Mateo 1:24 - Dios Iwene

²⁴ José wiluenama, Duluwo̧ weajökwe ángel yöawaja̧danö ja̧inobe, ja̧danö Maríanö eminobe, ilekwo bajibanö.

Mateo 1:24 Iomraidhean Croise

Génesis 6:22

Ja̧danö, Noéma okobe jwiinö Dios weaja̧danö a̧ja̧kwijetö, ja'yubebi ji̧bökönö.

Génesis 7:5

Ikenama, Noéma okobe jwiinö Isabenö Jo̧ weaja̧danö a̧ja̧kwijetö.

Éxodo 40:16

Ja̧danö, Moisésma okobe jwiinö Isabenö Jo̧ wei̧danö a̧ja̧kwinobe.

Éxodo 40:19

Ja̧danö, muchekwa o'wijubi, muchekwa i̧sȩdijubi mucheBijadötö Isabenö Jo̧ eju mönö, Isabenö Jo̧ Moisésnö tjumuchebobö weinadanö.

Éxodo 40:25

Ja̧danö, Isabenö Jo̧ öbajale a'otjö ja̧ka o̧'di̧ju̧ma wanijadötö, ja̧ka öjabiyadanö ji̧nö bajale, bakwöjakwena bajale bakwa'do̧, Isabenö Jo̧ Moisés weinadanö.

Éxodo 40:27

Jemi ikenama ja̧pjo wame Moisésma söinö 'dö̧ekwasa'bema wanö juwijetö, Isabenö Jo̧ weinadanö.

Éxodo 40:32

Isabenö Jo̧ eju tetjachakwa̧ abönöbi, ja̧danö juwö iyawapjo tjujuwobö tjichakwa̧ abönöbi. Isabenö Jo̧ Moisésnö weinadanö dichawijadötö.

Mateo 1:23

Yötawaduwakwö, ina iso̧nö ja̧bökujuma, metu'wo jö̧jakobe, ja̧danö jitji̧nö jemakobe, ja̧danö jo̧banö Emanuel jö̧ba̧lö ötjabikobe, Diosma ökwödökwö jo̧, jö̧ba̧lö laebobe Dios iwene.

Mateo 1:25

Jo̧kwaijayonö, jobujunö emijayonö, jobujunö ja̧inokobe, jitji̧nö jemenanö kabatö. Ja̧danö, jitji̧nö jemenama, Joséma jo̧banö Jesús jö̧ba̧lö imidinobe.

Juan 15:14

Ina yöawinobe: —Ja̧danö, ökwödöma ötjö weti̧ ja̧bö kwö̧jaduwitjö̧ma ökwödönö ötabiwö̧ja, Chömöledöja, jö̧ba̧lö.

Hechos 12:7

Ikenama Pedro jejenö abonö omönanö öwawachijetö Duluwo̧ weajökwe ángelma. Öwawachena dewinö dejatijetö Pedro ö̧bȩko̧ okwama. Jo̧ba ángelma Pedronö ometupanö 'dobö wiludijetö.

Hechos 5:19

Jo̧kwaijayonö yö̧te ja'ö Duluwo̧ weinökwe ángelma ka̧lena ba̧kwawejube öwawachibö apjude po̧bebö öbibö labebijetö Jesús webawedönöma. Ja̧danö, a̧petube öbibö labebajo̧ jö̧ba̧lijetö jobadönö: