Lucas 9:56 - Dios Iwene

⁵⁶ Ja̧danö, ja̧ comunidad jojodö jobadönö tjöpöjödobetjö̧, tupakwö ju'wi comunidadbe tji̧'yinobe, jobetjö yö̧te tjabekwobö.

Lucas 9:56 Iomraidhean Croise

Mateo 18:10

Jau chömöledö, omukwatönö kwö̧jaduwo, bidö tjemunö mikwawöködö jö̧ba̧lö kwöpöjödaduwapji jö̧ba̧lö. Jau chömöledö, isabenö yötawaduwakwö, bidö tjemunö te'ada̧ladö ángelesdöma tjö̧jobe, ja̧danö jobadöma ba̧kwȩlö̧jatebö mölejȩbe Chabe'do öba a'o tjuju̧kwobe— jö̧ba̧lö yöawinobe Jesúsma.

Mateo 20:28

ötjö jojo baibanö jeminökwe ju'wedönö pjabatö chö̧ji̧danö. Jau chömöledö, ju'wedö ötjönö pjatjato jö̧ba̧löma ichinö̧kö̧sa. Ötjöda jojodönö pjabatö ichinasa, ja̧danö ba̧jekwadö tjö̧jibo jö̧ba̧lö midawö wotobö ichinasa— jö̧ba̧lö yöawinobe Jesúsma.

Mateo 5:39

Jo̧kwaijayonö, wainö wetaduwakwö chömöledö baikwö: Sulabenö ja̧badönö kwölabikwawaduwoko jö̧ba̧lö. Jelo̧ kwibekasa'wonö 'bȩitjö̧ma, jalachibi bakwachobesa'wobi 'bȩobö, balekwa mikwama jo̧banö 'bȩköboko.

Lucas 22:51

Jejenö kwaiökwe, Jesúsma weinobe: —Tjo̧wi̧ta, kwakwaköbakwawaduwa— jö̧ba̧lö. Ja̧danö webajo̧ ömöayo̧ kwaajökwe ölakiyunö mabö 'wibebö loaja̧ otidö loinobe.

Lucas 23:34

Jejenö bȩtjiökwe, Jesúsma Diosnö aebinobe: —Chabe'do, bidö ötjönö bȩtji̧ omukwatökönö kwösödodönö, ja̧tji̧ma wajwibö sulabenö ja̧tjobetjö̧— jö̧ba̧lö. Ja̧danö, Jesúsnö towisa'onö bȩbajadö, guardia jojodöma inawiya pjei̧ öwiya ikwawö alewö ja̧tjinobe, Jesús ökamijido̧ ti emojobö jö̧ba̧lö tjalewinobe.

Lucas 9:55

Jejenö atebökwe, Jesúsma jalachibö yöa̧linobe: —Sulabenö kwomukwataduwa, jobadönö söbebö lodökö— jö̧ba̧lö.

Lucas 9:57

Ja̧danö, Jerusalénbe 'ya̧kwawama kwetjachonö, bakwo̧ ichö Jesúsnö yöa̧linobe: —Chuluwo̧, okobe jwiinö kwekachi̧teniama, ötjöbi kwökömanö chichocha— jö̧ba̧lö.

Juan 10:10

Ja̧danö, naukwabo̧ma sulabenö ja̧oböda icho̧, o̧bȩja̧dönö önaukwoböbi, kwabö looböbi, jwiinö söbebö looböbi. Jo̧kwaijayonö ötjöma naukwabo̧ sulabenö ja̧oböda ichi̧danöma chichinokobe böjȩnö ju̧kwadö jojodönöma. Jojodö ba̧kwȩlö̧jatebö tjö̧ji̧ chiyobö chichijatö. Ja̧danö, jojodö jwiinö otiwanö tjuju̧kwobö chichijatö ötjöma— yöawinobe Jesúsma.

Juan 12:47

Ötjö yötawi̧ a̧ja̧kwö ja̧böködönö lȩekwa yötawokobe. Jejenö lȩekwa jawa yötawoböma chichijökötö böjȩkwöma. Böjȩ jojodö tjö̧jibinö pjatatoböda chichijatö.

Juan 3:17

Diosma itji̧nöma, böjȩnö ju̧kwadönö lȩeboböma weinokobe. Tjö̧jibinö pjaatoböda weinobe Diosma itji̧nöma, jo̧banö ösödadö tjö̧jibinö pjaatobö.

Romanos 12:21

Jau chömöledö, wanedö yötawa: Suli̧ ökwödönö juluwo jö̧ba̧löma webökönaduwi, ökwödöda otiwanö ja̧bö ja̧nö kwujuluwaduwo suli̧tjöma.

1 Timoteo 1:15

Jau Timoteo, Cristo Jesúsma böjȩkwö ichinobe sulabenö ja̧badönö tjö̧jibinö ja̧obö. Ja̧ wenema isabenö wene Timoteo, okobe deinö ja̧ wene tjösödobö jo̧be. Ja̧danö, ökwönö yötawa, jobadö sulabenö ja̧badötjö, o̧penönö sulabenö ja̧bö ji̧achijatö ötjöma.