Mateo 1:16 - Dios Iwene

¹⁶ Jacobma José mikwo̧ abe'doinobe, ja̧danö Joséma María mikwujunö eminobe, ilekwo bajibanö. Jobuju Maríama jitji̧ Jesúsnö jeminobe, ja̧danö Jesúsma, Cristo jö̧ba̧lö ötjabökwe, Dios weakwo̧ jö̧a̧linökwe jö̧ba̧lö.

Mateo 1:16 Iomraidhean Croise

Mateo 1:15

Eliudma Eleazar mikwo̧ abe'doinobe, ja̧danö Eleazarma Matán mikwo̧ abe'doinobe, ja̧danö Matánma Jacob abe'doinobe.

Mateo 16:16

Aebökwe Simón Pedroma atadinobe: —Ökwöma Dios weakwo̧ jö̧a̧linökweja, 'yaba̧lo̧ Dios itji̧ja— jö̧ba̧lö atadinobe.

Mateo 16:20

Jemi ikenama iteda öba̧ja̧di̧ waisachadönö jweinö weinobe: —Jojodönö yöbawökönaduwi, Dios weakwo̧ jö̧a̧linökwema Jesúsda jö̧ba̧löma—.

Mateo 2:13

Jobadö waisadö tjitebobe tjȩwa̧ja ikenama, Duluwo̧ weökwe ángelma Josénö i̧'wi̧dinö öwawachö yöawinobe baikwö: —A̧laibi. Tjemunöbi, tjemu ojo'donöbi öbibö Egypto nijibe döbibajaduwi. Ja̧danö jobe kwö̧jaduwo, yemidanö kwichaduwobö yötawenanö kabatö, Herodesma tjemunö kwabö loobö isakwakobetjö̧— jö̧ba̧lö yöawinobe ángelma.

Mateo 27:17

Pilatoma Jesúsnö öwaisinobe, sulabenöma ja̧binö̧kö̧ jö̧ba̧lö, sule judío jojodö tjuluwedö tjo̧'wo̧ sulinö tjedökwe jö̧ba̧lö. Jo̧kwajabetjö̧, ka̧lena ba̧jadötjö bakwo̧nö atjebobö jojodö tjoko̧ko̧kwachenama, Pilatoma jobadönö abebö a̧ja̧kwinobe: —¿Ditenö ejatö latebobö kwösödaduwobeda, Barrabásnöena, Jesús Dios weakwo̧ jö̧a̧linökwe ötjabökwenöena?— jö̧ba̧lö.

Mateo 27:22

Tjatadökwe: —¿Jo̧kwajabetjö̧ dakwö ja̧takwa̧da bite Jesucristo ötjabökwenö?— jö̧ba̧lö Pilato abebö a̧ja̧kwinobe. Aebawö̧, okobe deinö tjatadinobe: —Towisa'onö bȩbö kwabö loköbonö— jö̧ba̧lö.

Marcos 6:3

Bitema döwaisökwe, bemida jojo. Towitjö otikwa jojoda. Bemida ju̧ju María jitji̧. Bemida jojo Jacobo, José, Simón, jobadö tjöpöe, bitema. Öjawujudöbi bemida ju̧kwadö— yöba̧lakwawijadötö idödada. Jejenö jö̧ba̧lö tjo̧'wo̧ sulinö öpöjödijadötö Jesús yöawi̧ma.

Lucas 1:27

Jobe Nazaretnö bakwujuma María mikwujuma jö̧jinobe. Jobuju Maríama ina iso̧kwö ji̧nökuju, ja̧danö ju'wibi yöbawö juninuju, la'aka luwo̧bina David itji̧ tupadanö jojo José mikwo̧nö tupakwö jemobö. Jobujunö yöbawö i̧'yinobe ángelma, Gabriel mikwo̧ma.

Lucas 2:48

Jesús abe'dodö jo̧banö tjöbadekwajenama, tjöbajale jalaka baibanö jo̧banö tjöbadekwajinobe, Bitema ¿tajawedö bai jo̧jö? jö̧ba̧lö. Ja̧danö, ojo'doma Maríama Jesúsnö abebö ja̧ja̧kwinobe: —Chitji̧, ¿tajawedö sulabenö ja̧köbaja̧da ökwödönö? Kwabe'dobi ötjöbi do̧'wo̧ tjo̧achö nöinö jelobetenia ökwönö disakwajabeta— jö̧ba̧lö.

Lucas 2:7

Ja̧danö, abaweju ida̧ökö su̧'bȩ baibajiawö̧, jobe tetjachoböma jwiinobe. Jo̧kwajabetjö̧ jelobeda ajikwakwawedö tjeju okwada tetjachinobe, ja̧danö jobetjöda jitji̧nö abönö pöenö jeminobe, iso̧nö. Ja̧danö, jitji̧nö emajuma, iya̧nö tjemawö̧nö jwaekwa'wo sabana'wonö otiwanö jwajebinobe jitji̧nö, ja̧danö jwabebaju, pa̧ka̧yö̧ tju̧kwa meje'yesapjo okwa janinobe, jobe abobö.

Lucas 3:23

Jesúsma treinta o̧biya jenanö ujuna̧lenama, jamatö yöawinobe jojodönö. Ja̧ yöbawö ö̧jina wene chiwȩyudakwa̧ abönö, baikwö Jesús a'dödö tjimibiya chiwȩyudobe, jo̧banö kwöwaisobö, Isabenö Jesúsda Dios weakwo̧ jö̧a̧linökwe, jö̧ba̧lö. Jau, damötjö Diosma yöbawö ujuninobe, wetakwo̧ jö̧ta̧lökwema, bite ö̧'dö̧dötjö tupadanö jojoakobe, ja̧danö bitebi ö̧'dö̧dötjö tupadanö jojoakobe jö̧ba̧lö. Jo̧kwajabetjö̧ Jesús a'dödö tjimibiya chiwȩyuda, ja̧ Dios yöbawö ujuninama, Isabenö Jesúsnöda badekwachobe, jö̧ba̧lö öwaetjöda öwawobö. Jesúsma okobe deinö tjo̧mukwatinökwe, José itji̧, jö̧ba̧lö, ja̧danö Joséma Elí itji̧inobe.

Lucas 4:22

Okobe deinö jojodöma otiwanö yötja̧linobe Jesúsnö, Bitema otiwanö yöbawo̧. ¿Dakwö jejenö otiwa jawa yöbawo̧jö? jö̧ba̧lö. Jejenö yötja̧liawö̧, Nazaret jojodötjö ju'wedö yötja̧linobe: —Bitema ditebo jojo José itji̧, ¿jö̧tö? Kwatjö̧ma ¿dakwö waisanö yöba̧lo̧jö bitema?— jö̧ba̧lö tjo̧'wo̧ sulinö yötja̧lakwawinobe.

Juan 4:25

Ikenama, jobujuma jö̧ja̧linobe Jesúsnö: —Ötjöma chöwaisa, Dios weakobe dö̧jibinö otido̧nö, jö̧ba̧lö. Jo̧ba, Dios weakwo̧ma ichakobe. Jo̧bama Cristo, jö̧ba̧lö, ötjabökwe. Jo̧ba ichenama okobe jwiinö i̧sebakobe ökwödö döwaisachibanö— jö̧ja̧linobe.