Mateo 1:25 - Dios Iwene

²⁵ Jo̧kwaijayonö, jobujunö emijayonö, jobujunö ja̧inokobe, jitji̧nö jemenanö kabatö. Ja̧danö, jitji̧nö jemenama, Joséma jo̧banö Jesús jö̧ba̧lö imidinobe.

Mateo 1:25 Iomraidhean Croise

2 Samuel 6:23

Ja̧danö, Saul itjiju Mical mikwujuma, ji̧tji̧mu debuju jö̧jinobe, ö'wö bajibenanö baibanö.

1 Reyes 1:4

Isabenö otiwuju jö̧jinobe Abisagma, ja̧danö David ömöayuju babibö, jo̧banö jiteada̧linobe. Jo̧kwaijayonö, ömöayujudanö ilekwo jö̧jijayonö, la'aka luwo̧ Davidma jobujunö ö̧jinokobe.

Éxodo 13:2

—Baikwö weta ökwödö Israel jojodönöma: Okobe deinö kwi̧tji̧mu̧duwi ömadötjö abönö damönö ötjönö, Isabenö Jo̧nö kabebö kwi̧sebaduwo, ökwö weköbi̧da otidobö 'da̧batö chujunökwe, jö̧ba̧lö. Ja̧danö, kwa̧jwi̧mu̧duwi ömadötjö abönö damönöbi ötjönöda iyawedö baibanö wainö kwujunaduwo— yöbawijetö Isabenö Jo̧ma Moisésnö, iteda wei̧ Israel jojodönöma.

Éxodo 22:29

Ju'wi jawabi weta: A̧'dȩlökönö kwiyaduwotjö kwöbatjoduwitjö jwiinö otiwi̧ jawa, 'döbö kwödaja̧duwi̧ trigo, ja̧danö ubasobu o'do̧bubi, ja̧danö olivasadetjö o̧tesobubi. Ja̧danö, ju'wibi: Okobe deinö kwi̧tji̧mu̧duwi ömadötjö abönö damönö mikwa jawa midö kwiyaduwo ötjönöma.

Mateo 1:21

Maríama jitji̧ iso̧nö jemakobe, ja̧danö jemakwo̧nö Jesús jö̧ba̧lö kwimidonö, iteda ömöledönö tjusulatjö tjö̧jibanö ja̧akwo̧obetjö̧— jö̧ba̧lö yöawinobe Dios weökwe ángelma.

Mateo 1:24

José wiluenama, Duluwo̧ weajökwe ángel yöawaja̧danö ja̧inobe, ja̧danö Maríanö eminobe, ilekwo bajibanö.

Lucas 1:31

Ökwöma isabenö metu'wo kwö̧jakwujuja, ja̧danö kwitji̧nö kwemakwujuja, ja̧danö emaju jo̧banö Jesús jö̧ba̧lö kwimidakobe.

Lucas 2:21

Jemi ikenama, jelemutjö wa̧pötakwa möle baledibajenama, tjemu ötade bajalesado̧ wibebö lotjobö baibinobe, Israel jojodö wibebö lobiatji̧danö. Ja̧danö, ötade bajalesado̧ wibebö lotjenama, Jesús jö̧ba̧lö imi tjimidinobe, ángel ajayinö weinadanö. Ina metu'wo jwijayi ángelma Maríanö weinobe, Jesús jö̧ba̧lö kwimidonö, jö̧ba̧lö, ja̧danö weinadanö Jesús jö̧ba̧lö imi tjimidinobe.

Lucas 2:7

Ja̧danö, abaweju ida̧ökö su̧'bȩ baibajiawö̧, jobe tetjachoböma jwiinobe. Jo̧kwajabetjö̧ jelobeda ajikwakwawedö tjeju okwada tetjachinobe, ja̧danö jobetjöda jitji̧nö abönö pöenö jeminobe, iso̧nö. Ja̧danö, jitji̧nö emajuma, iya̧nö tjemawö̧nö jwaekwa'wo sabana'wonö otiwanö jwajebinobe jitji̧nö, ja̧danö jwabebaju, pa̧ka̧yö̧ tju̧kwa meje'yesapjo okwa janinobe, jobe abobö.

Romanos 8:29

Jau chömöledö, Diosma la'akatjöda öwaisinobe jo̧banö tjösödakwedönöma, iteda ömöledö batjibakwedönöma. Ja̧danö, jejenö waisö, jobadönö 'da̧batö ujuninobe, iteda itji̧ Jesúsdanö ichejekwadö batjibo jö̧ba̧lö. Ja̧danö, weinobe, Jesúsda iteda i̧tji̧mutjö abönö pöe baibobö, ökwödö döpöe baibobö chömöledö.