Mateo 1:18 - Dios Iwene

¹⁸ Baikwö laebobe Jesucristonö jemina wenema: Maríama yöbawö juninuju, tupakwö Josénö chemakwujusa, jö̧ba̧lö. Jo̧kwaijayonö jo̧banö ina jemapji, ja̧danö iso̧nö ina jö̧kuju jö̧jayi, Dios O̧'wo̧ Luwo̧ ujulunö metu'wo jö̧jinobe.

Mateo 1:18 Iomraidhean Croise

Génesis 3:15

Ja̧danö, ökwöma isuju jöpöjojo kwö̧jakwo̧ja. Ja̧danö, isujuma kwöpöjojosuju jö̧jakwuju. Ba̧kwelö̧jatebö wene ja̧kobe ökwötjö tupadanö ju̧kwadökwö, isujutjö tupadanö jojodökwö. Kwöpöjojodöda tjuju̧kwakwedö. Ja̧danö, isujutjö tupadanö jojodötjö bakwo̧ma kwuunö öja̧takwo̧ja. Ja̧danö, jo̧ba ökesayunö yö̧köbakwo̧ja— lȩbebö jö̧ba̧lijetö Isabenö Jo̧ Diosma a̧ko'danöma.

Diosnö ösödo̧ Job mikwo̧ usula emawina jawa 14:4

Kwöwaisa Dios, ökwödö bö̧jȩ jojodöma okobe deinö dusula juna̧ladösa, bakwo̧bi bakwainö usula jwiinö ö̧joböma jwibo̧, jö̧tö?

Diosnö ösödo̧ Job mikwo̧ usula emawina jawa 15:14

—Job, –Dios öba a'otjö sulabenö ja̧bö̧kö̧sa, –jö̧ba̧lö yöka̧lajabe, jo̧kwaijayonö ja̧maökö, baikwö yötawa: Jojodötjö bakwo̧bi usula jwibo̧ ö̧jenaji̧? Ya̧dö tjemawö̧tjö bakwo̧bi bakwainö otiwanö ja̧bö jo̧ ö̧jenaji̧? Deobe, la'akatjöda Job.

Mateo 1:1

Baikwö laebobe Jesucristo a'dödöminenö yöawa'yema. Jo̧ba Jesucristoma Davidmine itji̧ tupadanö jojo, ja̧danö Davidma Abraham itji̧ tupadanö jojoinobe. Baikwö laebobe Jesucristo a'dödöminenö yöawa'yema:

Mateo 12:46

Jesús jojodö ko̧ko̧kwajadönö yöawonö, Jesús ojo'dobi, ö̧ja̧wo̧döbi a̧petube tjö̧jinobe, ja̧danö jo̧banö yötja̧lakwawobö tjösödinobe.

Mateo 2:11

ja̧danö o̧do okwa tebachö, tjemunöbi, ojo'do Maríanöbi tjedinobe. Jejenö tjemunö edö, bȩbachibö tjösödinobe tjemunö, ja̧danö tjiyobö tjichejebaja̧ nöinö mikwawi̧ jawa jo̧banö tjiyinobe, orobi, omewi̧ jawa incienso ötjabi̧ jawabi, ju'wi omewi̧ jawa mirra ötjabi̧ jawabi.

Lucas 1:25

Ja̧danö, metu'wo jö̧jobetjö̧, Elisabetma jo̧'wo̧ ösöwanö yöja̧linobe: —Ajayinöma chi̧tji̧mu debuju chö̧jobetjö̧, jojodö tjöba a'otjö tabakwö chö̧jijatö. Jo̧kwaijayonö Diosma isabenö otiwanö pjaatajabe ötjönö. Babema taba jwiinö chö̧jakwujusa, Diosma chitji̧nö chemobö otiwanö iyajabetjö̧— jö̧ba̧lö yöja̧linobe Elisabetma.

Lucas 2:5

ja̧danö metu'wo ju̧ju, tupakwö chemakwuju jö̧a̧linoko María mikwujunö öbibö jobe Belenbe i̧'yinobe.

Deuteronomio 22:23

—Ja̧danö ju'wibi yötawaduwakwö, comunidad okwatjö bakwo̧ ina iso̧kwö jö̧kuju, ina jilekwenö jemököjayonö jemakwo̧nö yöbawö juninujukwö bakobe baibitjö̧ma,

Hebreos 10:5

Jo̧kwaobetjö̧ ju'wi iyawa pjaatoböma jo̧be, jojodö tjusuli̧ söbebö loobö iyawama. Chömöledö, ja̧ iyawama Cristoda, itedada iyawinama. Jo̧bama böjȩnö ichena Diosnö jö̧a̧linobe iteda iyawakwa̧, böjȩnö Diostjö jojodötjö ö'weje pjabatadö tjiyi̧ söbebö lobö iyawakwa̧ma. Baikwö laebobe Dios iwenetjö, Cristo iteda Abe'donöda jö̧a̧lina wene: Chabe'do ökwö kwösödi̧ma jojodö ökwönö tjiyi̧maökö, kwabö tjiyawö̧nöbi, ju'wi tjiyi̧bi. Isabenö kwo̧'wo̧ ösöwachibökönö jo̧ja jojodö tjiyi̧ edö, tjusuli̧ söbebö loköbobö tjiyi̧ma, juwö tjiyawö̧nöbi, ju'wi tjiyi̧bi. Jejenömaökö Chabe'do ökwö kwösödi̧ma. Ja̧ tjiyi̧danömaökö ju'wi iyawada ösödo̧ja. Ökwö kwösödi̧ iyawama ötjödasa. Ötjöda chiteba'okwöda chiyawobö ösödo̧ja, jojo bötjachö böjȩnö chö̧jobö weköbinökweda.

Hebreos 7:26

Jo̧kwaobetjö̧ chömöledö, Jesúsda Dios 'da̧batö ujuninökwema Diostjö jojodötjö la'aka pjabato̧ baibanö, ökwödö jojodönö pjaatobö. Ja̧danö, jo̧bama la'akatjöda jojodönö o̧'wo̧ sulinö edö̧kö̧. Ja̧danö chömöledö, jo̧bama la'akatjöda taba̧lö̧ji̧ jawa ja̧bö̧kö̧. Ja̧danö, jo̧bama sulabedökwö pjabacha̧löma jö̧kö̧. Ja̧danö chömöledö, jo̧bama Dios öwaisachobekwöchobe ö̧bemi, inesö la'aka luwo̧ ö̧bena bo̧, mölejȩbe.