Lucas 9:35 - Dios Iwene

³⁵ Ja̧danö ojwio'wotjö Dios iwene ökwöinobe: —Bitema ötjöda Chitji̧, ötjöda omudawö chujunökwema. Jo̧ba yöawi̧ a̧ja̧kwaduwi— jö̧ba̧lö.

Lucas 9:35 Iomraidhean Croise

Isaías 42:1

Baikwö laebobe Dios yöa̧li̧ma: Bitema ötjöda omudawö chujuninökwe chömöayo̧, ujuluwachibanö pjatjatökwema. Jo̧bama ötjö ile 'di̧tebökwe. Jo̧banö chiyajabe ötjöda Cho̧'wo Luwo̧nö, ja̧danö jo̧bama jweinö lȩebo jö̧a̧li̧danö lȩebakwo̧ tjitebotenia jojojodönö.

Mateo 12:18

Bitema ötjöda omudawö chujuninökwe chömöayo̧. Jo̧bama, ötjö ile nitebökwe, ja̧danö cho̧'wo̧ ösöwanö chösödökwe. Jo̧banö chiyocha ötjöda Cho̧'wo̧ Luwo̧nö, ja̧danö jo̧bama tjitebotenia jojodönö lȩtebakwa̧ wene yöawakwo̧.

Mateo 3:17

Ja̧danö, mölejȩbetjö Dios iwene ökwöinobe, baikwö ökwöi̧ma: —Bitema ötjöda chösödökwe chitji̧. Cho̧'wo̧ ösöwanö chedökwe bitema— jö̧ba̧lö ökwöinobe.

Marcos 1:11

Ja̧danö, mölejȩbetjö Dios iwene ökwöijetö, baikwö ökwöi̧ma: —Ökwöma ötjöda chösödökwe chitji̧ja. Cho̧'wo̧ ösöwanö chösödobe ökwönö— jö̧ba̧lö ökwöijetö.

Lucas 3:22

Ja̧danö Dios O̧'wo̧ Luwo̧ma atji̧onö yunukodanö ichejekwo̧ jwibachibö Jesúsnö öwamatinobe, ja̧danö ju'wibi mölejȩbetjö iwene ökwöinobe, Ökwöma chösödökwe chitji̧ja, cho̧'wo̧ ösöwanö chösödobe ökwönö, jö̧ba̧lö.

Lucas 9:34

Pedro ina jejenö yöa̧lonö, ojwiyo'wo jobadö tjöwamenö o̧tjachibinobe, ja̧danö ojwiyo'wo okwa batjibinobe, o̧tjachibadö batjibanö. Jejenö ojwiyo'wo okwa o̧tjachibadö babibö, jwiinö yetjaibinobe.

Juan 12:28

Ikena abe'do Diosnö aebinobe: —Chabe'do ökwö jwiinö kwotiwi̧ma jojodönö i̧sekwi, ökwönö tjösödobö— aebinobe Jesúsma iteda Abe'donö. Jemi ikenama iwene ökwöinobe mölejȩbetjö, Dios jö̧a̧li̧ma: —Ida̧ökö, ötjö jwiinö chotiwi̧ma chi̧sekwijatö. Yemidanöbi chi̧sekwocha— jö̧ba̧lö.

Juan 3:16

Diosma okobe deinö böjȩnö ju̧kwadönö jwiinö ile niebobetjö̧ itji̧nö iteakwo̧nöda weinobe böjȩkwö. Ja̧danö, itji̧ iteakwo̧nö weinobe, jo̧banö ösödadöma, Bitema dö̧jibinö pjabato̧, jö̧ba̧lö, ba̧kwȩlö̧jatebö tjuju̧kwobö Dioskwö. Ja̧danö, jobadönö Dios lȩebi̧tjö baledökönö ba̧kwȩlö̧jatebö tjuju̧kwakwedö Dioskwö.

Hebreos 3:15

Ja̧danö chömöledö, kwo̧'wo̧ jwibibökönaduwi Dios damötjö yöawina, iteda iwenetjö laebi̧, bena yemidanö chiwȩyudi̧ma: Babema ötjö yötawi̧ kwa̧ja̧kwaduwena kwomajadeduwi̧nö ösödö kwuju̧kwaduwo. Kwa'dödömine, Moisés Egiptotjö laebinawö̧ tjomajadenö öpöjödö tjö̧jinadanöma kwuju̧kwaduwoko, ötjö yötawi̧ a̧ja̧kwökönöma. Jobadöma, jojodö deobe ja̧nö, ötjö weti̧ a̧ja̧kwökönö tjö̧jinobe. Ja̧danö, a̧ja̧kwökönö tjö̧jitjö̧ jwiinö chölabijatö jobadönöma Jejenö laebobe Dios iwenetjö. Chömöledö, ökwödödada pjabatö yöbawö kwö̧jaduwobö jo̧be, Diosnö ösödö jwaikwöda kwi̧'yaduwobö, jo̧ba wei̧ a̧ja̧kwö. Chömöledö, da'dödömine ba̧kwȩlö̧jatebö Dios wei̧ a̧ja̧kwökönö tji̧'yinadanö kwi̧'yaduwoko.

Hebreos 5:9

Ikena Jesúsma, usula emawö okobe jwiinö Dios wei̧ a̧ja̧kwö kaatinobe, ja'yubebi junibökönö. Chömöledö, Jesús jejenö okobe jwiinö Dios wei̧ a̧ja̧kwö kaati̧ma i̧sebinobe, Tjo̧wi̧, Jesúsma okobe deinö jojodö, jo̧banö ösödadö tjö̧jibinö pjabato̧ baibajabe, jö̧ba̧lö.