Jo̧kwaijayonö jejenö yöa̧liökwe, Davidma atadinobe, —Bi̧ya ökwödö Sarvia jitji̧mu jawamaökö Abisai, jejenö kwabö lodonö jö̧ka̧li̧ma, chöpöjojo yöa̧li̧danö yöka̧lobe. Babe möle yemidanö israel jojodö la'aka tjuluwo̧ batibi̧ mölema, chöpöjojodöbinadönö lȩlöinö edawa möle, jo̧kwajabetjö̧ bakwo̧nöbi kwabö lotjobö wetökö, —jö̧ba̧lö.
Lucas 9:55 - Dios Iwene55 Jejenö atebökwe, Jesúsma jalachibö yöa̧linobe: —Sulabenö kwomukwataduwa, jobadönö söbebö lodökö— jö̧ba̧lö. Faic an caibideil |
Lucas 9:55
24 Iomraidhean Croise
Jobma ilekwonö atadinobe, —Sulabenö yöka̧la chilekwo. Jejenö yöba̧lö, ya̧dö wajwibadö yötja̧lidanö yöba̧lujuja chilekwo, baikwö yötawa: Dios ökwödönö otiwa jawa iyenama, demobö ösödadösa, otiwa jö̧ba̧lö, jö̧tö? Ja̧danö, Dios otiwa jawa iyi̧tjö demobö ji̧tjö̧ma, Dios suli̧ jawa iyi̧tjöbi demobö jwienaji̧? Isabenö Dios suli̧ jawa iyi̧tjöbi öpöjödökönö demobö jo̧be chilekwo, —jö̧ba̧lö atadinobe Jobma. Ja̧danö, okobe jwiinö ja̧ usula emawinö baledi̧ jawa baledonö, sulabenö yöa̧linokobe Jobma, ina jwaikwöda Diosnö ösödö ö̧jinobe.
ja̧danö ökwönö edajo̧, ajayinö omukwatö yöta̧laja̧ma chötabakwobe, –Ötjö Jobma isabenö mikwawö̧kö̧sa, yöta̧loko jawa sulabenö yöta̧lajabe, –jö̧ba̧lö. Jau chuluwo̧, sulabenö chomukwataja̧ kabatibö chöbalewachajabe, jadanö chomukwati̧ chöbalewachaja̧ i̧sȩbö, nijiso̧pjanöbi, ökwölaso̧pjanöbi bamato̧sa, –Isabenö Dios öba a'otjö mikwawö̧kö̧sa, sulabenö ja̧köba, jö̧ba̧lö Diosnö̧ yöta̧lobö, —jö̧ba̧lö atadinobe Jobma Diosnö.
Jo̧kwaobetjö̧, jwebebö yötawaduwakwö: Jelo̧nö edö obo̧nöma jwebebö yökawaduwoko, o̧'wo̧ sulinö edöda ökwödönö jwiinö öpöjödakwo̧. Jo̧banö jwebebö yökawaduwoböma jwiyobe. Jobekwö omukwatokobe jweinö omukwato̧ma. Jweinö omukwato̧nö jwebebö yökawaduwitjö̧ma ökwödönöma otiwanö edö ösödakwo̧, otiwanö pjakataduwobe, jö̧ba̧lö.
Jejenö wetjiököwö̧, Jesús öba̧ja̧di̧ waisachadö Jacobobi, Juanbi tjölabinobe, ja̧danö Jesúsnö abebö tja̧ja̧kwinobe: —Duluwo̧, jejenö tjöpöjödobetjö̧ ¿lȩdebakwa̧ji̧? Kwösöditjö̧ma Diosnö adebena, mölejȩbetjö ökwöla weobö, ja̧ comunidadtjö ökwönö öpöjödadönö söbebö loobö. ¿Jejenö adebakwa̧ji̧—? jö̧ba̧lö.
Ju'wedö ökwödönö sulabenö ja̧tjenama, balekwa mikwa sulabenöma ja̧köbaduwoko, ja̧danö ökwödönö sulabenö yötja̧lenama, balekwa mikwa jobadönö sulabenöma kwatadaduwoko. Jau chömöledö, jobadönö balekwa mikwa sulabenöma ja̧bökönö, Diosnö akebaduwo, jobadönö pjaatobö. Jau chömöledö, Diosma ökwödönö jwöinobe, okwödönö dösölö̧jinö pjaatobö, ja̧danö Dios ökwödönö jejenö pjaatobetjö̧, ja̧ omukwatö ju'wedönö pjabatö Diosnö akebaduwobö jo̧be.
Sanasan