Marcos 9:2 - Dios Iwene

² Ja̧ jö̧a̧lina tupakwö jelemutjö bakwöta möle baledajena Jesúsma iteda öba̧ja̧di̧ waisachadötjö wa̧medukwanöda öbibö mö'ösa'o möa'obe nöchijetö, Pedro, Jacobo, Juannöda. Nöchajadö Pedro, Jacobo, Juan Jesúsnö tjeda̧lonö omönanö jelo̧danö babibijetö Jesúsma.

Marcos 9:2 Iomraidhean Croise

1 Reyes 18:33

Ikenama iyawemi wame, imi öwaninobe, ja̧danö pakayaso̧nö bulatö, imi wame ubulataja̧ iteba'o öwaninobe.

1 Reyes 18:42

Weökwe, ba'ali ukwobö, ja̧danö owobö i̧'yinobe Acabma, ja̧danö Acab ba'ali ukwonö, Eliasma Carmelo mösa'o wa̧pekwa'obe önöchinobe, ja̧danö nijinö, u̧yu̧kijunö ja̧nö, öba nijakwö, öba u̧yu̧ju̧kijunö waneba̧lö bȩachibinobe, Diosnö abebö.

Éxodo 24:13

Ikenama Moisésma jö̧ba̧lijetö Israel jojodötjö la'aka luwedönö: —Tjo̧wi̧, Josuékwö chi̧'ya wa̧pekwa'obekwö nöchö. Benada ji̧baduwi tjedachajenanö kabatö. Ja̧danö, Aarón, Hur ökwödökwö pjabatö tjö̧ja. Di̧'yaja̧ okobema ökwödötjö ju'wedöma wene kwujuna̧laduwitjö̧ma Aarónnö, Hurnö yötja̧lobö jo̧be— jö̧ba̧lijetö Moisésma. Ikenama nöchijetö ja'o Dios ö̧ja'o, jö̧ba̧lö, tjimidina'o wa̧pekwa'obekwö.

Isaías 33:17

Chömöledö, ju'winö kwuluwo̧duwi inesö otiwo̧nö kwedaduwakwedöja, ja̧danö kwiteboduwi inesö jalemi niji kwedaduwakwedöja.

Isaías 53:2

Baikwö yöta̧la Dios ömöayo̧nö: Dios öba a'o ö̧da̧peachinama, a̧dekwanö pokwi̧danö, kököelö bö'diatjö pokwi̧danö ichejekwinobe. Jo̧banö edö, jo̧kwadabo̧danö ichejekwijatö, wamenö edö, otiwo̧nöma dedijökötö, ja̧danö la'aka luwo̧ ichejekwi̧danöma ichejekwinokobe. Wamenö edö, —Bitenö dösödo jö̧da̧lökwe, —jö̧ba̧lö edö domukwatijökötö, jo̧kwadabo̧danö ichejekwobetjö̧.

Mateo 14:13

Jesúsma Juan ö'wö baibina wene a̧ja̧kwinobe, ja̧danö a̧ja̧kwenama, isowinö a̧jibö jelobe jojodö deobe i̧'yinobe öba̧ja̧di̧ waisachadökwö, jo̧dawa'ye tjö̧jobö. Jo̧kwaijayonö jojodöma i̧'yaja̧ tja̧ja̧kwinobe, ja̧danö a̧ja̧kwö, tjuju̧kwemiteniatjö labebö, tjömasapiyanö tji̧'yinobe, o̧pesobu ö'öbönö.

Marcos 14:33

Ikenama Jesúsma öba̧ja̧di̧ waisachadötjö wa̧medukwanö, Pedronö, Jacobonö, Juannö öbibö 'yi̧jetö jemi tupakwö. Ikenama Jesúsma jwiinö o̧'wo̧ tjo̧bekwibanö baibijetö. Öba̧ja̧di̧ waisachadönö jö̧ba̧lijetö:

Marcos 16:12

Jemi ikenama Jesús öba̧ja̧di̧ waisachadö du̧ju̧taja mana tji̧'yena jelo̧danö ichejekwo̧ öwawachijetö, Jesúsma.

Marcos 5:37

Ikenama, Jesúsma okobe deinö jojodönö itekwöda tji̧'yobö öbibökönö, wa̧medukwanöda öbibö 'yi̧jetö, Pedro, Jacobo, Jacobo öjawo̧ Juan mikwadönöda.

Lucas 6:12

Jemi ikenama ja'yubenö lekwajabetjö, Jesúsma mö'ösa'obe önöchinobe, jobetjö Diosnö aebobö, ja̧danö yö̧te baledibanö Diosnö aebinobe.

Juan 1:14

Ja̧danö, Dios Iwene Jo̧, jö̧ba̧lö, ötjabökwema jojo baibanö jeminökwe. Ja̧danö, jojo baibanö jeminökwema böjȩnö ökwödökwö ö̧jinobe. Ökwödöma jo̧banö edö, Jwiinö otiwo̧, jö̧ba̧lö, dösödijatö. Yelösöda, jo̧bama Dios Itji̧, iteakwo̧daobetjö̧ jwiinö otiwo̧. Ja̧danö, jo̧bama jwiinö lȩlö̧jino edöda pjabato̧. Ja̧danö, jweinöda yöba̧lo̧.

Romanos 12:2

Ja̧danö, ju'wedö böjȩ jojodö ja̧bö tjö̧ji̧danöma ja̧bö kwö̧jaduwoko chömöledö. Diosma kwomukwataduwi̧ balewachinö ja̧obö ösödo̧, ja̧danö balewachinö ja̧obö weköbaduwo, 'yayi̧ jawada omukwatadö bakibaduwanö. Ja̧danö, Dios ökwödö kwomukwataduwi̧ balewachinö ja̧itjö̧ma, Dios ösödi̧ jawa kwöwaisaduwena, inesö otiwa jawa, sulabe jwii̧ jawama.

2 Corintios 13:1

Jau chömöledö, babema yemidanö wa̧pötakwanö baibanö chi̧'yocha kwiteboduwibe, ja̧danö isabenö lȩtebocha ökwödötjö a̧ja̧kwökönö ina sulabenö ja̧badönö. Ja̧danö chömöledö, sulabenö ja̧badönö lȩtebenama, bakwo̧da jelo̧ ja̧ina yöawitjö̧ma juluwanö chösödökena, Dios damötjö weinadanö sule du̧ju̧tajaö̧kö̧, wa̧medukwaö̧kö̧ tjedina jawa jweinö yötjawitjö̧da lȩtebocha.

Filipenses 3:21

Jo̧ba ichenama, diteba'o böjȩ jawasa'o balewachinö ja̧akobe chömöledö, iteda iteba'o otiwa'o juluwa'odanö ökwödöbi dujuna̧lakobetjö̧. Jau chömöledö, Duluwo̧ Jesucristoma okobe jwiinö juluwo̧, okobe deinöbi okobe jwiinöbi ujuluwo jö̧ba̧lö, ja̧danö ja̧ iteda ujulunö, döbalewachinö ja̧akwo̧.

Apocalipsis 20:11

Ja̧danö, chedijatö Diosnö, inesö ö̧baka, dewakanö bo̧nö. Ikenama böjȩbi, mölejȩbi jwiinö baibobe chedijatö, yemidanö baibökönö.