Lucas 9:41 - Dios Iwene

⁴¹ Jejenö yöa̧lökwe, Jesúsma yöa̧linobe: —Ökwödö babe möle ju̧kwadöma, isabenö sulabenö omukwatadöja, Dios yöawi̧ otiwanö ösödökönö. ¿Dokwa lekwe ökwödökwö chö̧jakwa̧jö, otiwanö jweinö kwomukwataduwenanö baibanöma?— jö̧ba̧lö. Ikenama Jesúsma weinobe: —Kwitji̧nö baikwö ichejebinö— jö̧ba̧lö.

Lucas 9:41 Iomraidhean Croise

2 Reyes 5:8

Ja̧ baledaja̧ a̧ja̧kwinobe Dios yöawi̧ yöbawo̧ Eliseoma, —Siria luwo̧ kwiyalusöja weiökwe, ö̧kamiji̧do̧ kȩ'ekwö loajabeta, —jö̧ba̧lö. Jo̧kwajabetjö̧ yöbawo̧nö weinobe Israel la'aka luwo̧nö, yöawobö: —Tajawedö o̧'wo tjo̧achö kwö̧kamijido̧ kȩ'ekwö loköbaja̧da? Naamannö weköbo, chö̧jobekwö ichobö, –Israel nijitjö isabenö Dios yöawi̧ yöbawo̧ ö̧jobe, –jö̧ba̧lö öwaisachibakobetjö̧, —jö̧ba̧lö.

Éxodo 10:3

Jo̧kwaobetjö̧ Aarón, Moisés faraón ö̧bobekwö 'ya̧nö jo̧banö yöbawijadötö: —Isabenö Jo̧ma, hebreo jojodö tjuluwo̧ Diosma ökwönö baikwö yöawobe: —¿Dokwa lekwe ötjö weti̧ kwomajadenö jwiinö öpöjödö kwa̧ja̧kwökakwa̧da? Chömöledönö kabatakwawi ötjönö ösödö iyö tji̧'yo.

Éxodo 16:28

Jemi ikenama Isabenö Jo̧ma Moisésnö jö̧ba̧lijetö: —Israel jojodönö baikwö yöbawi: ¿Tajawedö kwa̧ja̧kwaduwokobeda ötjö weti̧ma? Ja̧danö, kwö̧jaduwobö yötawi̧bi ¿tajawedö a̧ja̧kwökönö kwö̧jaduwobeda?

Mateo 11:28

Tupakwö yöawinobe Jesúsma, jojodönö: —Okobe deinö ökwödö me'dawachibadö, nöinö ömöki̧ jawa kwe'ewaduwajabetjö̧ me'dawachibadöma, chö̧jobekwö ichaduwi, ja̧danö kwö̧'wachaduwobö ja̧takwo̧sa.

Mateo 12:39

Jejenö atjebökwe, Jesúsma atadinobe: —Ökwödö babe möle ju̧kwadöma sulabedöja, ja̧danö Diosnö kabatibadö kwö̧jaduwobetjö̧, ja̧ jojodö edajitjökö jawa i̧sekwa abebadöja. Jo̧kwaijayonö akebaduwi̧danöma chi̧sebökö. Dios weökwe chö̧ji̧ i̧seböma sule bakwöta jawada chi̧sebocha, Dios yöawi̧ yöbawo̧ Jonás mikwo̧nö baledinadanö baledakwa̧da chi̧sebocha. Baikwö yötawa:

Mateo 12:45

Jejenö badekwajo̧, ömöledö ju'wedö tjo̧'wo̧ luwo̧nö sulabedönö jelemutjö du̧ju̧tajabedönö isakwena, itedatjö bajalekwönönö sulabedönö, ja̧danö jobadönö öbibö, yemidanö ajayinö ö̧jinökwe o̧'wo̧ luwo̧nö teachibena. Jejenö baibitjö̧ma, jejenö tjö̧jökwema ajayinö usula emawö ö̧jinatjö bajalekwönönö yelösöda nöinö usula emawakwo̧, ¿jö̧tö? Ökwödö babe möle sulabedöbi ja̧danö. Yötawi̧ kwöpöjödaduwobetjö̧, ajayinö usula kwemawaduwinatjö bajalekwönönö nöinö usula kwemawaduwakwedöja— jö̧a̧linobe Jesúsma.

Mateo 16:4

Ökwödö babe möle ju̧kwadöma sulabedöja, ja̧danö Diosnö kabatibadö kwö̧jaduwobetjö̧, jojodö edajitjökö jawa i̧sekwa abebadöja. Jo̧kwaijayonö akebaduwi̧danöma chi̧sebökö. Dios weökwe chö̧ji̧ i̧seböma sule bakwöta jawada chi̧sebocha, Dios yöawi̧ yöbawo̧ Jonás mikwo̧nö baledinadanö. Jonas ba̧i̧so̧ ukwa'wo okwa a̧jina baledinadanö baledakwa̧da chi̧sebocha— jö̧ba̧lö yöawinobe Jesúsma. Ikenama, jejenö yöbawajo̧, jobadötjö 'da̧bachibö jelobe i̧'yinobe.

Mateo 17:17

Jejenö yöa̧lökwe, Jesúsma yöa̧linobe: —Ökwödö babe möle ju̧kwadöma sulabenö omukwatadöja, ja̧danö Dios ujulu otiwanö ösödöködöja. ¿Dokwa lekwe ökwödökwö chö̧jakwa̧jö, otiwanö jweinö kwomukwataduwenanö kabatöma?— jö̧ba̧lö. Ikenama Jesúsma weinobe: —Tjemunö baikwö ichejebinö— jö̧ba̧lö.

Mateo 23:36

Isabenö yötawaduwakwö, okobe deinö jobadönö kwabö lötiökwe Dios lȩebakwa̧ma, babe möle ju̧kwadönö badekwachakobe— jö̧ba̧lö yöawinobe Jesúsma.

Mateo 3:7

Israel jojodö tjuluwedö fariseo jojodö ötjabiwö̧tjöbi, saduceo jojodö ötjabiwö̧tjöbi ju'wedö tjichinobe, jobadönöbi Juan ojwenö ubu̧dato jö̧ba̧lö. Jo̧kwaijayonö, sulabenö tjomukwati̧ kabatibö balewachökönö ojwenö bu̧datakwawa abebö tjichiökwe, Juanma jobadönö yöawinobe: —Ökwödöma sulabedöja a̧ko̧'dö̧ nibadödanö, ja̧danö sulabenö kwomukwataduwi̧ balewachökönö, Dios lȩebakwa̧tjö kwö̧jibaduwobö omukwatadöja.

Marcos 10:14

Jejenö jö̧tja̧liökwe Jesúsma öpöjödijetö. Jo̧bama tjemunö tjichejebi̧ma ösödobetjö̧ jö̧ba̧lijetö öba̧ja̧di̧ waisachadönö: —¿Tajawedö tjichejebökönö jö̧ka̧laduwa? Webaduwidönö chö̧jobekwö tjicho. Omukwataduwi. Tjemuma bakwayi̧da omukwatö Diosnö ösödö ichadö. Yöta̧laduwakwö: Dios La'aka Luwo̧ ö̧jobekwö tetjachakwedöma bidö tjemu Diosnö tjösödi̧danö ösödö ju̧kwadöda.

Marcos 10:49

Jejenö jwöökwe Jesúsma jamatö jö̧ba̧lijetö jobe jukwadönö: —Yöbawaduwinö baikwö ichibo—jö̧ba̧lijetö. Jejenö jö̧a̧lawö̧ öbajale tjewawo̧nö jwöbö jö̧ba̧lijadötö: —Kwujulunö ja̧wi. A̧laibi. Ökwönö jwöatö— jö̧ba̧lijadötö.

Marcos 9:19

Jejenö jö̧a̧lökwe Jesúsma okobe deinö jö̧ba̧lijetö: —Ökwödö babe möle ju̧kwadöma isabenö ötjönö kwo̧'wo̧duwi wana̧löködöja. ¿Dokwa lekwe ja̧nö yemidanö, yemidanö yötawakwa̧jö kwo̧'wo̧duwi kwöwana̧laduwenanö baibanöma? Ökwödökwö lekwe chö̧jijayonö ina tjölakiyu a̧ja̧kwöködödanö ichejekwadöja. ¿Dokwa lekwe ja̧nö yötawakwa̧jö kwöwaisachibaduwenanö baibanöma?—jö̧ba̧lijetö— Tjemunö ichejebaduwitjö— webijetö Jesúsma.

Lucas 8:25

Ja̧danö, Jesúsma iteda öba̧ja̧di̧ waisachadönö abebö a̧ja̧kwinobe: —¿Tajawedö Diosnö kwo̧'wo̧ wana̧lökönö yekabiduwobedaja̧?— jö̧ba̧lö. Jejenö balediawö̧ Jesús öba̧ja̧di̧ waisachadöma yebaibö yötja̧lakwawinobe idödada: —Ayö, ¿tijö bite Jesúsma? Jwa̧lȩ'epjobi, ojwebi bite wei̧ a̧ja̧kwobe. ¿Ditejayo̧jö?— jö̧ba̧lö yebaibö yötja̧lakwawinobe Jesúsnö.

Lucas 9:40

Kwöba̧ja̧di̧ waisachadönö ateba̧latö chitji̧ o̧'wo̧ luwo̧nö sulabo̧ jo̧nö a'dewö lotjobö, jo̧kwaijayonö a'dewö lotjoböma tjujuluwökötö— jö̧ba̧lö aebinobe tjemu abe'doma.

Lucas 9:42

Weökwe, Jesús ö̧jobekwö ichejebinobe itji̧nö, ja̧danö tjichonö, o̧'wo̧ luwo̧nö sulabo̧ jo̧ma tjemu bulukanö 'dö̧bachibö meobö ja̧inobe. Ikenama Jesúsma o̧'wo̧ luwo̧nö sulabo̧ jo̧nö weinobe, tjemu o̧'wo̧ luwo̧tjö laebajobö, ja̧danö tjȩmunö otidö lobajo̧, abe'donö tjeatinobe itji̧nö.

Juan 14:9

Jejenö jö̧a̧liökwe: —Felipe ¿ötjönö wajwiköbiji̧?— jö̧a̧linobe Jesúsma Felipenöma—. Ökwödökwö lekwe möle chö̧jijayonö ina kwöwaisachibaduwokobe ötjönöma. ¿Tajawedö yöka̧laduwa, Dabe'donö i̧sebi dedo, jö̧ba̧lö? Yötawaduwakwö. Ötjönö edo̧ma Dabe'do Diosnöbi edobe.

Juan 20:27

Ikenama Tomásnö jö̧a̧linobe: —Tomás chömamijunö bȩtjina kwötö'anö 'yutebö edi. Ötjödasa. Ja̧danö, chometupanö dotjinabi 'dawebö edi. Ötjödasa. Ja̧danö, omukwatökönuwi, Jesúsma deobe, ö'wöchinena, jö̧ba̧lö. Jejenöma omukwatökönö, Jesús ina 'yaba̧lo̧, jö̧ba̧lö, jweinö omukwati, Tomás— jö̧a̧linobe Jesúsma Tomásnö.

Hechos 13:18

Ikenama cuarenta o̧biya jenanö, jojodö deobe kwebachö ji̧abijadötö. Jobe kwebachö ju̧kwö Dios wei̧ tja̧ja̧kwököjayonö Diosma jobadönö kabatibökönö ina te'ada̧liabijetö, da'dödöminenöma— Pablo yöbawijetö—.

Hechos 2:40

Pedroma ina nöinö yöbawijetö, jojodönö lȩbebö: —Diosma kwö̧jibaduwinö pjaataduwokwö abebaduwi, Jesúsnö ösötenö bȩbinadö lȩebakwawö̧ tjemi̧danö ökwödöbi kwemaduwapji, jö̧ba̧lö— yöbawijetö.

Romanos 2:4

Chömöledö, Diosma lekwe ite'ada̧lobe ökwödönöma. Lȩbebökönö lekwe ite'ada̧lobe, sulabenö ja̧köbaduwijayonö. Ja̧danö ite'ada̧lobema, ¿kwomukwataduwökenaji̧? Diosma lekwe ite'ada̧lobe ökwödönöma, sulabenö kwomukwataduwi̧ kwöbalewachaduwo jö̧ba̧lö, jweinö kwomukwataduwo jö̧ba̧lö.

Deuteronomio 32:5

Jo̧kwaijayonö ökwödö israel jojodöma, jo̧ba kwabe'doduwi Dios otiwo̧ ö̧ji̧danöböködöja. Dios itji̧muköbaduwijayonö, jo̧ba itji̧mu otiwanö ja̧bö tjö̧ji̧danöma ja̧bö jö̧ködöja. Jau, kwabe'doduwi Diosnö öpöjödö, ökwödöma omöna yöba̧ladö ja̧danö jwiinö sulabedöja.

Hebreos 3:19

Jo̧kwaobetjö̧ chömöledö jobadö tjö̧jinama ökwödönö baikwö wajuwanö i̧sebobe: Da'dödöminema, Dios wei̧ öpöjödö tja̧ja̧kwokobetjö̧ Dios jobadönö lȩbebö weinokobe Canaán niji tetjachobö, iteda iyemima. Jejenö jobadö Dioskwö do̧'wo̧ luwo̧nö ö'wachö tjöbamatobö jwiinobe. Chömöledö jobadö Diosnö öpöjödö tjö̧jinadanöma kwuju̧kwaduwoko.

Hebreos 4:11

Jo̧kwaobetjö̧ chömöledö, ökwödöda dujulunö Dioskwö dichibobö domukwati̧ma kadatibaduwo. Ja̧danö Diosnö do̧'wo̧ wana̧lö, jo̧bakwö jwaikwöda di̧'yaduwo, jo̧bakwö ö'wachö bamatö dö̧jobö. Isabenö, jejenö di̧'yobö jo̧be chömöledö Diostjö 'da̧bachibö dö̧japji jö̧ba̧lö, jo̧bakwö ö'wachö bamatökönö. Jau chömöledö, jwaikwöda Dios wei̧ a̧ja̧kwö di̧'yaduwo da'dödömine tji̧'yinadanö di̧'yapji jö̧ba̧lö, jojodö deobetjö wobinadö, Dioskwö ö'wachö bamatinöködödanö.

Hebreos 4:2

Isabenö chömöledö, Dios damötjö yöbawö ujuninama, Ötjönö ösödadöma tjo̧'wo̧ luwo̧ okwa ötjökwö ö'wachö tjöbamatobö jo̧be, jö̧ba̧lö, ökwödönöbi yöbawö ujuninobe. Ökwödöbi Dios iwene, otiwi̧ jawa wene a̧ja̧kwadödobetjö̧, ja̧ yöbawö ujunina wenema ökwödönöbi yöbawö ujuninobe chömöledö. Da'dödömine Dios iwene tja̧ja̧kwinadanö ökwödöbi da̧ja̧kwijatö. Ja̧danö, ja̧ wene a̧ja̧kwö dösödijatö, Isabenö ja̧ wenema otiwi̧ jwei̧ wene, jö̧ba̧lö. Jo̧kwaijayonö da'dödöminema Dios iwene tjöpöjödinobe, otiwi̧ jawa wene yöawinama. Tjöpöjödobetjö̧ ja̧ otiwi̧ jawa wene yöawi̧ma pjaatinokobe jobadönöma, tjo̧'wo̧ luwo̧ okwanöma. Jo̧kwaobetjö̧ Dioskwö ö'wachö bamatinöködö.

Hebreos 7:25

Jo̧kwaobetjö̧ Jesúsda jojodö Dioskwö ichibö tjö̧jibinö pjabato̧, Jesúsma dö̧jibinö pjabato̧, jö̧ba̧ladönöma. Ja̧danö, jobadö tjö̧ji̧bi okobe jwiinö pjaatinobe Jesúsma, ja'yubebi ji̧bökönö. Ja̧danö, Jesúsma jo̧banö ösödadönöma ba̧kwȩlö̧jatebö tjö̧jibinö pjabato̧, Jesúsma ba̧kwȩlö̧jatebö Diosnö abebö jobadönö pjaatobö ö̧jobetjö̧.