Mateo 10:1 - Dios Iwene

¹ Jesúsma iteda öba̧ja̧di̧ waisachadö a̧li̧nösamutjö du̧ju̧tajabedönö jwöinobe tjichobö, ja̧danö ko̧ko̧kwajadönö ujulu iyinobe, tjo̧'wo̧ luwo̧nö sulabedönö a'dewö lotjobö, ja̧danö okobe jwiinö jojodö tjö'wöchi̧ ja̧danö usula tjemawi̧ otidö lotjobö.

Mateo 10:1 Iomraidhean Croise

Mateo 19:28

Aebökwe, Jesúsma atadinobe: —Isabenö yötawaduwakwö chömöledö, okobe jwiinö 'yayinö Dios otidena, ja̧danö ötjö jojo baibanö jeminökwe salöinö dewaka teakanö, inesö la'aka luwo̧ iteakanö chö̧wenama, ökwödö chökömanö lubibajadöbi a̧li̧nösamutjö dökalatajanö kwö̧waduwakobe, Israel jojodötjö a̧li̧nösamutjö du̧ju̧tajasaso jojodö tjuluwedö bakibaduwanö.

Mateo 26:20

Yö̧te baibenama, Jesúsma iteda webawedö a̧li̧nösamutjö du̧ju̧tajabedökwö tjukwobö tjöbamatinobe,

Mateo 26:47

Jesús ina yöa̧lonö, Jesús a̧li̧nösamutjö du̧ju̧taja öba̧ja̧di̧ waisachadötjö jojo Judas mikwo̧ma ichibinobe, ba̧jekwadö jojodö kwölöte'iju do̧ba̧lakwadökwöbi, ö̧'iya do̧ba̧lakwadökwöbi. Jobadöma Diostjö jojodötjö ö'weje pjabatadötjö la'aka luwedö tjömöayedöbi ja̧danö jojodötjö damö tjömöayedöbi Judaskwö tjichinobe.

Mateo 4:23

Galilea niji bakwameachibanö kweachinobe Jesúsma. Judío jojodö ba̧nö tja̧ja̧kwa̧lejubiya tebachiabö öba̧ja̧dinobe, ja̧danö otiwa jawa wene yöbawö kweachinobe, Dios la'aka luwo̧ ö̧jakwa̧ jawa wenema, ja̧danö okobe jwiinö jojodö tjö'wöchi̧, ja̧danö tjime'dawi̧ otidö loinobe.

Mateo 6:13

Ja̧danö, sulabenö ja̧dakwojobö jö̧ba̧lö ja̧i̧ jawa döbaledenama, dujuluwachibanö pjabati, sulabenö ja̧dapji jö̧ba̧lö. Ja̧danö inesö sulabo̧ ujulutjö dö̧jibinö pjabati, Dabe'do jö̧ba̧lö akebaduwo Kwabe'doduwi Diosnöma— jö̧ba̧lö yöawinobe Jesúsma.

Mateo 9:35

Jesúsma okobe jwiinö ja̧ niji bakwameachibanö kweachinobe, okobe jwiinö jobe comunidadtenia 'ya̧nö. Ba̧nö tja̧ja̧kwa̧lejutenia ba̧jadö, ja̧danö jelobetenia yöbawö kweachinobe, otiwa jawa wene Dios la'aka luwo̧ ö̧jakwa̧ jawa wene yöbawö, ja̧danö okobe jwiinö tjö'wöchi̧, ja̧danö usula tjemawi̧ otidö loinobe.

Mateo 9:38

Jo̧kwajabetjö̧, ja̧ wa̧ji̧ emawa luwo̧ Diosnö akebaduwo, emö otidadönö weo jö̧ba̧lö— yöawinobe Jesúsma.

Lucas 10:19

Jau chömöledö isabenö otiwanö chujulu chiyajabe ökwödönö, sulabedönö kwujuluwaduwobö, ja̧danö jejenö chiyobetjö̧, wene jwiinö a̧ko̧'dö̧nö ja̧tadöja, ja̧danö itiyunö ja̧tadöja, ja̧danö inesö kwöpöjojobi ujuluwököwö̧ja. Jau chömöledö, ökwödönö chujulu chiyobetjö̧, bakwo̧bi ökwödönö suli̧ öwaedoböma deobe, ja̧danö jejenö ökwödönö chiyi̧ma isabenö otiwobe chömöledö.

Lucas 24:49

Ja̧danö chömöledö, Chabe'do yöbawö ujuninadanö Dios O̧'wo̧ Luwo̧nö ökwödönö tebachibö öjamatobö wetakobe. Jo̧kwajabetjö̧ jo̧banö wetenanö kabatö, Jerusalénnö ja̧nö Dios O̧'wo̧ Luwo̧ ichakwa̧ te'ada̧lö kwö̧jaduwo. Ja̧danö, Dios O̧'wo̧ Luwo̧ ökwödönö tebachibö öjamataja̧ ikena, Dios ujulu kwujuna̧laduwakwedöja, otiwanö kwedinaduwa jawa böjȩ bakwameachibanö yökawaduwakobetjö̧— jö̧ba̧lö yöawinobe Jesúsma.

Lucas 6:13

Yö̧te baledibanö abebajo̧, dewachena iteda öba̧ja̧di̧ waisachadönö jwöinobe, tjichobö, ja̧danö jobadötjö a̧li̧nösamutjö du̧ju̧tajabedönö omudawö ko̧ko̧dö ujuninobe, iteda webawedö batjibobö. Jobadöma bidö:

Juan 17:2

Chabe'do, ökwöma chujulu iyö böjȩ jojodönö webo̧ batibanö pjakatinobetjö̧, jejenö ateba, ötjö jwiinö chotiwi̧ma kwi̧sebo, jö̧ba̧lö. Chabe'do, ökwöma chujulu iyö pjakatobetjö̧ böjȩ jojodötjö kwiyinawö̧nö tjö̧jibinö pjatatobö jo̧be, ba̧kwȩlö̧jatebö ja̧kwawa tjujuna̧lobö.

Juan 3:27

Jejenö jö̧tja̧lökwe Juanma: —Ja̧ma otiwa. Chömöayedö, jo̧ba pjaatobö webo̧ma Diosda. Ja̧danö, Diosda jo̧banö pjabato̧.

Juan 3:35

Dabe'do Diosma jwiinö ile niebobe itji̧nö. Ja̧danö, jo̧banö pjaatobe, okobe jwiinö iyö—yöawinobe—.

Juan 6:70

Ja̧danö Jesúsma jö̧a̧linobe jobadönö: —Ökwödö a̧li̧nösamutjö du̧ju̧tajanö 'da̧batö chujunijatö. Jo̧kwaijayonö, ökwödötjö bakwo̧ Awetja ömöayo̧— jö̧a̧linobe Jesúsma.

Hechos 1:8

Jo̧kwaijayonö biya̧da, kwöwaisaduwobö yötawa. Ökwödöma Dios ujulu kwujuna̧laduwakobe, Dios O̧'wo̧ Luwo̧ ökwödö kwo̧'wo̧ luwo̧duwinö tebachibö öjamataja̧ ikena. Ja̧danö, ötjö yötawina wenema otiwanö yökawaduwakwedöja. Bemi Jerusalénnöbi, ju'wi okobe jwiinö Judea nijinöbi, Samaria nijinöbi yökawaduwakwedöja. Jelobe jelobebi böjȩ bakwameachibanö yökawaduwakwedöja— jö̧ba̧lijetö Jesúsma öba̧ja̧di̧ waisachadönöma.

Hechos 19:15

Jejenö wetjiökwe atadijetö: —Ökwödöma ¿didököbaduwa? Jesúsnö chöwaisökwe. Pablonöbi chöwaisökwe. Jo̧kwaijayonö ¿ökwödöja? Wajwitawö̧— atadijetö.

Apocalipsis 12:1

Ikenama ju'wi jwiinö juluwi̧ i̧sebi̧ma mölejȩnö öwawachobe chedijatö. Jobetjöma isujunö chedijatö. Jobujuma, kamijido̧ 'dutjawi̧danö möle ja̧wo̧ ö̧loko. Ja̧danö, jobujuma yö̧te ja̧wo̧nö ja̧ta̧lö bu̧ju. Ja̧danö, butjawaka, inesö la'aka luwedö tjubutjawi̧danö butjawuju. Jakanöma a̧li̧nösamutjö du̧ju̧tajanö si̧li̧'i̧dö tjö̧lajaka.