Marcos 13:4 - Dios Iwene

⁴ —Ökwönö abebö da̧ja̧kwa. Jo̧da jö̧ka̧laja̧ma, Dios ejubi eju ö'öbö ju̧kwi̧ ejubiyabi pjolebö loawa jö̧ka̧laja̧ma ¿dianö baledakwa̧da? Ja̧ baledakwa̧ abönö ¿dakwö baledakwa̧da? Döwaisobö jö̧da̧la ja̧ pjolebö loawa baledakwa̧ma ida̧ökö lekwökena— abebö a̧ja̧kwijadötö.

Marcos 13:4 Iomraidhean Croise

Daniel 12:6

Ja̧danö jobadötjö bakwo̧ jwöbö abebö a̧ja̧kwinobe ökamijido̧ otiwado̧ dewado̧ 'dubawo̧nö, ojwe wame jo̧nö: —Ja̧ inesö labi̧ jawama, ¿dokwa lekwe baledakwa̧da 'dö̧ibakwa̧ abönöma— jö̧ba̧lö?

Daniel 12:8

Jobekwö yöa̧lobe cha̧ja̧kwijatö, jo̧kwaijayonö yöa̧li̧ma otiwanö chöwaisachibijökötö, ¿taji jö̧ba̧lö yöa̧lobejö? jö̧ba̧lö. Jo̧kwajabetjö̧ abebö cha̧ja̧kwijatö: —Chuluwo̧, dakwö baledakwa̧da, okobe jwiinö ja̧ jawa 'dö̧ibajenama— jö̧ba̧lö.

Mateo 24:3

Jesús mösa'o Olivos mikwa'otjö öbamatenama, iteda öba̧ja̧di̧ waisachadö jo̧dawa'ye ichö Jesúsnö abebö tja̧ja̧kwinobe: —Ja̧ yökawaja̧ma, ¿dianö badekwachakwa̧da? Ja̧danö yemidanö kwichakwa̧ abönö, ja̧danö 'dö̧ibaji̧ möle baibakwa̧ abönö, ¿taji baledakwa̧da, baledi̧ edö, Aaa, juluwanö Jesús ichakobe, juluwanö 'dö̧ibaji̧ möle baibakobe, jö̧ba̧lö döwaisoböma?— jö̧ba̧lö abebö tja̧ja̧kwinobe.

Marcos 13:3

Jemi tupakwö Jesúsma, iteda öba̧ja̧di̧ waisachadökwö 'yi̧jetö Olivo mikwa'o mö'ösa'obe, Dios eju badeibö jemima. Jesúsma jobe ö̧bonö Pedro, Jacobo, Juan, Andrés, jobadöda babibö, abebö a̧ja̧kwijadötö Jesúsnöma:

Marcos 13:5

Jejenö abebö tja̧ja̧kwökwe Jesúsma jö̧ba̧lijetö: —Yöta̧laduwakwö. Tjöbeba̧lakwawö kwuju̧kwaduwo jelo̧ ömönö yöba̧lö ichajo̧ yöa̧li̧ kwösödaduwapji jö̧ba̧lö.

Lucas 21:7

Jejenö yöawiawö̧, Jesús öba̧ja̧di̧ waisachadöma abebö tja̧ja̧kwinobe: —Ba̧ja̧dakwawa luwo̧, ja̧ yöka̧laja̧ baledakwa̧ma, ¿dianö baledakwa̧da? Ja̧danö, ja̧ baledakwa̧ abönö ¿taji baledakwa̧da, baledi̧ edö, Aaa, juluwanö jejenö Dios eju pjolö lotjakobe, jö̧ba̧lö dö̧waisoböma?— jö̧ba̧lö abebö tja̧ja̧kwinobe.