Lucas 9:33 - Dios Iwene

³³ Ja̧danö, jobadö du̧ju̧taja mölejȩbe tjȩwa̧jo jö̧tja̧lenama, Pedroma otiwanöma omukwatökönö Jesúsnö yöa̧linobe: —Duluwo̧, ökwödö kwömayedö bena ökwödökwö dö̧jobetjö isabenö otiwa, otiwanö ökwödönö pjadatobö. Kwösöditjö̧ma löwötebiya wa̧pötekwa 'dö̧dakwawena, ökwö bakwöte, Elías bakwöte, Moisés bakwöte kwölöwötebiyaduwi— jö̧ba̧lö.

Lucas 9:33 Iomraidhean Croise

Mateo 17:14

Jesúsma iteda öba̧ja̧di̧ waisachadökwö mö'ösa'otjö ȩwa̧jö, jojodö tjö̧jobe tjichibenama, bakwo̧ Jesús öba a'o ichibö bȩbachibö Jesúsnö aebinobe:

Mateo 17:4

Jejenö edö, Pedroma Jesúsnö yöa̧linobe: —Duluwo̧, isabenö otiwa, ökwödö kwöba̧ja̧di̧ waisachadö bena ökwödökwö dö̧jobö. Kwösöditjö̧ma löwötebiya wa̧pötekwa chotidena, ökwö bakwöte, Elías bakwöte, Moisés bakwöte kwölöwötebiyaduwi— jö̧ba̧lö.

Marcos 10:38

Jejenö atjebökwe Jesúsma jö̧ba̧lijetö: —Ökwödöma wajwibadödanö akebaduwa. ¿Kwa̧ja̧kwaja̧duwökiji̧ yötawaja̧ma, usula chemawakwa̧ yötawaja̧ma? Ja̧danö, ¿ötjö usula chemawinö baledakwa̧danö usula kwemawaduwenaji̧? Ja̧ nii̧ baledakwa̧ma ¿ökwödönö baledobö kwösödaduwiji̧?— jö̧ba̧lijetö.

Lucas 5:5

Weökwe, Simónma atadinobe: —Chuluwo̧, ida̧ökö yö̧te baledibanö nöinö ba̧i̧ jwodijayonö, da̧bulewatö. Bakwo̧bi ö̧libökötö. Jo̧kwaijayonö ba̧i̧ jwotobö weköbitjö̧ma, yemidanö maya lobö jwotocha— jö̧ba̧lö.

Lucas 9:34

Pedro ina jejenö yöa̧lonö, ojwiyo'wo jobadö tjöwamenö o̧tjachibinobe, ja̧danö ojwiyo'wo okwa batjibinobe, o̧tjachibadö batjibanö. Jejenö ojwiyo'wo okwa o̧tjachibadö babibö, jwiinö yetjaibinobe.

Lucas 9:49

Jejenö yöa̧liökwe, Juanma Jesúsnö yöa̧linobe: —Chuluwo̧, bakwo̧nö dedatö, sulabedö ja̧dönö a'dewö lobo̧nöma. Jo̧ba sulabedö ja̧dönö a'dewö loenama, ökwö kwiminö a'dewö loobe dedatö. Jo̧bama kwiminö a'dewö loijayonö ökwödö kwöba̧ja̧di̧ waisachadötjöbö̧kö̧, Jesús. Jo̧kwajabetjö̧, ökwödötjöbö̧kö̧obetjö̧, kaatobö wedatö, Jesús iminö a'dewö lobökönuwi jö̧ba̧lö. Ja̧ weda̧ja̧ma, otiwanö wedaji̧?— jö̧ba̧lö.

Juan 14:8

Jejenö yöawiawö̧ Felipe jö̧a̧linobe: —Duluwo̧, Dabe'do Diosnö dedobö jö̧da̧la. Jo̧banö i̧sebi do̧'wo̧ ösöwanö dö̧jo, Tjo̧wi̧ otiwanö dedajabe, jö̧ba̧lö— jö̧a̧linobe Felipema Jesúsnö.