Marcos 3:9 - Dios Iwene

^9-10 Ikenama Jesús ba̧jekwadönö otidö loajiawö̧, ö'wöchadöma ba̧jekwadö iteda ö̧jobekwö 'yi̧jadötö. Jobadöma Jesús ö̧jobekwö ba̧jekwadö ichö, Jesúsnö matjotö jö̧ba̧lö, isayunö bakobe 'diinö tjisawijadötö. Jobadö jejenö tjichajiökwe, jwiinö isayunö bakobe 'diinö tjisawapji jö̧ba̧lö, Jesúsma webijetö iteda öba̧ja̧di̧ waisachadönö isowi tjichejebobö, a̧jibotö jö̧ba̧lö.

Marcos 3:9 Iomraidhean Croise

Mateo 15:39

Ikenama Jesúsma jojodönö weinobe tjȩwa̧jobö, ja̧danö webajo̧, isowinö a̧jibö, Magdala nijibe i̧'yinobe.

Marcos 4:1

Ikenama Jesúsma yemidanö o̧pesobu ö'öbö ja̧nö yöbawijetö. Ba̧jekwadö ko̧ko̧kwö tjuju̧kwiökwe Jesúsma, okobe deinö otiwanö tja̧ja̧kwo jö̧ba̧lö, isowinö, o̧pesobu lo̧winö a̧jijetö, okobe deinö jojodö o̧pesobu ö'öbö tjuju̧kwonö.

Marcos 4:36

Jo̧kwaobetjö̧ Jesús öba̧ja̧di̧ waisachadöma, ju'wedö jojodönö junibö, Jesús a̧jibajowinö a̧jibö 'yi̧jadötö, Jesúskwö. Ju'wedöbi ju'wiowinö wainö 'yi̧jadötö Jesús i̧'yobema.

Marcos 5:2

Jesúsma, isowitjö meibena bakwo̧, o̧'wo̧ luwo̧nö sulabedö tjö̧jökwema te'ada̧lijetö, wobinadönö tjödinelö i̧lȩdo̧elö ichajo̧.

Marcos 5:30

Ja̧danö, Jesúsma jobuju ite ökamijido̧ majaja̧ma edököjayonö waisijetö, Isabenö chujulunö ja̧bö baibajabe, jö̧ba̧lö. Jo̧kwaiökwe, jalachibö abebö a̧ja̧kwijetö jojodönö: —¿Tida ötjö chökamijido̧nö mabajo̧ma?—

Marcos 6:32

Ja̧danö, jejenö jö̧a̧lawö̧ jobadöma Jesúskwö isowinö a̧jibö 'yi̧jadötö idödada, jojodö deobe.

Lucas 5:1

Ju'wi möle, Jesúsma Genesaret mikwobu o̧pesobu jalobu ö'öbönö ja̧nö jojodönö yöawinobe. Jejenö yöawonö, ju'wedö Jesús ipjeanö tjö̧jinobe, ba̧i̧ jwobö otidadöma. Jesús yöawonö, jobadö ba̧i̧ jwobö otidadöma, ba̧i̧ jwobö kabatajadö tjisowibiyatjö mebibö mayabiya dichö tjotidinobe. Ja̧danö, jobadö tjotidonö, Jesúsma Dios iwene yöawinobe, ja̧danö ba̧jekwadö jojodö ichö ko̧ko̧kwö tja̧ja̧kwinobe, Jesús yöawonö. Ja̧danö, tjöba̧jekwobetjö̧, Jesús yöawi̧ tja̧ja̧kwotö jö̧ba̧lö ichajadö jojodöma tjöjisabikwawinobe. Jejenö tjöjisabikwawiökwe, Jesúsma omukwatinobe, ja̧danö omukwatö edinobe isowibiya dowilataja öwiya, ba̧i̧ jwobadö tjisowibiyama, ja̧danö a̧jibobö omukwatinobe.

Lucas 5:3

Jejenö omukwatö, ba̧i̧ jwobö otido̧ Simón isowinö a̧jibö, Jesúsma Simónnö aebinobe, o̧pesobu ö'öbötjö la̧nö jibö döbekwibö ödökwobe la̧nö yöawobö. Ikenama, isowinö la̧nö Jesúsma jojodönö yöawinobe.

Juan 6:15

Ja̧danö, Jesúsma öwaisinobe jojodö tjomukwati̧, itenöda jobadö böjȩtjö tjuluwo̧ baibanö kabebö tjöwano, jö̧ba̧lö, tjomukwati̧ma. Öwaisinobe itenö do̧batö kabebö tjöwanobö tjichakwa̧ma, itedama öpöjödijayonö. Jo̧kwaiökwe mö'ösa'obekwö yemidanö 'ya̧nö döibajinobe jo̧dawa'ye.