Lucas 9:29 - Dios Iwene

²⁹ Ja̧danö, jobe ja̧nö Diosnö aebonö, Jesús öbama balewachinobe, ja̧danö ökamijido̧ma salöinö dewinobe.

Lucas 9:29 Iomraidhean Croise

Isaías 33:17

Chömöledö, ju'winö kwuluwo̧duwi inesö otiwo̧nö kwedaduwakwedöja, ja̧danö kwiteboduwi inesö jalemi niji kwedaduwakwedöja.

Isaías 53:2

Baikwö yöta̧la Dios ömöayo̧nö: Dios öba a'o ö̧da̧peachinama, a̧dekwanö pokwi̧danö, kököelö bö'diatjö pokwi̧danö ichejekwinobe. Jo̧banö edö, jo̧kwadabo̧danö ichejekwijatö, wamenö edö, otiwo̧nöma dedijökötö, ja̧danö la'aka luwo̧ ichejekwi̧danöma ichejekwinokobe. Wamenö edö, —Bitenö dösödo jö̧da̧lökwe, —jö̧ba̧lö edö domukwatijökötö, jo̧kwadabo̧danö ichejekwobetjö̧.

Mateo 17:2

Ja̧danö, jobe ja̧nö tjedemi, Jesús öbalewachobe tjedinobe. Jo̧ba öbama jawo̧ idejati̧danö dejatinobe, ja̧danö ökamijido̧ma salöinö dewinobe.

Marcos 16:12

Jemi ikenama Jesús öba̧ja̧di̧ waisachadö du̧ju̧taja mana tji̧'yena jelo̧danö ichejekwo̧ öwawachijetö, Jesúsma.

Lucas 3:21

Ka̧lena ö̧bakwa̧ abönö, Juanma jojodönö ojwenö ubu̧datinobe, ja̧danö ju'wi möle jejenö ubu̧datenama, Jesúsnöbi o̧jwenö ubu̧datinobe Juanma. Ja̧danö, ojwenö ubu̧dataja̧ ikena, Jesúsma Diosnö aebinobe, ja̧danö Diosnö aebemi ja'ötjö, mölejȩma po̧ekwachinobe.

Lucas 5:16

Jejenö tjichibiökwe, Jesúsma otiwanö pjaatinobe jobadönö, jo̧kwaijayonö ju'wikwenama Jesúsma jojodötjö 'da̧bachibö, deobekwö i̧'yinobe, Diosnö aebobö.

Lucas 6:12

Jemi ikenama ja'yubenö lekwajabetjö, Jesúsma mö'ösa'obe önöchinobe, jobetjö Diosnö aebobö, ja̧danö yö̧te baledibanö Diosnö aebinobe.

Lucas 9:18

Ja̧danö, ju'wi möle Jesúsma iteda öba̧ja̧di̧ waisachadökwöda jojodötjö 'da̧bachibö i̧'yinobe, Diosnö aebobö. Ja̧danö, iteda öba̧ja̧di̧ waisachadökwöda ja̧nö, Jesúsma jobadönö abebö a̧ja̧kwinobe: —Ju'wedö jojodö ötjönö yötja̧li̧ma, ¿dakwö omukwatö yötja̧lobeda? Tjedemi ¿tichobeda ötjöma?— jö̧ba̧lö.

Lucas 9:30

Ja̧danö, ömadö du̧ju̧taja dewinö dejatadö öwawachö jo̧bakwö yötja̧lakwawinobe, damötjö ji̧nadö Moisésbi, Elíasbi. Jobadöma Jesúskwö yötja̧lakwawinobe ja'yubenö lekwajabetjö Jerusaléntjö baledakwa̧ jawama, Dios badedö ujuninadanö Jesús midawö woakwa̧ jawama.

Juan 1:14

Ja̧danö, Dios Iwene Jo̧, jö̧ba̧lö, ötjabökwema jojo baibanö jeminökwe. Ja̧danö, jojo baibanö jeminökwema böjȩnö ökwödökwö ö̧jinobe. Ökwödöma jo̧banö edö, Jwiinö otiwo̧, jö̧ba̧lö, dösödijatö. Yelösöda, jo̧bama Dios Itji̧, iteakwo̧daobetjö̧ jwiinö otiwo̧. Ja̧danö, jo̧bama jwiinö lȩlö̧jino edöda pjabato̧. Ja̧danö, jweinöda yöba̧lo̧.

Hechos 6:15

Ikenama jobe la'aka luwedöma Estebannö tjedemi öbama salöijetö, ángel öba salöi̧danö.

Apocalipsis 20:11

Ja̧danö, chedijatö Diosnö, inesö ö̧baka, dewakanö bo̧nö. Ikenama böjȩbi, mölejȩbi jwiinö baibobe chedijatö, yemidanö baibökönö.