Lucas 9:28 - Dios Iwene

²⁸ Jejenö yöawaja̧ ikena jelemutjö wa̧pötakwa möle jenanö baledibajenama, Jesúsma Pedronöbi, Juannöbi, Jacobonöbi öbibö mö'ösa'obe önöchinobe, jobetjö Diosnö aebobö.

Lucas 9:28 Iomraidhean Croise

Mateo 14:23

Jojodö tjȩwa̧jobö weaja̧ ikenama, Jesúsma jo̧dawa'ye mö'ösa'obe önöchinobe, jo̧dawa'ye Diosnö aebobö. Yö̧te baibanö, Jesúsma jobe jo̧dawa'ye ö̧jibinobe,

Mateo 5:1

Ba̧jekwadö jo̧ba ökömanö ichajadönö edö, Jesúsma mö'ösa'o önöchinobe. Ja̧danö, jobe nöchajo̧ öbamatenama, iteda öba̧ja̧di̧ waisachadö jo̧ba ö̧bobekwö tjichinobe.

Marcos 1:35

Ju'wi dewachöma Jesúsma yötedaayi labebijetö. Labeibö jojodö deobekwö 'yi̧jetö Diosnö aebobö. Ichibö Diosnö abebijetö.

Marcos 6:46

Ikenama öba̧ja̧di̧ waisachadö tji̧'yajabe okobe jojodönö: —Tjo̧wi̧ta. Ötjöma chi̧'ya— jö̧a̧laja̧ ikena, Jesúsma mö'ösa'obe 'yi̧jetö abe'donö abebö.

Lucas 3:21

Ka̧lena ö̧bakwa̧ abönö, Juanma jojodönö ojwenö ubu̧datinobe, ja̧danö ju'wi möle jejenö ubu̧datenama, Jesúsnöbi o̧jwenö ubu̧datinobe Juanma. Ja̧danö, ojwenö ubu̧dataja̧ ikena, Jesúsma Diosnö aebinobe, ja̧danö Diosnö aebemi ja'ötjö, mölejȩma po̧ekwachinobe.

Lucas 5:16

Jejenö tjichibiökwe, Jesúsma otiwanö pjaatinobe jobadönö, jo̧kwaijayonö ju'wikwenama Jesúsma jojodötjö 'da̧bachibö, deobekwö i̧'yinobe, Diosnö aebobö.

Lucas 6:12

Jemi ikenama ja'yubenö lekwajabetjö, Jesúsma mö'ösa'obe önöchinobe, jobetjö Diosnö aebobö, ja̧danö yö̧te baledibanö Diosnö aebinobe.

Lucas 8:51

Ikenama Jairo ejube ichibenama, Jesúsma weinokobe ju'wedö tetjachoböma. Sule Pedrobi, Juanbi, Jacobobi, tjemu jojo'dobi jabe'dobi tetjachobö weinobe. Jobadökwöda teachinobe Jesúsma.

Lucas 9:18

Ja̧danö, ju'wi möle Jesúsma iteda öba̧ja̧di̧ waisachadökwöda jojodötjö 'da̧bachibö i̧'yinobe, Diosnö aebobö. Ja̧danö, iteda öba̧ja̧di̧ waisachadökwöda ja̧nö, Jesúsma jobadönö abebö a̧ja̧kwinobe: —Ju'wedö jojodö ötjönö yötja̧li̧ma, ¿dakwö omukwatö yötja̧lobeda? Tjedemi ¿tichobeda ötjöma?— jö̧ba̧lö.

Juan 6:3

Ja̧danö, Jesús, iteda öba̧ja̧di̧ waisachadö, Tiberias ojwe badeibö lamatajadöma, isowitjö mebibö mö'ösa'o jobekwö 'ya̧jadö tjönöchinobe. Nöchajadöma jobema tjöbamatinobe.

2 Corintios 13:1

Jau chömöledö, babema yemidanö wa̧pötakwanö baibanö chi̧'yocha kwiteboduwibe, ja̧danö isabenö lȩtebocha ökwödötjö a̧ja̧kwökönö ina sulabenö ja̧badönö. Ja̧danö chömöledö, sulabenö ja̧badönö lȩtebenama, bakwo̧da jelo̧ ja̧ina yöawitjö̧ma juluwanö chösödökena, Dios damötjö weinadanö sule du̧ju̧tajaö̧kö̧, wa̧medukwaö̧kö̧ tjedina jawa jweinö yötjawitjö̧da lȩtebocha.

Hebreos 5:7

Ja̧danö, Jesúsma, böjȩnö jojo babibö bötjachajo̧ma yelösöda usula emawinobe. Ja̧danö Diosnö, woawatjö ö̧jibinö juluwo̧ Diosnöma budekwabinö aebinobe woawatjö ö̧jibinö pjaatobö. Jo̧kwaijayonö Diosma, ö̧jibinö pjabatökönö weinobe usula emawö woobö. Chömöledö ¿Diosma a̧ja̧kwinököji̧ iteda Itji̧ ubudekwi̧ma? Isabenö a̧ja̧kwinobe, Jesúsma Diosnö yebabinö edö jo̧ba wei̧ a̧ja̧kwöda ö̧jinobetjö̧.

2 Pedro 1:16

Chömöledö, ökwödönö Duluwo̧ Jesucristo iteda ujulu i̧sebö ichakwa̧ wene yödawijatö, ¿jö̧tö? Jau chömöledö, Jesús yemidanö ichakwa̧ yödawijatö, ja̧danö jejenö yödawenama, jojodö omöna yötjawi̧dama yödawinokobe chömöledö. Jau chömöledö, isabenö duluwo̧ Jesucristo ujulu waisadösa, ja̧danö Jesucristo inesö ujulu döbajalenö edinadöda yödawijatö chömöledö.