Marcos 4:2 - Dios Iwene

² Jesúsma, isowinö a̧jö ju'wi jawabi ju'wi jawabi wanedö yöawakwawa yöbawijetö. Baikwö yöbawijetö:

Marcos 4:2 Iomraidhean Croise

Mateo 13:10

Jemi ikenama, Jesús öba̧ja̧di̧ waisachadöma Jesús ö̧jobekwö ichö abebö tja̧ja̧kwinobe: —Jojodönö yökawenama, ¿tajawedö labebö loawa jwiinö sule wanedö yöbawöda yökawobeda?— jö̧ba̧lö.

Mateo 13:3

Jesúsma jojodönö wanedö yöawinobe baikwö: —Chömöledö, baikwö wanedö yötawa: Bakwo̧ batjo otido̧ma ödebiya ikwö kweachinobe,

Mateo 7:28

Ja̧ jawa Jesús yöbawö kaatenama, jo̧banö a̧ja̧kwö ko̧ko̧kwadöma tjöbajale jalaka baibanö tjomukwatinobe, Ayö, bitema ¿dakwö yöbawo̧jö? jö̧ba̧lö.

Marcos 10:1

Ikenama Jesúsma jobetjö labebijetö Judea nijibe i̧'yobö. Jobe ichibö, Jordán ojwe peibajobe jobetjöbi ina jojodö ba̧jekwadö ichijadötö. Ichajadönö yöbawajiadanö yöbawijetö Jesúsma.

Marcos 12:1

Ikenama Jesúsma jobadö judío jojodö tjuluwedönö wanedö yöbawijetö: —Bakwo̧ uba batjo junijetö. Ja̧ batjo ö'öbö tjöbebijetö. Ikenama batjonö inawa 'dobö kelö otidijetö uba tjöja̧takwemi, isobu ebawö lamatakwemima. Ja̧danö, isaka, mösaka otidijetö, jayu uba batjo te'ada̧lo̧ma ja̧kanö ba̧nö okobe jwiinö eda̧lobö. Ikenama webijetö ju'wedönö, uba otikwa waisadönö tjotidobö. Webajo̧ jelobe 'yi̧jetö.

Marcos 12:38

Jesúsma ina yöbawijetö: —Chömöledö, Moisés iwȩyudina ba̧ja̧dadönöma tjöbeba̧lakwawöjönö edö kwuju̧kwaduwo. Jobadöma, Mikwawadösa, jö̧ba̧lö, tjökamisi ödöi̧ o̧do̧ 'dubawibö tea iyawena kwetjachobö ösödadö jojodöma tjeda̧lobö, Ba̧ja̧dakwawa luwo̧ jö̧ba̧lö.

Marcos 3:23

Jejenö jwötjeba̧liökwe, Jesúsma jobadönö jwöbijetö tjichobö. Ichajadönö jö̧ba̧lijetö: —Ökwödöma jwökeba̧laduwa, Jesús, Awetja tebachibö öjamatinökwema, jo̧ba Awetja ujulunöda tjo̧'wo̧ luwo̧nö sulabedönö a'dewö loobe, jö̧ba̧lö. A̧ja̧kwaduwitjö. Awetjama ¿iteda ömöayedönö a'dewö lobo̧ji̧? A'dewöma lobö̧kö̧. Jobadöma iteda ömöayedö. Itenöda ösödadö. Awetjama ölabökö jobadönöma, iteda wei̧ a̧ja̧kwadönöma. A'dewö lookobe iteda ömöayedönöma. Awetjama ötjö cho̧'wo̧ luwo̧nö tebachibö öjamatitjö̧ma, ja̧danö, iteda ujulunö chotiditjö̧ma ¿tajawedö iteda ömöayedönö, tjo̧'wo̧ luwo̧nö sulabedönö a'dewö lotobeda?—abebö a̧ja̧kwijetö Jesúsma Moisés iwȩyudina ba̧ja̧dönöma.

Marcos 4:11

Jejenö abebö tja̧ja̧kwökwe jobadönö jö̧ba̧lijetö: —A̧ja̧kwaduwitjö. Diosma ökwödönöda wanedö yöawakwawa labebö loi̧ma kwöwaisachibaduwobö weobe, Dios La'aka Luwo̧ ö̧jobe tjuju̧kwena jawama. Ökwödönöda kwöwaisachibaduwobö weobe Diosma wanedö yöawakwawa labebö loi̧ma. Ju'wedöma, ötjönö öpöjödadöma, wanedö yöawakwawada yötawawö̧, labebö lobökönö.

Marcos 4:3

—A̧ja̧kwaduwitjö. Wanedö yötawa. Bakwo̧ ödebiya ikwawa luwo̧ma ödebiya ikwö 'yi̧jetö.

Juan 18:19

Ikenama Diostjö jojodötjö ö'weje la'aka pjabato̧ma aeba̧linobe Jesúsnöma, iteda öba̧ja̧di̧ waisachadönö. Ja̧danö, yöawinabi aeba̧linobe Jesúsnöma.