Marcos 1:5 - Dios Iwene

⁵ Ja̧danö, Judea niji ju̧kwadöma ba̧jekwadö 'yi̧jadötö Juan ö̧jobekwö. Jerusalénnö ju̧kwadötjöbi, ju'wi Judea niji comunidadesnö ju̧kwadötjöbi 'yi̧jadötö. Ichibö Juan yöawi̧ a̧ja̧kwadötjö ösödadönö, Juanma jödö Jordán ötjabödönö bu̧datijetö, Sulabedösa, jö̧ba̧lö yötjawi̧ i̧sebö.

Marcos 1:5 Iomraidhean Croise

Proverbios 28:13

Ja̧danö, ju'wibi yötawa: Ökwödö jojodöma, sulabenö ja̧daja̧ma Diosnö yöbawö lodobö jo̧be. Bakwo̧, suli̧ ja̧aja̧ yöbawö loökötjö̧ma bö̧jȩnö ja̧nö otidawama sulabenö baledakwo̧. Jobekwö baledokobe suli̧ ja̧aja̧ yöbawö lobo̧nöma. Jo̧ba̧nö Diosma lȩ lö̧jinö edö pjaatakwo̧, sulabenö ja̧aja̧ yöbawö lobö, kabatibö öbalewachobetjö̧.

Mateo 4:25

Ja̧danö, ba̧jekwadö Jesús ökömanö lutjinobe, Galilea nijitjöbi, Decápolis nijitjöbi, Jerusalén comunidadtjöbi, Judea nijitjöbi, ja̧danö Jordán mikwödö tupakwö nijitjöbi.

Marcos 1:4

Ja̧ Isaías damötjö yöawinadanö baledijetö, Juan Ojwenö Bu̧dato̧ ichinanöma. Jo̧bama jojodö deobe ja̧nö yöbawiabijetö, itenöda a̧ja̧kwö ichajadönö. Baikwö yöbawijetö: —Chömöledö, sulabenö kwomukwataduwi̧ma kabatibö balewachaduwi, Dios sulabenö ja̧köbaduwi̧ söbebö loakobetjö̧. Ja̧danö, sulabenö kwomukwataduwi̧ kabatibö balewachajadö, ja̧ kwöbalewachaja̧duwa wene i̧sebö ojwenö bu̧datakwawa abebaduwi— yöbawijetö.

Marcos 1:6

Ja'yubeda yötawa Juan Ojwenö Bu̧dato̧ ichejekwina. Juanma bejenö 'dubawiabijetö: Ökamijido̧ma kameyu öwö'yetjö, pjewöka'yetjö otikwado̧da 'dubawiabijetö. Koleasö̧jȩbi pakaya i̧sȩdo̧tjö otikwöjȩ nönawiabijetö. Jo̧bama ma̧la̧ka̧yö̧nö kwanöda tebotjö emawa wa̧yo̧ owöda ji̧abijetö.

Juan 1:28

Jejenö baledinobe Betania comunidadnö, Jordán ojwe u'dakwöma, Juan ojwenö ubu̧datenama.

Juan 3:23

Ja̧danö, Juanbi jelobetjö, Enón mikwelö, ichajadönö ojwenö bu̧datiainobe. Enónma Salim mikwemi yöneawemi. Jobe ojwebiya li̧nobe.

Juan 5:35

Ja̧danö, Juanma la̧pa̧la̧yu̧danö ubinö idejatinobe, ötjö jawa yöbawö. Ökwödöma ajayinöma kwo̧'wo̧duwi ösöwanö kwö̧jinaduwobe, jo̧ba yöawi̧ a̧ja̧kwö— Jesús yöawinobe judío jojodö la'aka luwedönöma.

Hechos 19:18

Ikenama ba̧jekwadö Jesúsnö ösödadöma ichö, jojodö tjöba a'o jamatö, ajayinö sulabenö ji̧atjina yöbawö lobijadötö.

Hechos 2:38

Jejenö abebö tja̧ja̧kwiökwe Pedroma atadijetö: —Chömöledö, ökwödötjö, bakwo̧nökwena sulabenö kwomukwataduwi̧ma kabatibö balewachaduwi. Ja̧danö, ojwenö ubu̧datobö abebaduwi, Jesucristonö kwo̧'wo̧ kwöwana̧laduwi̧ i̧sebö. Jejenö ja̧baduwi, Dios ökwödö sulabe kwujuna̧laduwi̧ söbebö loakobetjö̧. Jejenö ja̧köbaduwenama Dios O̧'wo̧ Luwo̧ma tebachibö öjamatakobe ökwödönö— yöbawijetö Pedroma—.

Santiago 5:16

Isabenö yötawaduwakwö. Jojodö atjebiökwe pjabato̧ Duluwo̧ma, ö'wöchadönö tjö̧bibajinö pjabatöbi, sulabenö ja̧tji̧ yöbawö lobadö tjusuli̧ söbebö loböbi. Jo̧kwaobetjö̧ chö̧ja̧wo̧dö suli̧ ja̧köbaduwi̧ma yökawakwawaduwo ökwödödada. Ja̧danö, ökwödödada Diosnö akebakwawaduwo kwö̧bibaduwinö pjaatobö. Isabenö, bakwo̧ Dios ösödi̧danö ja̧bö jo̧ma Diosnö aebena, Pjabati, jö̧ba̧lö, Diosma iteda ujulunö pjaatobe.

Josué 7:19

Jejenö i̧sȩbiökwe, Josuema Acan mikwo̧nö weinobe: —Chitji̧ Acan, sulabenö ja̧köbina wene yöbawitjö, ökwödö israel jojodö duluwo̧ Isabenö Jo̧ Dios ujulu öwaetjöda öwawobö. Dios öba a'otjö okobe jwiinö sulabenö ja̧köbina wene yöbawö, ja'yubebi tojata̧lökönö yöbawi, —jö̧ba̧lö weinobe.