Lucas 9:9 - Dios Iwene

⁹ —Ötjöma belö Juannö kwabö lobö uu bulatö lotijatö, ja̧danö jejenö Juannö kwabö lotinobema, bite Jesús jojodö edajitjökö jawa otido̧ jö̧ba̧lö yötja̧lökwema tida— jö̧ba̧lö. Ja̧danö, Herodesma Jesúsnö edobö isakwinobe, jo̧banö edö öwaisobö.

Lucas 9:9 Iomraidhean Croise

Lucas 23:15

Ja̧danö, Herodesbi ötjö chomukwati̧danö omukwatobe ichejekwa. Isabenö sulabo̧ jö̧ba̧lö Herodes öbadekwajatjö̧ma, jo̧bada lȩebo jö̧a̧lajabe, jo̧kwaijayonö usula öbadekwajokobetjö̧ chö̧jobekwö tjeatajabe. Ja̧danö, Herodesbi ötjöbi bite usula döbadekwajokobetjö̧, bitenö kwabö lodoböma jwiobe.

Lucas 23:8

Herodesma ida̧ökö lekwe möle Jesúsnö yötjawi̧ a̧ja̧kwiainobe, ja̧danö ida̧ökö lekwe möle Jesúsnö edobö ösödinobe, jojodö edajitjökö jawa i̧sebi̧ chedowe jö̧ba̧lö. Jo̧kwajabetjö̧ öba a'o ö̧jobö Jesúsnö tjichejebiökwe, Herodesma ösödinobe, bajalianö bite i̧sebi̧ chedena jö̧ba̧lö.