Lucas 9:52 - Dios Iwene

⁵² Ja̧danö, 'ya̧nö, abönö i̧'yakwa̧ tjotidakwedönö weinobe, 'ya̧nö tjabakwemi tjisakwakobetjö̧. Ja̧danö, jejenö weawö̧, i̧'yakwa̧ otidadö ju'wedö tjabönö tji̧'yinobe, ja̧danö Samaritano niji comunidad tetjachinobe, jobe tjabakwemi isakwö.

Lucas 9:52 Iomraidhean Croise

Mateo 10:5

Jobadö a̧li̧nösamutjö du̧ju̧tajabedönö Jesúsma weinobe, Israel niji bakwameachibanö wainökwena kwetjachobö, ja̧danö jobadönö baikwö weinobe: —Israel jojodöböködönö pjabatöma 'yö̧könaduwi, ja̧danö Samaritano jojodö comunidadbema 'yö̧könaduwi.

Lucas 10:1

Jemi ikenama, Jesúsma jo̧banö ösödadötjö setenta ömadönö 'da̧batö ujuninobe, Israel niji bakwameachibanö yötjawobö. Jesúsma Israel niji bakwameachibanö yöawobö jö̧a̧linobe, ja̧danö i̧'yakwa̧ abönö jobadönö du̧ju̧tajakwena weinobe, comunidadtenia, iteda yöbawö kweachakwatenia comunidadteniabe 'ya̧nö kwebachö yötjawobö.

Lucas 10:33

Jemi ikenama jelo̧bi jena öbaledinobe, judío jojodö, Sulabedö, jö̧ba̧lö tjömukwatawö̧ samaritano jojodötjö bakwo̧ma. Naukwabidö kwakwatjajökwenö edö, ömöledöso̧bö̧kö̧jayonö o̧'wo̧ tjo̧achinobe, ja̧danö lȩlö̧jinö edinobe jo̧banö.

Lucas 17:11

Ja̧danö, Jesúsma ina Jerusalénbe i̧'yonö, Galilea niji ja̧danö Samaria niji ö'wejenö öbaledinobe.

Lucas 17:16

Ja̧danö, Jesús öba a'o ichibö, Jesús öba a'o nijakwö bamatö ösödinobe, otiwanö pjakatajabe, jö̧ba̧lö. Jo̧ba Jesúsnö ösödö tjebachajo̧ma, judío jojobö̧kö̧inobe, judío jojodö sulabedö jö̧ba̧lö tjöpöjödawö̧ samaritano jojoinobe jo̧bama.

Lucas 7:27

Jau chömöledö, Juannöda badekwachobe damötjö Dios yöawi̧ tjiwȩyudinama. Baikwö laebobe Dios iwene Dios weakwo̧ jö̧a̧linökwenö yöa̧linama: Kwabönö yötawi̧ yöbawo̧nö wetocha, otiwanö kwichakwa̧ otidakwo̧nö, jö̧ba̧lö laebobe.

Juan 4:4

'Ya̧jadö Samaria nijinö tjöbaledinobe, Galileabe tjichibobö.

Juan 4:5

Ja̧danö Samaria nijinö, Sicar comunidadnö ichibinobe, Jacob itji̧ Josénö iyinemi niji yöneawinö.

Juan 4:9

—Ojwiyo chowo iyitjö— aeboko: —Ökwöma judío jojoja. ¿Tajawedö akeba ötjönöma, Samaria jojosujunö ojwiyo chiyokwöbö?—abebö ja̧ja̧kwinobe jobuju, Samaria jojosujuma. Ja̧danö, judío jojodöma Samaria jojodönö tjöpöjödinobetjö̧ jejenö abebö ja̧ja̧kwinobe Samaria jojosujuma. Yöba̧löbi yöba̧liatjinokobe judío jojodöma Samaria jojodönöma. Jejenö omukwatö jobujuma abebö ja̧ja̧kwinobe Jesúsnö ¿Tajawedö akeba ötjönöma ojwiyo chiyokwöbö, jö̧ba̧lö.

Juan 8:48

Ikenama, Jesús jejenö yöawiawö̧, judío jojodötjö la'aka luwedöma: —Jweinö yödawa, ökwöma judío jojobö̧kö̧ja. Samaritano jojoja. Awetja ömöayo̧ teachibinökweja— jö̧tja̧linobe, Jesús yöawi̧ a̧ja̧kwö öpöjödö.