Marcos 9:3 - Dios Iwene

³ Ökamijido̧ma salöinö jwiinö dewijetö, böjȩ jojodö dichajitjökenanö dewinö.

Marcos 9:3 Iomraidhean Croise

Isaías 1:18

Tupakwö yöawobe Isabenö Jo̧ma ökwödö israel jojodönö: —Chömöledö, bakobe omukwatakwawö yöda̧lakwawaduwo, otiwanö kwö̧jaduwakobetjö̧. Ökwödöma sulabenö ja̧badö kwö̧jaduwobetjö̧, isabenö yȩbekwadöja chömöledö, wanedö yöta̧la, nöinö sulabenö ja̧köbaduwi̧ma, jwiinö duwinö yȩkekwachibaduwinö ja̧ajabe ichejekwa. Jo̧kwaijayonö, yayonö otiwanö dichawadö bakibaduwobö jo̧be chömöledö, wanedö yöta̧la, obeja öwö'ye dewi̧danö bakwainö dewadö bakibaduwobö ina jo̧be.

Daniel 7:9

Ja̧danö, ina cheda̧lonö, ju'wibi la'aka luwedö tjö̧ba̧kwaökiya tjujunobe chedatö, ja̧danö ajayitjö ji̧na Diosma tebachö öbamatobe chedatö. Jo̧ba ökamijido̧ma jwiinö bakwainö dewado̧ chedatö, ja̧danö öwö'yema, obeja öwö'yedanö bakwainö dewa'ye chedatö. Ja̧danö, iteaka ba̧kwawaka chedatö, kolukasa'o ja̧kama, ja̧danö iteaka ökwölanö ubobe chedatö, ja̧danö iteaka kolukasa'o ubobe chedatö.

Mateo 28:3

Jo̧ba ángel öbama böba idejati̧danö salöinö dejatinobe, ja̧danö ökamijido̧ma jwiinö dewinobe.

Marcos 9:4

Ikenama, Elíasminebi, Moisésminebi jenada tjöwawachobe edijadötö Pedro, Jacobo, Juan. Edijadötö öwawachajadö Jesúsnö yötja̧lakwawobe.

Lucas 9:29

Ja̧danö, jobe ja̧nö Diosnö aebonö, Jesús öbama balewachinobe, ja̧danö ökamijido̧ma salöinö dewinobe.

Hechos 10:30

Jejenö jö̧a̧liökwe Cornelioma yöbawijetö: —Belö ö'wejemu möle baledibajabe, babedajayena, bejutjö Diosnö atebijatö. Jejenö atebonö omönanö jelo̧ öwawachijatö ötjö chöba a'o, kamijido̧ dewado̧ salöado̧ 'dubawo̧.

Apocalipsis 19:18

Böjȩ la'aka luwedö wobajadö tjitebiyabi, kwukwaduwo ichaduwi. Ja̧danö, guardia la'aka luwedö wobajadö tjitebiyabi, ju'wedö guardia jojodö wobajadö tjitebiyabi kwukwaduwo ichaduwi. Ja̧danö, ka̧ba̧yu̧dö wobajadö tjitebiyabi ka̧ba̧yu̧dö tjoma'iya wamenö wa̧jadö wobajadö tjitebiyabi kwukwaduwo ichaduwi. Okobe deinö jojodö wobajadö tjitebiya kwukwaduwo, midö tjeminawö̧ tjitebiyabi, midö tjemököwö̧ tjitebiyabi, la'aka luwedö tjitebiyabi, jo̧kwadabedö tjitebiyabi. Kwukwaduwo ichaduwi— jejenö okobe deinö mö köba̧ladönö jwöobe cha̧ja̧kwijatö.

Apocalipsis 7:14

Jejenö abebö a̧ja̧kwitjö̧ chatadijatö: —Chuluwo̧ma, ökwöda kwöwaisa— jö̧ta̧lökwe: —Jau, yötawakwö. Bidöma, inia tjöawa baledi̧ möletjö o̧penönö baledi̧ möle inia tjöbö ji̧nadö. Ja̧danö, tjökamisima, Obeja Itji̧danö Jo̧ ökwösobutjö dichö loi̧danö dichö loawa odi̧ju, dewi̧ odo̧ baibanö. Ja̧danö, bidöma dewi̧ odo̧ 'dubawadö babibinadö.

Apocalipsis 7:9

Ikenama chedemi yelösöda jojodö, ba̧jekwadönö, ba̧ja̧dakwawa jwienanö ba̧jekwadönö chedijatö. Jobadö chedinawö̧ma jelobebi jelobe jojodöbi, wainökwena ji̧nadötjö tupadanö jojodöbi, wainökwena tjiwene yöba̧ladöbi, okobe deinö jojodöma. Jobadöma Dios ö̧bemi badeibö, Obeja Itji̧danö Jo̧ ö̧jemi badeibö tjö̧jobe chedijatö. Jobadöma kamisi dewi̧ odo̧ 'dubawadö. Ja̧danö, öjiya, 'wiawa öjiya, wa̧cha öjiyadanö ichejekwi̧ tjömamunö do̧ba̧lakwawadö.