Lucas 9:49 - Dios Iwene

⁴⁹ Jejenö yöa̧liökwe, Juanma Jesúsnö yöa̧linobe: —Chuluwo̧, bakwo̧nö dedatö, sulabedö ja̧dönö a'dewö lobo̧nöma. Jo̧ba sulabedö ja̧dönö a'dewö loenama, ökwö kwiminö a'dewö loobe dedatö. Jo̧bama kwiminö a'dewö loijayonö ökwödö kwöba̧ja̧di̧ waisachadötjöbö̧kö̧, Jesús. Jo̧kwajabetjö̧, ökwödötjöbö̧kö̧obetjö̧, kaatobö wedatö, Jesús iminö a'dewö lobökönuwi jö̧ba̧lö. Ja̧ weda̧ja̧ma, otiwanö wedaji̧?— jö̧ba̧lö.

Lucas 9:49 Iomraidhean Croise

Mateo 3:14

Jejenö aebökwe, Juan öpöjödinobe ajayinöma, ja̧danö baikwö abebö a̧ja̧kwinobe: —¿Tajawedö akebobeda ötjö mikwawö̧kö̧nö, ökwönö ojwenö chubu̧datoböma? Ötjöda ökwönö ojwenö bu̧datakwawa atebobö jo̧be— jö̧ba̧lö.

Lucas 5:5

Weökwe, Simónma atadinobe: —Chuluwo̧, ida̧ökö yö̧te baledibanö nöinö ba̧i̧ jwodijayonö, da̧bulewatö. Bakwo̧bi ö̧libökötö. Jo̧kwaijayonö ba̧i̧ jwotobö weköbitjö̧ma, yemidanö maya lobö jwotocha— jö̧ba̧lö.

Lucas 9:33

Ja̧danö, jobadö du̧ju̧taja mölejȩbe tjȩwa̧jo jö̧tja̧lenama, Pedroma otiwanöma omukwatökönö Jesúsnö yöa̧linobe: —Duluwo̧, ökwödö kwömayedö bena ökwödökwö dö̧jobetjö isabenö otiwa, otiwanö ökwödönö pjadatobö. Kwösöditjö̧ma löwötebiya wa̧pötekwa 'dö̧dakwawena, ökwö bakwöte, Elías bakwöte, Moisés bakwöte kwölöwötebiyaduwi— jö̧ba̧lö.

Hechos 5:28

—Ökwödöma ¿tajawedö yelösöda kwa̧ja̧kwaduwököda? Labinö lȩdebijatö ökwödönöma, Jesús ö̧jina jawa yökawaduwoko, jö̧ba̧lö. Jejenö lȩdebinajayonö ökwödöma okobe jwiinö Jerusalén nijinö yökawaduwobe. Ju'wibi yöka̧laduwobe, ökwödönö waneda̧lö, Jesús woinama ökwödöda wedinobe, jö̧ba̧lö— jö̧ba̧lijetö.

1 Tesalonicenses 2:16

Jau chömöledö, judío jojodöböködönö tjö̧jibobö yödawenama, judío jojodöma tjöpöjödobe, judío jojodöböködönöma yökawaduwa jö̧ba̧lö, ja̧danö yödawökönö sulabenö ja̧tjobö tjisakwobe chömöledö. Jau chömöledö, la'akatjöda sulabenö ja̧biatjinadanö, ja̧bi sulabenö ja̧tjajabe judío jojodöma. Ja̧danö wanedö yötawa: Sulabenö ja̧tji̧ma su̧'bȩ baibajabe ida̧ökö. Jo̧kwajabetjö̧, babema bajaliyanö Dios lȩebi̧ma jobadönö badekwachajabe chömöledö.