Mateo 1:22 - Dios Iwene

²² Jejenö baledi̧ma baledinobe, Duluwo̧ yöawinadanö baledakobetjö̧. Dios yöawi̧ yöbawo̧ma ja̧ Duluwo̧ yöawina damötjö iwȩyudinobe, baikwö:

Mateo 1:22 Iomraidhean Croise

1 Reyes 8:15

Baikwö yöa̧linobe Salomonma: —Isabenö mikwawo̧ Isabenö Jo̧ israel jojodö dösödökwe Diosma, jo̧banö ösödö, –Otiwo̧ja, –jö̧ba̧lö dösödobö, isabenö chabe'do Davidminenö yöbawö ujuninadanö badekwachinö ja̧inobetjö̧.

1 Reyes 8:24

Ja̧danö, kwömöayo̧ chabe'domine Davidnö yöbawö kwujunina badekwachinö ja̧köbajabe chuluwo̧. Jau chuluwo̧, sule yöba̧lödamaökö, David itji̧ma kweju otidakwo̧ jö̧ba̧lö yöbawö kwujuninobe, jadanö ja̧ yöbawö kwujuninama, ökwöda kwujulunö babe möleda badekwachinö ja̧köbajabe chuluwo̧.

Mateo 12:17

Ja̧ baledi̧ma, Dios yöawi̧ yöbawo̧ Isaías iwȩyudina badekwachinobe. Baikwö laebobe Isaías iwȩyudinama:

Mateo 13:21

Jobadöma ajayinö tjo̧'wo̧ ösöwachibanö tja̧ja̧kwijayonö, okwanö söibokobe a̧ja̧kwadö, ja̧danö lekwema ösödöködö. Wene baibena, ja̧danö usula tjemawenama, juluwanö kabatibadö.

Mateo 13:35

Jejenö yöawi̧ma, Dios yöawi̧ yöbawina iwȩyudinadanö badekwachinobe, baikwö laebobe iwȩyudinama: Jojodönö yötawenama, wanedö yötawocha jobadönö, ja̧danö Dios böjȩ otidinobekwö baikwö bajalenö jojodö la'akatjöda wajwitjina jawa jobadönö yötawocha, jö̧ba̧lö laebobe.

Mateo 2:15

ja̧danö jobe tjö̧jinobe, Herodes ö'wö baibenanö kabatö. Ja̧ baledi̧ma Duluwo̧ damötjö yöawinadanö baledinobe. Baikwö iwȩyudinobe Dios yöawi̧ yöbawo̧ma, ja̧ Duluwo̧ yöawinama: Chitji̧nö Egypto nijitjö laebobö jwötajabe, jö̧ba̧lö laebobe.

Mateo 2:23

Ja̧danö, Galilea nijibe 'ya̧nö, Nazaret comunidadnö tjö̧jinobe. Ja̧ baledi̧ma Dios yöawi̧ yöbawadö Dios weakwo̧nö tjiwȩyudinadanö baledinobe. Baikwö laebobe Dios iwene, damötjö tjiwȩyudinama: Jo̧banö Nazaret jojo ötjabikobe, jö̧ba̧lö laebobe.

Mateo 5:17

Tupakwö yöawinobe Jesúsma: —Chömöledö, omukwatökönaduwi, Aaa, Jesúsma Dios weina Moisés iwȩyudinabi, ju'wedö Dios yöawi̧ yöbawadö tjiwȩyudinabi söbebö loobö ichajabe, jö̧ba̧lö. Ja̧ jawa söbebö loto jö̧ba̧löma chichijökötö chömöledö, okobe jwiinö ja̧ tjiwȩyudina jawa badekwachinö ja̧tobö chichijatö.

Mateo 8:17

Ja̧ baledi̧ma, damötjö Dios yöawi̧ yöbawo̧ Isaías yöawinadanö baledinobe. Baikwö laebobe Isaías iwȩyudinama: Jo̧bama dö'wöchi̧bi, usula demawi̧bi eminobe, jö̧ba̧lö.

Lucas 21:22

Jau chömöledö, ja̧ mölema, sulabenö ja̧tjiökwe Dios Jerusalénnö ju̧kwadönö lȩebakwa̧ma badekwachakobe, ja̧danö ja̧ möle okobe jwiinö Dios yöawi̧ wȩyudinadö tjiwȩyudinadanö baledakobe.

Lucas 24:44

Jemi ikenama Jesúsma jobadönö yöawinobe: —Wotakwa̧ abönö ina ökwödökwö chö̧jayi, ökwödönö yötawijatö, okobe jwiinö Dios iwenesa'yetjö ötjönö tjiwȩyudinama badekwachobö jo̧be, Moisés iwȩyudinabi, ju'wedö Dios yöawi̧ yöbawinadö tjiwȩyudinabi, Salmossa'yetjö tjiwȩyudinabi okobe jwiinö badekwachinö baledobö jo̧be jö̧ba̧lö yötawijatö ökwödönö— jö̧ba̧lö yöawinobe Jesúsma.

Juan 10:35

Ja̧danö, Diosma jweinöda yöbawo̧. Jweinöda yöawinobe, Ökwödöma ötjö jojodö tjuluwedö chö̧ji̧danö ja̧döja, ökwödöbi jojodö tjuluwedö ja̧dököbaduwobetjö̧, jö̧ba̧lö. Jo̧kwaobetjö̧ jejenö Dios iwenetjö laebitjö̧ma, Ökwödöma Diosdanö ja̧döja, jö̧ba̧lö,

Juan 15:25

Ja̧danö, jobadöma damötjö Dios wei̧ wȩyudadö tjiwȩyudinadanöbedö. Baikwö laebobe Dios iwenetjö: Jojodöma, ötjönö tjöpöjödoböma jwiijayonö, tjöpöjödinobe, jö̧ba̧lö, tjiwȩyudinobe damötjöma. Ja̧danö ja̧ tjiwȩyudinadanö badekwachinö tjöpöjödobe ötjönöma, jö̧ba̧lö laebobe Dios iwenetjö— yöawinobe Jesúsma, Dios wei̧ wȩyudadö tjiwȩyudinama.

Juan 17:12

Ina aebinobe: —Bidö, ökwö kwiyinawö̧kwö ja̧nö ökwö kwujulunö te'ada̧liachijatö Chabe'do, tjo̧'wo̧ luwo̧nö jelobekwö tji̧'yapji, jö̧ba̧lö. Jo̧kwaijayonö bakwo̧ma jelobekwö ile'dewibijatö, ba̧kwȩlö̧jatebö usula emawakwo̧ baibanö. Jo̧banöma damötjö Dios yöawi̧ tjiwȩyudinobe. Ja̧ tjiwȩyudinama badekwachinö jo̧bama jelobekwö ile'dewibijatö— aebinobe Jesúsma Abe'donö—.

Juan 18:9

Jejenö jö̧ba̧lö iteda ajayinö yöawina badekwachinö jö̧a̧linobe. Ajayinö aebinobe Abe'do Diosnö, Bidö, ökwö kwiyinawö̧nö chite'ada̧lobe Chabe'do tjo̧'wo̧ luwo̧nö jelobekwö tji̧'yapji jö̧ba̧lö.

Hechos 3:18

Jo̧kwaijayonö ökwödö sulabenö weköbaduwinama Diosda webijetö, iteda yöawi̧ yöbawadö yötjawina badekwachinö. Damötjö Dios yöawi̧ yöbawadöma yöbawijadötö Dios weakwo̧ usula emawakwa̧ma. Ja̧danö, yöbawijadötö Dios yöawi̧ yöbawadöma, Dios yöbawö ujuninökwe, jojodö tjö̧jibinö pjaatobö yöbawö ujuninökwema, usula emawakobe, jö̧ba̧lö.

Romanos 1:2

Ja̧ otiwa jawa baledakwa̧ wene tjiwȩyudinobe, damötjö Dios yöawi̧ yöbawadöma, Dios yöawi̧ tjiwȩyudenama.

Apocalipsis 17:17

Jejenö ja̧bö tjö̧jakwedö, Diosma jejenö tjomajade okwanö tjomukwatobö ja̧inobetjö̧. Ja̧danö, jobadö domulataja la'aka luwedöma, wajwitjijayonö, jobuju inia tjöjinö ja̧tjakwa̧ma, Dios ösödi̧da ja̧tjobö tjö̧jakwedö. Ja̧danö, Diosma jobadö tjomajade okwanö tjomukwatobö ja̧inobetjö̧, bakwainö omukwatö, sulabo̧ duwo̧nö kabebö tjö̧wanakwedö, Ökwöda webö kwö̧jo, jö̧ba̧lö. Ja̧danö, Ökwödöma ökwö kwömöayedöduwisa, la'aka luwedöböködösa, jö̧ba̧lö, sulabo̧ duwo̧nö kabebö tjö̧wanakwedö, Diosma jobadö jejenö tjomukwatobö ja̧inobetjö̧. Jejenö ja̧bö tjö̧jakwedö, Dios badedö ujunina möle badekwachenanö baibanö.