Mateo 10:13 - Dios Iwene

¹³ Ja̧danö, jeju ju̧kwadö isabenö otiwadö tjö̧jitjö̧ma, Dios jejunö ju̧kwadönö pjaato jö̧ba̧lö, jobe ja̧duwi. Jo̧kwaijayonö sulabedö tjö̧jitjö̧ma, jejutjö lakebaduwo, Dios jejunö ju̧kwadönö pjaatoko jö̧ba̧lö.

Mateo 10:13 Iomraidhean Croise

Mateo 10:12

Jeju tekachaduwenama, Dios jejunö ju̧kwadönö pjaato jö̧ba̧lö tekachaduwo.

Mateo 10:14

Jau chömöledö, jelejunö ju̧kwadöbi, ju'wi comunidad jojodöbi kwichaduwobö tjöpöjöditjö̧ma, ja̧danö yökawaduwi̧ tja̧ja̧kwobö tjöpöjöditjö̧ma, jobe nijiso̧pja kwömasapatjö kwupjusawaduwo, bemi jojodönö pjadatobö jö̧da̧lijayonö, sulabenö öpöjödadö, jö̧ba̧lö.

Lucas 10:6

Ja̧danö, jejunö dösölö̧jinö ja̧bö jo̧ ö̧jitjö̧ma, Diosma isabenö jejunö ju̧kwadönö pjaatakobe. Jau chömöledö, jejunö dösölö̧jinö ja̧bö jo̧ ö̧jitjö̧ma, Diosma isabenö jobadönö pjaatakobe, jo̧kwaijayonö dösölö̧jinö ja̧bö jö̧ködöda jejunö tjö̧jitjö̧ma jobadönö pjaatökakobe Diosma.

2 Corintios 2:16

Ja̧danö, Dios lȩebakwawö̧ 'dö̧tjatemima, woinö omewi̧danö 'dö̧ekwi̧, ja̧danö yödawi̧ tjöpöjödobe. Jo̧kwaijayonö tjö̧jibakwedönöma wainö 'dö̧ekwi̧nö jo̧be, ja̧kwawa söinö omewi̧danö 'dö̧ekwi̧, ja̧danö yödawi̧ tjösödobe. Ja̧ otikwama waiya chömöledö, ¿dakwö otiwanö dotidoböjö?