, jobadötjö bakwo̧, Jesús ile niebökwema, Jesús ipjeanö ö̧binobe.

Juan 20:2

Jejenö jo̧be edö ö'öjajinobe Simón Pedro, jelo̧, Jesús ile niebökwe öba̧ja̧di̧ waisacho̧ tjö̧jobekwö, jobadönö yöjawobö. Jobadönö yöjawinobe: —Duluwo̧nö jelobe tje'ewinobe. Wajwidobe— yöjawinobe.

Juan 21:2

Jesús öba̧ja̧di̧ waisachadötjö ju'wedöma jobe, Tiberias tjolanö tjö̧jinobe. Jobadöma bidö: Simón Pedro, Tomás, Morocho ötjabökwe, Galilea niji Caná comunidad jojo Natanael mikwo̧, Zebedeo itji̧mu du̧ju̧taja, ju'wedö öba̧ja̧di̧ waisachadö du̧ju̧taja jobe tjö̧jinobe.

Juan 21:20

Ikenama Pedro jalachibö edinobe jelo̧ ömöayo̧nö, Jesús ile niebökwenö. Jo̧bama Jesús öbube'onö waneba̧lö bi̧abina, bakobe kwanö tjö̧bajena. Jo̧bama Jesúsnö abebö a̧ja̧kwina, Chuluwo̧ ¿tida ökwönö iyö loakwo̧ma? jö̧ba̧lö.

Juan 21:24

Chömöledö, ötjö, Juan, yötawaduwakwö: Ötjödasa Jesús öba̧ja̧di̧ waisacho̧ma, Jesús Pedronö jö̧a̧linökwe. Okobe jwiinö biya̧ yöbawö chiwȩyudi̧ma edöbi chedijatö. A̧ja̧kwöbi cha̧ja̧kwijatö. Ja̧danö, biya̧ chiwȩyudi̧ma jweinö yöbawö chiwȩyuda.

Juan 6:67

Ikenama Jesús yöawinobe iteda öba̧ja̧di̧ waisachadönö, a̧li̧nösamutjö̧ du̧ju̧tajanö: —¿Ökwödöja? Ökwödöbi ötjönö kabatibö kwȩwa̧jaduwiji̧?— abebö a̧ja̧kwiawö̧ jobadötjö bakwo̧, Simón Pedro:

Juan 6:70

Ja̧danö Jesúsma jö̧a̧linobe jobadönö: —Ökwödö a̧li̧nösamutjö du̧ju̧tajanö 'da̧batö chujunijatö. Jo̧kwaijayonö, ökwödötjö bakwo̧ Awetja ömöayo̧— jö̧a̧linobe Jesúsma.

Juan 6:71

Jejenö jö̧a̧lena, öba̧ja̧di̧ waisachadö a̧li̧nösamutjö du̧ju̧tajatnötjö bakwo̧, Simón Iscariote itji̧ Judasnö yöa̧linobe, Jesúsnö iyö loakwo̧nöma.

Juan 6:8

Ja̧danö, Jesús öba̧ja̧di̧ waisachadötjö jelo̧, Simón Pedro öjawo̧ Andrésma, jö̧a̧linobe Jesúsnö:

Hechos 1:13

Ikenama Jerusalénnö ichibö jobadö tjabeju mösȩko̧nö, idöda tjabȩko̧nö tebachijadötö. Jobadöma bidö: Pedro, Juan, Jacobo, Andrés, Felipe, Tomás, Bartolomé, Mateo, Alfeo itji̧ Jacobo mikwo̧, Simón, jo̧bama romano jojodönö öpöjödo̧, Jacobo itji̧ Judas mikwo̧.

Hechos 1:26

Ikenama José Barsabás, Matías tjimitjö emö tjalewinobe tjöwaisobö, jojodö tjöwaisobö alewö ja̧bajiadanö. Jejenö alewajadö emijadötö Matíasnö, Judas otidinanöma balekwo̧ baibanö. Ja̧danö, jo̧bakwöma Jesús webawedöma a̧li̧nösamutjö du̧ju̧tajanö ju̧kwijadötö.

Hechos 12:2

Jobadötjö bakwo̧nö, Juan öjawo̧ Jacobo mikwo̧nö, jo̧ba uu bulatö lotjobö webijetö. Jejenö weawö̧ma Jacobonö uu bulatö lobijadötö.

Hechos 3:1

Ju'wi möle, Pedro, Juan, Dios ejube 'yi̧jadötö jojodö Diosnö abebö tebachajitjena.

1 Corintios 15:7

Ja̧danö, ikenama Jacobonö öwawachinobe, ikenama okobe deinö Jesús webawedönö öwawachinobe.

Efesios 4:11

Chömöledö, jo̧bama, mölejȩbe kabekwajinama, damötjö Dios iwenenö iwȩyudinökwe. Jo̧ba iwȩyudinökwe iyabinadanö, otiwa jawa iyabijetö. ¿Dakwö yöawobeda, otiwa jawa iyabijetö, jö̧ba̧löma? Biya̧ chömöledö: Cristoma jo̧banö ösödadönöma bakwo̧nökwena wainökwena jelo̧nö ju'wi, jelo̧nö ju'wi, tjo̧'wo̧ luwo̧ jawa tjotidawakwena iyabinobe, jojodönö pjabatö, Dios wei̧ tjotidobö. Jo̧banö ösödadötjö ju'wedönöma 'da̧batö ujuninobe iteda weawö̧ batjibinö ja̧bö. Ja̧danö, ju'wedönö 'da̧batö ujuninobe Dios iwene yötjawobö Jesúsnö ösödadönö. Ja̧danö, ju'wedönö ji̧bakwawa wene yötjawobö 'da̧batö ujuninobe. Ja̧danö, ju'wedönö Jesúsnö ösödadönö tjite'ada̧loböbi, tjöba̧ja̧doböbi 'da̧batö ujuninobe Cristoma.

Hebreos 3:1

Isabenö, Jesúsma jwaikwöda i̧'yinobe Dios wei̧ a̧ja̧kwö. Jo̧kwaobetjö̧ chö̧ja̧wo̧dö, ökwödönö, Dios mölejȩbe kwö̧jaduwobö 'da̧batö ujuninawö̧nöma yötawaduwakwö. Dios Itji̧ Jesúsnö omukwata̧lö kwö̧jaduwo. Omukwataduwi. Jo̧ba Jesús yödawökweda, Bitema dö̧jibinö pjabato̧, jö̧ba̧lö. Chömöledö, Jesús, Dios yöawi̧ yöawobö weinökwema Diostjö jojodötjö ö'weje la'aka pjabato̧ baibanö jo̧. Jo̧banö omukwata̧lö kwö̧jaduwo chömöledö.

1 Pedro 1:1

Dokwa chömöledö, ötjöma Jesucristo webawo̧ Pedro mikwo̧sa. Ötjöma böja kwialusöja wȩyudö wetaduwakwö, ökwödö Dios omudawö ujuninawö̧ mölejȩ jojodönö. Jau chömöledö, ina böjȩnö kwö̧jaduwijayonö, mölejȩ jojodöja. Ja̧danö ökwödö jelobetenia ju̧kwadönö chiwȩyudobe, Ponto nijinö ju̧kwadönöbi, Galacia nijinö ju̧kwadönöbi, Capadocia nijinö ju̧kwadönöbi, Asia nijinö ju̧kwadönöbi, Bitinia nijinö ju̧kwadönöbi.

2 Pedro 1:1

Dokwa chömöledö, Ötjöma Simón Pedrosa, ja̧danö Jesucristo webawo̧sa, ja̧danö ju'wibi jo̧ba ömöayo̧sa. Ötjöma böja kwialusöja wȩyudö wetaduwakwö, ökwödö Cristonö chösödi̧danö bakwainö ösödadönö. Jau chömöledö, dö̧jibinö pjabato̧ Dios Jesucristoma bakweminö jojodönö edo̧obetjö̧, ötjönö pjaatinadanö ökwödönöbi pjaatinobe, Cristonö chösödi̧danö ökwödöbi bakwainö kwösödaduwobö. Ja̧danö, ökwödö bakwainö ösödadönö böja kwialusöja wȩyudö wetaduwakwö.

2 Juan 1:1

Jesústjö chö̧ja̧wo̧dö dokwa. Ötjöma Jesúsnö ösödadö tjuluwo̧sa, ja̧danö te'ada̧lakwawa jojosa. Ja̧danö, böjanö wȩyudö yötawa ökwödö Jesúsnö ösödadö ko̧ko̧kwa̧ladönö, Dios omudawö ujuninawö̧nöma. Ja̧danö, chö̧ja̧wo̧dö yötawaduwakwö. Ökwödönö ile nibebo̧sa bakwainö Dios yöawi̧, isabenö ji̧ iwenema dösödobetjö̧. Ja̧danö chö̧ja̧wo̧dö ötjödamaökö, okobe deinö Dios isabenö ji̧ yöawi̧ ösödadöma ökwödönö ile nitjebobe.

3 Juan 1:1

Gayo dokwa. Ötjöma Jesúsnö ösödadö tjuluwo̧sa. Ja̧danö, te'ada̧lakwawa jojosa. Ja̧danö, böja kwialusöjama ökwönö chiwȩyuda Gayo, Jesústjö chöjawo̧ chösödökwenöma. Gayo, ökwönö ile nibebo̧sa bakwainö Dios yöawi̧, isabenö ji̧ iwenema dösödobetjö̧.

Apocalipsis 1:1

Ötjöma Juan mikwo̧sa. Jesucristo ömöayo̧sa. Böja kwialusöja chiwȩyudi̧ma Jesucristo i̧sebi̧ jawa, lekwokobe baledakwa̧ma. Ja̧danö, Diosma ajayima ja̧ lekwokobe baledakwa̧ma Jesucristonö i̧sebijetö. Diosma Jesucristonö webijetö iteda ömöayedönö i̧sebobö, ja̧ baledakwa̧ i̧sebi̧ma. Ja̧danö, Jesucristoma webijetö ángelnöma ötjönö i̧sebobö.

Apocalipsis 1:9

Chömöledö, ötjöma ökwödö kwömöledöduwiso̧sa. Ökwödöma bakweminö Jesúskwö dötewinö babibinadösa. Ja̧danö, Jesúsnö dösödobetjö̧ ökwödönöbi, ja̧danö, ötjönöbi inia tjödinö baledobe. Ja̧danö, ju'winö, bakweminö Jesúskwö dö̧jakwedösa, iteda La'aka Luwo̧ ö̧jakwa̧ möle baledena. Ja̧danö, ökwödöma ja̧ möle baledakwa̧ bakweminö te'ada̧ladösa, Jesús La'aka Luwo̧ ö̧jakwa̧ möle baledakwa̧ma. Ja̧danö, labi̧ jawa baledenabi, do̧'wo̧ 'dibachibö ja̧nö ju̧kwadösa, bakweminö. Ja̧danö, chömöledö, ökwödönö yötawobö jö̧ta̧la ötjönö baledina, kwöwaisaduwobö. Ötjöma, Dios iwenebi, Jesús ö̧jina wenebi yötawobetjö̧ ötjönö do̧batö, e'ewö lotjijatö bi'o o'wejesa'onö, Patmos mikwa'onö le'dedö. Jau, le'dedö lotjinökwesa ötjöma, bi'onöda chö̧jobö.

Apocalipsis 18:20

Ja̧danö chömöledö, ötjöma mölejȩbe ju̧kwadönö yöta̧lijatö, Kwo̧'wo̧duwi ösöwanö ja̧duwi, jö̧ba̧lö. Ja̧danö, ökwödö Dios ömöledö babibinadönöbi, Jesús webawedönöbi, Dios yöawi̧ yöbawinadönöbi, Kwo̧'wo̧duwi ösöwanö ja̧duwi, jö̧ba̧lö, yöta̧lijatö. Diosma ökwödönö inia tjököbaduwinö ja̧bujunö, balekwa mikwa iyö lȩebajobetjö̧, kwo̧'wo̧duwi ösöwanö ja̧duwi, jö̧ba̧lö yöta̧lijatö jobadönöma.

Apocalipsis 22:8

Chömöledö ötjöma Juansa. A̧ja̧kwaduwitjö. Okobe jwiinö biya̧ chiwȩyudi̧ma a̧ja̧kwöbi cha̧ja̧kwijatö. Edöbi chedijatö. Ja̧danö, ötjöma okobe jwiinö a̧ja̧kwöbi edöbi cha̧ja̧kwaja̧ ikenama, chu̧yu̧ju̧ki̧junö bamatö bȩtachibijatö ötjönö okobe jwiinö i̧sebo̧ ángel öba a'o, jo̧banö ösödö.